| e-texts navigator |
| Wylie |
38b1 བྱས་ན་ཆུང་མར་འགྱུར་ཏེ། ཉི་མ་རེ་རེ་དོང་ཙེ་སྟོང་སྟོང་སྟེར་ཞིང་རྒྱབ་དུ་ཞོན་ན་རི་རབ་ལ་ཡང་ཁྱེར་བར་བྱེད་དོ། །གཞན་ཡང་རྒྱལ་སྲིད་སྦྱིན་པར་བྱེད་ཅིང་རྒྱལ་པོའི་བུ་མོ་བཀུག་ནས་སྟེར་ཏེ། ལོ་སྟོང་ཕྲག་ལྔ་འཚོ་ཞིང་ཤི་ནས
38b2 ཀྱང་རྒྱལ་རིགས་སུ་སྐྱེའོ། །ཆུ་བོ་འདུས་པའི་འགྲམ་དུ་སོང་སྟེ། ཤའི་བཟའ་བ་དང་ཀ་ར་བཱི་རའི་མེ་ཏོག་སྦྱིན་ཞིང་གུ་གུལ་གྱི་དུད་པས་བདུགས་ལ་སྟོང་ཕྲག་བརྒྱད་བཟླས་ན་འགྲུབ་པར་འགྱུར་རོ། །མཚན་མོ་ཡང་མཆོད་པ
38b3 རྒྱས་པར་བྱས་ཏེ་མར་གྱི་མར་མེ་རབ་ཏུ་སྤར་ནས་སྟོང་ཕྲག་བརྒྱད་བཟླས་ན་འཁོར་ལྔ་བརྒྱས་ཡོངས་སུ་བསྐོར་ནས་རྐང་གདུབ་ཀྱི་སྒྲ་ཆེན་པོས་འོང་ངོ་། །འོངས་པ་ལ་མི་སྨྲ་བར་གྱུར་པས་འདོད་པར་བྱ་སྟེ་ཆུང་མར
38b4 འགྱུར་རོ། །གལ་ཏེ་སྤང་བར་བྱས་ན་འཆི་བར་འགྱུར་རོ། །རྒྱབ་དུ་ཞོན་ན་ཉི་མ་རེ་རེ་མཐོ་རིས་སུ་ཡང་ཁྱེར་བར་བྱེད་དོ། །གཞན་ཡང་རྒྱལ་སྲིད་སྟེར་ཞིང་ལོ་སྟོང་ཕྲག་ལྔ་འཚོ་ལ་ཤི་ནས་ཀྱང་རྒྱལ་རིགས་སུ་སྐྱེའོ། །
38b5 ཆུ་བོའི་འགྲམ་དུ་སོང་སྟེ། གུ་གུལ་གྱིས་དཀྱིལ་འཁོར་བྱས་ནས་ཨ་ཀ་རུའི་བདུག་པ་སྦྱིན་ཞིང་ཇི་ལྟར་གསུངས་པའི་གཏོར་མ་བྱིན་ནས་སྟོང་ཕྲག་བརྒྱད་བཟླས་ན་འགྲུབ་པར་འགྱུར་རོ། །མཚན་མོ་ཡང་མཆོད་པ་རྒྱས་པར་བྱས
38b6 ཏེ་སྟོང་བཟླས་ན་རང་ཉིད་འོང་སྟེ་སྣང་བ་ཆེན་པོ་བྱས་ནས་ཙན་དན་གྱི་ཆུས་མཆོད་ཡོན་བྱིན་ན་དགའ་བར་འགྱུར་རོ། །སྡུག་པ་ངས་ཅི་བྱ་ཞེས་སྨྲ་བར་བྱེད་དོ། །སྒྲུབ་པ་པོས་མ་གྱིས་ཤིག་ཅེས་སྨྲ་བར་བྱ་སྟེ། མ་བཞིན་དུ་ཡོངས་སུ
38b7 སྐྱོང་བར་བྱེད་དོ། །འཁོར་ལྔ་བརྒྱའི་འབྲས་ཆན་དང་། རྒྱན་དང་གོས་རྣམས་ཉི་མ་རེ་རེ་ཞིང་སྟེར་ཞིང་ལོ་ཁྲི་འཚོ་ལ་གང་གི་ཚེ་འཆི་བ་ན་བྲམ་ཟེའི་རིགས་སུ་སྐྱེའོ། །ཆུ་བོ་འདུས་པའི་འགྲམ་དུ་སོང་སྟེ། མཆོད་པ་རྒྱས་པ
38b8 བྱས་ནས་མར་གྱི་མར་མེ་རབ་ཏུ་སྤར་ཏེ་མཚན་ཐོག་ཐག་བཟླས་སྟེ། དེ་ནས་ནམ་ཕྱེད་ཀྱི་དུས་སུ་འབྱུང་མོ་སྣང་བ་ཆེན་པོ་བྱས་ནས་འོང་སྟེ། སྡུག་པ་ངས་ཅི་བྱ་ཞེས་སྨྲ་བར་བྱེད་དེ། དེ་ནས་རྒྱལ་སྲིད་བྱིན
iiif viewer powered by OpenSeadragon
