| e-texts navigator |
| Wylie |
38a1 ཆུང་མར་འགྱུར་རོ། །གསེར་སྲང་བརྒྱ་མལ་དུ་དོར་ནས་ཐོ་རངས་ཀྱིས་འགྲོ་བར་བྱེད་དོ། །ཉི་མ་རེ་རེ་འདི་ལྟར་བྱས་ན་ཟླ་བ་གཅིག་གི་བར་དུ་ངེས་པར་འགྲུབ་བོ། །ཆུ་བོའི་འགྲམ་དུ་སོང་སྟེ་ཙན་དན་གྱིས་དཀྱིལ
38a2 འཁོར་བྱས་ནས་ཞོ་དང་འབྲས་ཆན་གྱི་གཏོར་མ་བྱིན་ན་ཉི་མ་བདུན་ན་ངེས་པར་འོང་ངོ་། །འོངས་ནས་ཙན་དན་གྱི་ཆུའི་མཆོད་ཡོན་བྱིན་ན་དགའ་བར་གྱུར་ཏེ། སྡུག་པ་ངས་ཅི་བྱ་ཟེར་ཏེ་སྒྲུབ་པ་པོ་ཡིས་རྒྱལ་སྲིད་སླང་ཅིག་ཅེས་སྨྲ
38a3 འོ། །དེ་ནས་ཡུལ་འཁོར་ཡང་ཡོངས་སུ་སྐྱོང་བར་བྱེད་དོ། །གོས་དང་རྒྱན་དང་བཟའ་བ་ལ་སོགས་པ་མཐུན་པར་སྦྱིན་པར་བྱེད་དོ། །དཔལ་རྡོ་རྗེ་འཆང་གི་ཁང་པར་སོང་སྟེ། ཀ་ར་བི་རའི་མེ་ཏོག་སྦྱིན་ཞིང་གུ་གུལ་གྱི་བདུག
38a4 པས་བདུགས་ལ་སྟོང་ཕྲག་བརྒྱད་བཟླས་ན་འགྲུབ་པར་འགྱུར་ཏེ། མཚན་མོ་ཡང་སྟོང་བཟླས་ན་ངེས་པར་འོང་ངོ་། །འོངས་པ་ལ་མེ་ཏོག་གི་སྟན་སྦྱིན་ཞིང་ལེགས་པར་འོངས་སོ་ཞེས་བརྗོད་ན་ཆུང་མར་འགྱུར་ཏེ། ལྷའི་དངུལ་ཆུ་དང
38a5 བཅུད་ཀྱིས་ལེན་དང་། རྫས་ཀྱི་དངོས་གྲུབ་སྟེར་ཞིང་དགྲ་ཐམས་ཅད་འཇོམས་པར་བྱེད་དོ། །རྒྱབ་དུ་ཞོན་ན་མཐོ་རིས་སུ་ཡང་འཁྱེར་བར་བྱེད་དོ། །ལོ་སྟོང་ཕྲག་བཅུར་འཚོའོ། །ཆུ་བོའི་འགྲམ་དུ་སོང་སྟེ་སྤོས་དཀར
38a6 པོས་དཀྱིལ་འཁོར་བྱས་ནས་མེ་ཏོག་དཀར་པོ་བྱིན་ཏེ། དུ་རུ་ཀས་བདུགས་ལ་སྟོང་ཕྲག་བཅུ་བཟླས་ན་འགྲུབ་པར་འགྱུར་རོ། །མཚན་མོ་ཡང་སྟོང་བཟླས་ན་ངེས་པར་འོང་ངོ་། །འོངས་པ་ལ་མེ་ཏོག་གི་ཆུའི་ཡོན་ཆབ
38a7 བྱིན་ནས་བསྒོ་ན་སྲིང་མོར་འགྱུར་རོ། །དངུལ་ཆུ་དང་། བཅུད་ཀྱིས་ལེན་དང་། རྫས་ཀྱི་དངོས་གྲུབ་སྟེར་ཞིང་དཔག་ཚད་སྟོང་དུ་སོང་ནས་བུད་མེད་བཟང་མོ་བླངས་ནས་སྟེར་བར་བྱེད་ཅིང་མཚན་མོ་སླར་འཁྱེར་རོ། །ལྷ་ཁང
38a8 སྟོང་པར་སོང་ནས་ཇི་ལྟར་གསུངས་པའི་གཏོར་མ་དང་མཆོད་པ་བྱས་སྟེ་སྟོང་ཕྲག་བརྒྱད་དུ་བཟླས་ན་འགྲུབ་པར་འགྱུར་རོ། །མཚན་མོ་ཡང་གཏོར་མ་བྱིན་ནས་སྟོང་ཕྲག་བརྒྱད་བཟླས་ན་ངེས་པར་འོང་ངོ་། །འོངས་པ་ལ་འདོད་པ
iiif viewer powered by OpenSeadragon
