| e-texts navigator |
| Wylie |
37a1 རྒྱལ་མོ་ཆེན་མོ་སྟེ། དཔལ་གྱི་སྒྲ་ཡིས་རབ་ཏུ་གྲགས་པའོ། །དེ་ནས་དཔལ་གྱི་བསྒྲུབ་པའི་ཐབས་བཀླགས་པ་ཙམ་གྱིས་དངོས་གྲུབ་སྟེར་བ་སྟེ། དཔལ་རྡོ་རྗེ་འཆང་གི་མཚན་བརྗོད་པ་ཙམ་གྱིས་འབྱུང་པོ་དང་འབྱུང་མོ་ཐམས
37a2 ཅད་མངག་གཞུག་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། གང་གི་ཚེ་དམ་ཚིག་ལས་འདས་ན་འཕྲལ་དུ་འབྱུང་པོ་དང་འབྱུང་མོ་ཐམས་ཅད་རིགས་དང་རྒྱུད་དུ་བཅས་ཏེ་ཕུང་བར་བྱའོ། །དེ་ནས་འབྱུང་པོ་ཆེན་པོ་གཞན
37a3 གྱིས་མི་ཐུབ་པས་འདི་སྐད་ཅེས་གསོལ་ཏོ། །ལྷ་ཆེན་པོའི་དམ་ཚིག་ལ་གནས་ཤིང་འཇིག་རྟེན་པའི་སྔགས་དང་ཕྱག་རྒྱའི་ཆོ་ག་ཐམས་ཅད་ཀྱི་དངོས་གྲུབ་སྩལ་བར་བགྱིའོ། །དཔལ་རྡོ་རྗེ་འཆང་བཟླས་པ་ཙམ་གྱིས་ཐམས
37a4 ཅད་འགྲུབ་པར་འགྱུར་ཏེ། གལ་ཏེ་མ་གྲུབ་ན་རིགས་དང་རྒྱུད་དུ་བཅས་པ་བརླག་པར་གྱུར་ཅིག་།དེ་བཞིན་གཤེགས་པ་ཐམས་ཅད་ཀྱིས་གསུངས་པའི་དམ་ཚིག་ཉམས་པར་གྱུར་ཅིག་།དེ་བཞིན་གཤེགས་པའི་ཁྲོ་བོའི
37a5 རྡོ་རྗེས་སྤྱི་བོ་དགས་པར་གྱུར་ཅིག་། མྱུར་བ་ཉིད་དུ་ཤི་སྟེ་རྣམ་པ་ཐམས་ཅད་དུ་དམྱལ་བ་ཆེན་པོ་བརྒྱད་དུ་འཇུག་པར་གྱུར་ཅིག་།དེ་ནས་ཡང་དག་བཤད་བྱ་བ། །སྒྲུབ་པ་པོ་ཡི་གནས་མཆོག་སྟེ། །ཆུ་བོའི་འགྲམ་དང་དུར་ཁྲོད་དང་། །
37a6 ཕྱག་ན་རྡོ་རྗེའི་ཁྱིམ་དག་སྟེ། །དེར་ནི་འབྱུང་པོ་འབྱུང་མོ་ཀུན། །འགྲུབ་འགྱུར་འདི་ལ་ཐེ་ཙོམ་མེད། །འབྱུང་པོའི་རྒྱལ་མོ་ཆེན་པོ་བརྒྱད་ཀྱི་བསྒྲུབ་པའི་གནས་སོ། །དེ་ནས་ཕྱག་རྒྱ་བཤད་བྱ་བ། །འབྱུང་མོ་བརྒྱད
37a7 ཀྱི་སྒྲུབ་པ་སྟེ། །ལག་གཡོན་ཁུ་ཚུར་དམ་བཅངས་ནས། །གུང་མོ་རབ་ཏུ་བརྐྱང་བྱས་པ། །སྤྱན་དྲང་མཆོད་པའི་ཕྱག་རྒྱ་སྟེ། །རིགས་ཀྱི་མཆོག་ནི་བསྒྲུབ་བྱེད་པའོ། །ཁུ་ཚུར་ཕན་ཚུན་བཅངས་ནས་ནི། །མཛུབ་མོ་རབ
37a8 ཏུ་བརྐྱང་བྱས་པ། །རང་གི་དམ་ཚིག་བསྲུང་བ་ཡི། །འབྱུང་མོ་སྐད་ཅིག་དེ་ལ་བསྒྲུབ། །ལག་གཡོན་ཁུ་ཚུར་དམ་བཅངས་ནས། །མཐེ་ཆུང་རབ་ཏུ་བརྐྱང་བྱས་པ། །ཉེ་བར་བྱེད་པའི་ཕྱག་རྒྱ་སྟེ། །འབྱུང་པོ་ཐམས་ཅད
iiif viewer powered by OpenSeadragon
