| e-texts navigator |
| Wylie |
36b1 དཔལ་རྡོ་རྗེ་འཆང་རྒྱལ་པོ་ཆེན་པོས་བསྐྱབ་དུ་གསོལ། དེ་ནས་ཁྲོ་བོ་ཆེན་པོ་རྡོ་རྗེ་ཆེན་པོ་རྡོ་རྗེ་འཆང་གིས་འདི་སྐད་ཅེས་གསུངས་སོ། །ཀྱེ་བུད་མེད་རྣམས་གོ་བར་གྱིས་ཤིག་།དཔལ་རྡོ་རྗེ་འཆང་རྒྱལ་པོ་ཆེན་པོ་ལ་སོགས་པའི
36b2 བསྙེན་བཀུར་བྱོས་ཤིག་། དབྱིག་དང་གསེར་དང་མུ་ཏིག་དང་རིན་པོ་ཆེ་དང་། བཻ་དཱུརྱ་དང་། པད་མ་རཱ་ག་དང་རྫས་ཐམས་ཅད་ཕུལ་ཅིག་།དེ་ནས་ལྷའི་བུད་མེད་ལ་སོགས་པ་ལྷའི་བུ་མོ་དང་གནོད་སྦྱིན་མོ་ཐམས་ཅད་ཀྱིས་འདི་སྐད
36b3 ཅེས་གསོལ་ཏོ། །བཅོམ་ལྡན་འདས་འགུམ་མོ་འགུམ་མོ། །དཔལ་རྡོ་རྗེ་ཁྲོ་བོ་བཟླས་པ་རྣམས་ཀྱི་བྲན་མོ་བགྱིད་དོ། །བསྙེན་བཀུར་བགྱིད་དོ། །གལ་ཏེ་ཁྲོ་བོ་ཟློས་པའི་བསྙེན་བཀུར་མ་བགྱིས་ན་རིགས་དང་རྒྱུད་དུ་བཅས་པ་བརླག
36b4 པར་གྱུར་ཅིག་། དམ་པའི་ཆོས་སྤོང་བར་གྱུར་ཅིག་།དེ་བཞིན་གཤེགས་པ་ཐམས་ཅད་ལ་སྨད་པར་གྱུར་ཅིག་།བཅོམ་ལྡན་འདས་ཀྱི་ཁྲོ་བོ་ཆེན་པོའི་རྡོ་རྗེས་སྤྱི་བོ་ཁོས་ཤིག་།ལན་བརྒྱད་རྣམ་པར་གཤེགས་ཤིང་ཤི་ནས་མྱུར
36b5 བ་ཉིད་དུ་དམྱལ་བ་ཆེན་པོ་བརྒྱད་དུ་འཇུག་པར་གྱུར་ཅིག་། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ལྷའི་བུད་མེད་ཐམས་ཅད་དང་། ཀླུ་མོ་དང་གནོད་སྦྱིན་མོ་རྣམས་ལ་ལེགས་སོ་ཞེས་བྱ་བ་བྱིན་ཏེ།
36b6 ལྷའི་བུ་མོ་དང་ཀླུ་མོ་དང་། གནོད་སྦྱིན་མོ་རྣམས་ལེགས་སོ་ལེགས་སོ། །མ་འོངས་པའི་ཚེ་མ་འོངས་པའི་དུས་ན་དེ་བཞིན་གཤེགས་པ་ཟློས་པའི་མི་རྣམས་ཀྱི་བསྙེན་བཀུར་གྱིས་ཤིག་།དེ་ནས་འབྱུང་པོའི་བྲན་རྣམས་ཀྱིས་འབྱུང
36b7 པོའི་རྒྱལ་པོ་གཞན་གྱིས་མི་ཐུབ་པ་ལ་སོགས་པ་འཁོར་དང་བཅས་པ་ལངས་ཏེ། དཔལ་རྡོ་རྗེ་འཆང་ཁྲོ་བོའི་བདག་པོ་ཆེན་པོའི་ཞབས་ལ་མགོ་བོས་བཏུད་ནས་རང་གི་སྙིང་པོ་ཕུལ་བ། ཨོཾ་ཤྲཱི་མ་ཧཱ་བྷཱུ་ཏ་ཀུ་ལ་སུནྡ་ཧཱུ~ཾ། ཨོཾ་ཤྲཱི་བི་ཛ་ཡ
36b8 སུནྡ་རི་ཧྲཱིཿ། ཨོཾ་ཤྲཱི་བི་མ་ལ་སུནྡ་རི་ཨ། ཨོཾ་ཤྲཱི་ར་ཏི་སུནྡ་རི་དྷུ། ཨོཾ་ཤྲཱི་མ་ནོ་ཧ་ར་སུནྡ་རི་ཨི། ཨོཾ་ཤྲཱི་བྷཱུ་ཥ་ཎ་སུནྡ་རི་མཾ། ཨོཾ་ཤྲཱི་ད་བ་ལ་སུནྡ་རི་མ~ཾ། ཨོཾ་ཤྲཱི་ཙཀྵུརྨ་དྷུ་མ་སུནྡ་རི་ཏི། ཞེས་པ་འདི་རྣམས་ནི་འབྱུང་པོའི
iiif viewer powered by OpenSeadragon
