| e-texts navigator |
| Wylie |
35b1 ཤངས་ཀྱི་བུ་ག་ནས་རླུང་ཆེན་པོ་རོ་འཚོ་བར་བྱེད་པ་བྱུང་བར་གྱུར་ཏེ། དེ་བྱུང་བ་ཙམ་གྱིས་འབྱུང་པོ་དང་འབྱུང་མོ་རྣམས་ཀྱི་ལུས་ལ་ཞུགས་སོ། །ཞུགས་པ་ཙམ་གྱིས་འབྱུང་པོ་དང་འབྱུང་མོ་རྣམས་ལངས་ཏེ་ཆེར་འཇིགས་ཤིང་རབ་ཏུ་འདར
35b2 བར་གྱུར་པས་བཅོམ་ལྡན་འདས་བསྐྱབ་ཏུ་གསོལ། བདེ་བར་གཤེགས་པ་བསྐྱབ་དུ་གསོལ། བཅོམ་ལྡན་འདས་ཀྱི་བཀའ་བཞིན་བགྱིད་དོ་ཞེས་སྨྲས་སོ། །དེ་ནས་འབྱུང་པོའི་བདག་པོ་བཞན་གྱིས་མི་ཐུབ་པ་འཁོར་གྱི་དཀྱིལ
35b3 འཁོར་དེར་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་བཅོམ་ལྡན་འདས་ཁྲོ་བོའི་བདག་པོ་ཆེན་པོ་དཔལ་སྲིད་པ་གསུམ་ལས་རྣམ་པར་རྒྱལ་བ་བདེ་བར་གཤེགས་པ་བསྐྱབ་དུ་གསོལ། བཅོམ་ལྡན་འདས་ཡོངས་སུ་བསྐྱབ
35b4 དུ་གསོལ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། འབྱུང་པོའི་བདག་པོ་གླིང་བཞི་པ་ཐམས་ཅད་ཀྱི་མི་རྣམས་ལ་དངོས་གྲུབ་རྫོགས་པར་བྱིན་ཅིག་།འཛམ་བུའི་གླིང་པའི་མི་རྣམས་ལ་དངུལ་ཆུ་དང་བཅུད་ཀྱིས་ལེན་པའི
35b5 རྫས་རྣམས་སྒྲུབ་ཅིང་བདེ་བར་བྱིན་ཅིག་། དབྱིག་དང་གསེར་དང་། དངུལ་དང་། མུ་ཏིག་དང་། བཻ་དཱུརྱ་དང་། པདྨ་རཱ་ག་དང་། མེ་དང་ཆུ་ཡི་ཤེལ་དང་། སྤོས་དང་ལྷའི་ན་བཟའ་རྣམས་བྱིན་ཅིག་།
35b6 འདི་ཟློས་པའི་འབྲས་བུ་འགྲུབ་པར་གྱིས་ཤིག་།བསྙེན་བཀུར་གྱིས་ཤིག་དེ་བཞིན་གཤེགས་པ་ཐམས་ཅད་ཟློས་པའི་རིན་པོ་ཆེའི་ཅོད་པན་དང་། གོས་དང་དྲི་དང་། བདུག་པ་དང་། མེ་ཏོག་ལ་སོགས་པ་དང་ཡོ་བྱད་དང་།
35b7 རྫས་ཐམས་ཅད་བགེགས་མེད་པར་བྱིན་ཅིག་།རྒྱལ་པོའི་འཇིགས་པ་དང་། དགྲའི་འཇིགས་པ་དང་། སེང་གེའི་འཇིགས་པ་དང་། སྟག་གི་འཇིགས་པ་ཐམས་ཅད་ཟློག་ཅིག་།ཀྱེ་ཀྱེ་གཞན་གྱིས་མི་ཐུབ་པ་འབྱུང་པོའི
35b8 དབང་ཕྱུག་ཆེན་པོ་མྱུར་དུ་མྱུར་དུ་ཉོན་ཅིག་ཉོན་ཅིག་། ལེ་ལོ་ཅན་དང་ཚུལ་ཁྲིམས་འཆལ་བ་དང་། སྡིག་པ་བྱེད་པ་དང་བརྫུན་སྨྲ་བ་རྣམས་ལ་ངེས་པར་དངོས་གྲུབ་བྱིན་ཅིག་།གལ་ཏེ་རིག་སྔགས་འཆང་ལ་དངོས་གྲུབ་མི
iiif viewer powered by OpenSeadragon
