| e-texts navigator |
| Wylie |
34a1 གཉིས་པ་རུ་ནི་བཟའ་བར་བྱ། །གསུམ་པ་ལ་ཡང་དེ་བཞིན་ནོ། །བཞི་པར་ཡང་ནི་བཟའ་བར་བྱ། །དེ་དག་འཁྲུལ་འཁོར་མེད་པར་བསྟན། །ཕྱོགས་ཀྱི་ཆ་ནི་ཐམས་ཅད་དུ། །ཡོངས་སུ་གང་བར་ཤེས་པར
34a2 བྱ། །ཕྱི་མ་ཡི་ནི་ཆོ་ག་ཡིས། །ཚོང་འདུས་ཟེ་འབྲུ་རྒྱུ་བའོ། །འཕགས་པ་རྡོ་རྗེ་ས་འོག་གི་རྒྱུད་ལས་ཕྱོགས་ཀྱི་མཚན་ཉིད་ཀྱི་ལེའུ་སྟེ་ཉི་ཤུ་བཞི་པའོ།། །།འཕགས་པ་རྡོ་རྗེ་ས་འོག་ཅེས
34a3 བྱ་བའི་རྒྱུད་ཀྱི་རྒྱལ་པོ་ཆེན་པོ་རྫོགས་སོ། ། །།ཕྱག་ན་རྡོ་རྗེ་ལ་ཕྱག་འཚལ་ལོ། །དེ་ནས་ལྷ་མ་ཡིན་གྱི་དབང་པོ་གཞན་ལེན་གྱིས་སླར་ཡང་བཅོམ་ལྡན་འདས་དཔལ་རྡོ་རྗེ་འཛིན་པའི་མགོན་པོ་ལ་གུས་པས་ཕྱག
34a4 འཚལ་ནས་ཐལ་མོ་སྦྱར་ཏེ་གསོལ་པ། སྦྱོར་བ་བཅུ་པོ་གཉིས་པོ་འདི་རྣམས་གང་ལ་གང་བྱུང་བ་དང་བུ་ག་ཐམས་ཅད་ཀྱི་འཁྲུལ་འཁོར་ནམ་མེད་པར་འགྱུར་བ་ལགས། བཅོམ་ལྡན་འདས་ཀྱིས་བཀའ་སྩལ་པ།
34a5 དེ་དེ་བཞིན་ཏེ་དབྱར་ཟླ་ཐ་ཆུངས་ཀྱི་ནག་པོའི་བཅུ་བཞི་ལ་གཟའ་ཕུར་བུའི་ཉི་མ་དང་། སྐར་མ་རྒྱལ་འཛོམ་པ་ལ་ངེས་པར་བུ་གའི་སྒོ་འབྱེད་པར་འགྱུར་རོ། །སྟོན་ཟླ་ཐ་ཆུངས་ཀྱི་གནམ་སྟོང་ལ་ཕུར་བུའི་ཉི་མ་དང
34a6 རྒྱུ་སྐར་ས་རི་འཛོམ་པ་ལ་ངེས་པར་བུ་གའི་སྒོ་གྲོལ་བར་འགྱུར་རོ། །གཞོན་ནུ་མ་རང་ཉིད་འོངས་ནས་འཇུག་པར་བྱེད་དོ། །སྟོན་ཟླ་ཐ་ཆུངས་ཀྱི་ཉ་ལ་ཕུར་བུའི་ཉི་མ་དང་། སྐར་མ་བྲ་ཉེ་འཛོམ་པ་ལ་བུ་ག
34a7 ཐམས་ཅད་ཀྱི་འཁྲུལ་འཁོར་མེད་པར་འགྱུར་རོ། །དགུན་ཟླ་འབྲིང་པོ་ནག་པོའི་བཅུ་བཞི་ལ་ཕུར་བུའི་ཉི་མ་དང་སྐར་མ་རྒྱལ་འཛོམ་པ་ལ་འཁྲུལ་འཁོར་ཐམས་ཅད་གྲོལ་བར་འགྱུར་རོ། །དགུན་ཟླ་ཐ་ཆུངས
34a8 ཀྱི་ནག་པོའི་བཅུ་བཞི་ལ་ཕུར་བུ་དང་། སྐར་མ་གྲོ་ཞུན་ལ་བུ་ག་ཐམས་ཅད་ཀྱི་འཁྲུལ་འཁོར་མེད་པར་འགྱུར་རོ། །དགུན་ཟླ་ཐ་ཆུངས་ཀྱི་དཀར་པོའི་བཅུ་བཞི་ལ་ཕུར་བུའི་ཉི་མ་དང་སྐར་མ་རྒྱལ་འཛོམ་པ་ན་འཁྲུལ་འཁོར
iiif viewer powered by OpenSeadragon
