| e-texts navigator |
| Wylie |
33b1 རྫས་བཟང་པོ། །གྲུབ་པའི་རྫས་ནི་བླ་ན་མེད། །བདེན་བྲལ་དུ་ནི་རལ་གྲིར་འགྱུར། །གཤིན་རྗེར་དེ་བཞིན་མིག་སྨན་ཉིད། །རླུང་གི་ཕྱོགས་སུ་རྟག་གནས་པ། །ཡིད་བཞིན་ནོར་བུ་ཞེས་བྱའོ། །ལྷ་ཉིད་ཀྱི་ནི་མདུན་དུ་ཡང་། །
33b2 འབབ་སྟེགས་ཅན་གྱི་རྫིང་བུར་བསྟན། །ཁང་བཟངས་ཀྱི་ནི་ནང་ན་ཡང་། །གྲུབ་པའི་རྫས་ལ་ཐེ་ཚོམ་མེད། །ལྷོ་ཡི་སྒོ་རུ་གང་གྱུར་པ། །ལྷོ་ཡི་ཕྱོགས་སུ་མངོན་ཕྱོགས་པ། །དེ་ན་རྫས་རྣམས་ཐམས་ཅད་དེ། །ལྷ་ཡི
33b3 ཁང་པར་རྣམ་པར་བསྟན། །དབང་པོའི་ཕྱོགས་སུ་མངོན་ཕྱོགས་པ། །དེ་ནས་རྫས་རྣམས་ཀུན་བསྡུས་པའོ། །བྱང་དུ་ཕྱོགས་ཏེ་ལེགས་གནས་པ། །བྲིས་སྐུས་བཀབ་པའི་རྫས་སུ་བཤད། །ནུབ་ཏུ་ཕྱོགས་ཏེ་ལེགས
33b4 གནས་པ། །དེ་ན་ཡང་ནི་བསྒྲིབས་ནས་གནས། །རིག་སྔགས་བཀླགས་པས་འགྲུབ་འགྱུར་ཏེ། །འཇིག་རྟེན་གསུམ་ཤེས་བླ་ན་མེད། །རིན་ཆེན་རྣམ་པ་སྣ་ཚོགས་པའི། །ལྷ་ཡི་གནས་སུ་རྣམ་པར་བསྟན། །ཤར་ནས
33b5 ཤར་དུ་ཕྱོགས་པའི། །འཁྲུལ་འཁོར་དུ་ནི་རྣམ་པར་བཤད། །ལྷོ་རུ་མངོན་བར་ཕྱོགས་གནས་པ། །ལྷོ་ཡི་ཕྱོགས་ཀྱིས་རྣམ་པར་བསྟན། །ནུབ་ཀྱི་ཕྱོགས་སུ་མངོན་ཕྱོགས་པ། །ནུབ་ཀྱི་ཕྱོགས་པར་རྣམ་པར་བསྟན། །
33b6 འདི་ཡིས་བྱང་དུ་བཤད་པ་དང་། །དབང་ལྡན་གྱི་འང་དེ་བཞིན་ནོ། །ཕྱོགས་རྣམས་ཀྱི་འང་མཚན་ཉིད་ནི། །བསྟན་པ་འདི་ལ་ཐེ་ཚོམ་མེད། །འདི་ལྟར་ཤེས་པའི་མཁས་པ་ཡིས། །ཕྱོགས་ཀྱི་འཁྲུལ་འཁོར་མཚོན་པར་བྱ། །
33b7 སྔོན་བཞིན་ལེགས་པར་ཤེས་པ་ཡིས། །རྫས་རྣམས་ཀྱང་ནི་བློ་ལྡན་གྱིས། །དེ་འདྲའི་ཕྱོགས་སུ་འཁོད་ནས་ནི། །དེ་ཡིས་ལམ་ནི་བལྟ་བར་བྱ། །གཉིས་པ་ཡི་ནི་ལམ་གྱུར་པ། །འཁྲུལ་འཁོར་མེད་པས་བརྟག་མི
33b8 དགོས། །གསུམ་པ་ཡང་ནི་ཤེས་བྱ་སྟེ། །བཞི་པ་ཡང་ནི་མཚུངས་པའོ། །ལམ་ནི་རྣམ་པ་བཞིར་བཤད་པས། །འདོད་ལྡན་ལ་ནི་འབྲས་བུ་སྟེར། །དང་པོ་རུ་ནི་མི་དཔྱད་པར། །བཟའ་བར་བྱ་བ་མ་ཡིན་ནོ། །
iiif viewer powered by OpenSeadragon
