| e-texts navigator |
| Wylie |
33a1 པས་འདི་ལྟར་བྱས་ན་རིང་པོ་མི་ཐོགས་པར་འགྲུབ་པར་འགྱུར་རོ། །རིག་པ་འཛིན་པས་སྔར་བཤད་པ་བྱའོ། །རྟག་ཏུ་ལྷ་ཐམས་ཅད་ལ་བདུག་པ་དང་། ལྷ་བཤོས་ཀྱི་འབྲས་ཆན་རང་གི་ལག་གིས
33a2 དབུལ་བར་བྱའོ། །ཟློས་པ་ན་ཁ་ཤར་དུ་ཕྱོགས་ཏེ་བྲིས་སྐུ་བྲིས་པའི་སྔོན་དུ་བཟླས་པར་བྱའོ། །བྲིས་སྐུའི་ཚད་ཆེན་པོ་ཁྲུ་བཅུ་པའི་རས་ལའོ། །དེའི་ཕྱེད་དང་ཕྱེད་ལ་འབྲིང་དང་ཐ་མར་འགྱུར་རོ། །སྐབས་འདིར་རིག་པ
33a3 འཛིན་པས་སྔར་བཤད་པ་རྣམས་བྱའོ། །གལ་ཏེ་བརྒྱ་ལ་རྫས་སམ་གོས་སམ་རྒྱན་སྟེར་ན་དེ་བཟུང་བར་མི་བྱ་སྟེ། འབྲས་བུ་ཙམ་བཟུང་ན་ཡང་གསང་སྔགས་འགྲུབ་པར་མི་འགྱུར་རོ། །ཆུ་ཉུང་ངུས་བཀྲུ་བར་མི་བྱ་ཞིང་རྐང
33a4 པས་མེ་ལ་རེག་པར་མི་བྱ་ལ་སེན་མོས་ས་ལ་རི་མོ་བྲི་བར་མི་བྱ་ཞིང་ལྷའི་ཁང་པའི་གྲིབ་མ་ལ་འགོམ་པར་མི་བྱ་སྟེ་འདི་ལྟ་བུའི་ཡོན་ཏན་དང་ལྡན་ཞིང་དེ་དག་དོར་བའི་སྔགས་པས་མྱུར་དུ་རིག་སྔགས་འགྲུབ་པར་འགྱུར་རོ། །
33a5 འཕགས་པ་རྡོ་རྗེ་ས་འོག་གི་རྒྱུད་ལས་རིག་སྔགས་ཀྱིས་འདུལ་བ་ཞེས་བྱ་བ་རྡོ་རྗེ་ཁྲོ་བོས་ཡོངས་སུ་ཞུས་པའི་ལེའུ་སྟེ་ཉི་ཤུ་གསུམ་པའོ།། !་།། དེ་རུ་འབད་པས་འཇུག་པ་ན། །ཁང་བཟངས
33a6 དམ་པ་རྙེད་པ་ཡིས། །བསྟན་བཅོས་ལས་ནི་ངེས་བཞིན་པའི། །ཕྱོགས་ཀྱི་ཆ་ནི་རབ་བཤད་བྱ། །ཤར་ན་ནྱ་གྲོ་དྷ་ཡི་ཤིང་། །དབང་ལྡན་དུ་ནི་པ་ལཀྵ། །ལྷོ་རུ་ཡང་ནི་ཨ་ཤྭད་ཐ། །ནུབ་དུ་དེ་བཞིན་པ་ལཀྵ། །བྱང་དུ་ལྗོན
33a7 ཤིང་མ་དུ་ཀ་། གནས་རྣམས་སུ་ནི་གདོན་མི་ཟ། །གང་དག་ཏུ་ནི་ཤིང་མེད་ན། །དེ་ལ་ཡང་ནི་མཚན་བཟང་པོ། །ཤར་ན་གཞན་པའི་ལུས་གཅིག་སྟེ། །ལྷོ་རུ་ཡང་ནི་བཞི་རུ་འགྱུར། །ནུབ་དུ་གསུམ་དུ་བསྟན་པ་སྟེ། །བྱང་དུ་གཉིས
33a8 སུ་བསྒྲགས་པའོ། །མཛེས་པའི་བུ་ག་རྟག་ཏུ་གནས། །གྲུབ་པའི་རྫས་དང་དངུལ་ཆུ་ནི། །ལྷ་ཡི་བྱང་ན་རྟག་ཏུ་ཡང་། །དངུལ་ཆུ་རུ་ནི་ཤེས་པར་བྱ། །དབང་ལྡན་དུ་ཡང་དངུལ་ཆུ་སྟེ། །དབང་པོར་རྫས་ནི་དེ་བཞིན་ནོ། །ཆུ་ལྷར་རྟག་ཏུ
iiif viewer powered by OpenSeadragon
