| e-texts navigator |
| Wylie |
331b1 གཞིར་གྱུར་པ་དེས་ན་སྦྱིན་བདག་ཆེན་པོ་བདག་ཉིད་ཆེ་བ་ཆེ་གེ་མོ་ཞིག་གི་ལུས་དགེ་བ་བཅུའི་ལས་ཀྱི་ལམ་གྱིས་བསྒྲུབས་པ་ལ་ཚེ་དང་། ཁ་དོག་དང་། སྟོབས་དང་། གཟི་བྱིན་དང་། ལོངས་སྤྱོད་དང་། དབང་ཕྱུག་དང་།
331b2 ཤེས་རབ་དང་། སྤོབས་པ་ཕུན་སུམ་ཚོགས་པར་གྱུར་ཅིག་།སྦྱིན་བདག་གི་བསོད་ནམས་མ་སྐྱེས་པ་རྣམས་ནི་སྐྱེ་བར་གྱུར་ཅིག་།སྦྱིན་བདག་གི་ལོངས་སྤྱོད་སྐྱེས་ཟིན་པ་རྣམས་ནི་འཕེལ་ཞིང་རྒྱས་པར་གྱུར་ཅིག་།དེ་བཞིན་དུ
331b3 སྦྱིན་བདག་གི་ཕ་མ་མཆོག་ཏུ་དཀའ་བ་བྱེད་བྱེད་པ། གསོ་གསོ། གནམ་གནམ། བསྐྱེད་བསྐྱེད། བསྲིང་བསྲིང་ལ་འཛམ་བུའི་གླིང་བཀྲ་ཡེར་ཡེར་མིག་གིས་མཐོང་བར་བྱེད་པས་ཀྱང་བསོད་ནམས་ཀྱི་ཕུད་ཀྱི་སྐལ་ཤས་ཐོབ
331b4 པར་གྱུར་ཅིག་། དེ་བཞིན་དུ་སྦྱིན་བདག་གི་ཆུང་མ་རྣམས་དང་། བུ་རྣམས་དང་། བུ་མོ་རྣམས་དང་། སྦྱིན་བདག་གི་གཉེན་མདབ་མཛའ་བཤེས་རྒྱས་པའི་ཚན་རིས་གང་དག་འཁོད་ཅིང་འཚོ་ལ་གནས་པ་དེ་དག་ཀྱང་ཚེ་རིང་ཞིང་།
331b5 ལོངས་སྤྱོད་ཆེ་ལ་གཡོག་འཁོར་མང་བར་གྱུར་ཅིག་།གང་དག་འདས་ཤིང་ཚེ་འཕོས་པ་དེ་དག་ཀྱང་འགྲོ་བ་དང་། སྐྱེ་བའི་གནས་དང་གནས་ཐ་དད་པའི་ཁྱད་པར་ཐོབ་པར་གྱུར་ཏེ། ལྷའི་གནས་སུ་སྐྱེས་པར་གྱུར་ནས།
331b6 འཕགས་པ་བྱམས་པའི་ཞལ་སྔ་ནས་མཉེས་པར་བྱེད་པར་གྱུར་ཅིག་།དེ་བཞིན་དུ་རྒྱལ་པོའི་མཆོག་རྒྱལ་པོ་ཆེན་པོ་མངའ་བདག་དམ་པ་དཔལ་ལྷ་བཙན་པོས་མ་ཕེབས་པ་རྣམས་ནི་ཕེབས་པར་གྱུར་ཅིག་།ཕེབས་ཟིན་པ་རྣམས
331b7 ནི་ཆམ་དུ་ཕེབས་པར་གྱུར་ཅིག་། སྟོབས་ཀྱི་འཁོར་ལོས་སྒྱུར་བའི་རྒྱལ་སྲིད་ཀྱང་བརྙེས་པར་གྱུར་ཅིག་།དེ་བཞིན་དུ་ཉེ་འཁོར་གྱི་གྲོང་ན་གནས་པའི་རིགས་བཞི་སྟེ། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་།
331b8 དམངས་རིགས་ལ་སོགས་པ་ཡུལ་གྱི་མི་རྣམས་ལ་ནད་མེད་ཅིང་གནོད་པ་མེད་པར་གྱུར་ཅིག་།དེ་བཞིན་དུ་མི་མཇེད་ཀྱི་བདག་པོ་ཚངས་པ་དང་། ལྷའི་དབང་པོ་བརྒྱ་བྱིན་དང་། འཇིག་རྟེན་སྐྱོང་བ་བཞི་དང་།
iiif viewer powered by OpenSeadragon
