| e-texts navigator |
| Wylie |
32b1 ཏོག་སྟོང་ཕྲག་བརྒྱད་དེའི་གཟུགས་བརྙན་གྱི་སྙིང་གར་བརྡེག་པར་བྱ་ཞིང་། མར་ནག་དང་མར་བསྲེས་པས་སྟོང་ཕྲག་བརྒྱད་སྲེག་བླུགས་བྱས་ལ་དེ་ཉིད་དུ་འཁོད་དེ་ཇི་ལྟར་ནུས་པའི་མཆོད་པ་དང་གཏོར་མའི་ཆོ་ག་བྱའོ། །
32b2 དེ་ནས་རིག་པ་འཛིན་པ་དེ་རངས་པས་གཉིད་ལོག་པ་དང་། སྟོན་པར་འགྱུར་བའམ་རྗེས་སུ་གདམས་པ་སྟོན་པར་འགྱུར་རོ། །གལ་ཏེ་མ་འོངས་ན་ཉི་མ་ཕྱི་མ་ལ་དེ་བཞིན་དུ་གཏོར་མའི་ཆོ་ག་བྱས་ཏེ་རྡོ་རྗེ་ཁྲོ་བོ་དང་ལྷན་ཅིག་ཏུ
32b3 སྟོང་ཕྲག་བརྒྱད་བཟླའོ། །དེ་ནས་རིག་པའི་ལྷ་དེ་ཉིད་ཁྲོ་བོ་དང་ལྷན་ཅིག་ཏུ་རྨི་ལམ་དུ་མཐོང་ནས་ཆད་པ་དང་། ལྷག་པ་དང་ཕྱི་མོ་དམན་པ་དང་། ཡི་གེ་གཞན་དུ་གྱུར་པ་ཡང་སྟོན་པར་འགྱུར་རོ། །གལ་ཏེ་ཡོངས་སུ་རྫོགས
32b4 པར་གྱུར་ན་དེ་ནས་དངོས་གྲུབ་སྟེར་བར་འགྱུར་རོ། །བསྒྲུབ་པ་དང་པོ་ལ་ལས་འདི་མི་བྱ་ལ་ཇི་སྲིད་ལན་བདུན་བསྒྲུབས་ཀྱང་མ་གྲུབ་ན་དེ་ནས་ལས་འདི་བྱའོ། །དེ་ནས་རྫས་སྒྲུབ་པའི་དུས་སུ་གྱུར་ན་དེའི་མཐར་སྲོད་དམ་ནམ
32b5 གུང་དང་ཉི་མ་ཤར་བ་ན་རིག་པ་འཛིན་པས་རྨི་ལམ་ལྟ་བུར་གསང་སྔགས་གང་འདོད་པ་ཡིད་ལ་སེམས་ཤིང་བཟླ་བར་བྱའོ། །གཞན་དུ་ན་ལོག་པར་འདྲེན་པ་རྣམས་ཞུགས་པར་གྱུར་ནས་རིག་པའི་ལྷ་མངོན་དུ་མི་འགྱུར་རོ། །
32b6 གཞན་གྱི་གོས་ལ་རེག་པར་མི་བྱ་ཞིང་བགོ་བ་གསུམ་བྱས་ཏེ། གཅིག་གྱོན་ལ་ཁྲུས་བྱའོ། །གཉིས་པས་བཟླ་བར་བྱའོ། །གསུམ་པས་མཚན་མོ་གྱོན་པར་བྱའོ། །དཀྱིལ་དཀྲུང་གིས་གནས་ཏེ་རིག་པའི་མཚན་མ
32b7 མཐོང་ནས་ཏིལ་དང་མར་བསྲེས་པའི་སྲེག་བླུགས་བྱའོ། །རིག་པའི་སྟོབས་འཕེལ་བར་འགྱུར་རོ། །ཏིལ་མེད་ན་དན་དུ་ལ་དང་སྲན་མ་ཤ་དང་མུད་ག་རྣམས་ཀྱིས་བྱའོ། །ཉ་དང་ཤ་དང་ཆང་བཏུང་བར་མི་བྱ་སྟེ། ཉེས་པ་དེས
32b8 ལོག་པར་འདྲེན་པ་རྣམས་ཀྱིས་ཟིལ་གྱིས་གནོན་པར་འགྱུར་རོ། །རྟག་ཏུ་སངས་རྒྱས་དང་ཆོས་དང་དགེ་འདུན་ལ་བསྙེན་བཀུར་བ་དང་ལྡན་པས་བྱང་ཆུབ་ཀྱི་སེམས་ཆེན་པོ་བསྐྱེད་པར་བྱའོ། །དམ་ཚིག་ཤེས་པར་གྱུར
iiif viewer powered by OpenSeadragon
