| e-texts navigator |
| Wylie |
326b1 ཏདྱ་ཐཱ། སརྦྦ་མ་ནྱ་པྲ་ཧ་སྭཱ་ཧཱ། །དགེ་བའི་རྩ་བ་དེ་དག་དང་། སངས་རྒྱས་ཀྱི་ཞིང་གི་ཡོན་ཏན་ཡོངས་སུ་སྦྱོང་བ་དང་། དེ་བཞིན་དུ་སེམས་ཅན་ཡོངས་སུ་སྨིན་པར་བགྱིས་པའི་དགེ་བའི་རྩ་བ་དང་། རབ་ཏུ་འབྱུང་བའི་དགེ་བའི་རྩ་བ་དང་།
326b2 དེ་བཞིན་གཤེགས་པ་ལ་མཆོད་པ་དང་། རིམ་གྲོ་དང་། བསྙེན་བཀུར་བགྱིས་པའི་དགེ་བའི་རྩ་བ་དང་། ཕ་མ་དང་བླ་མ་དང་། ཡོན་གནས་དང་། མཁན་པོ་དང་། སློབ་དཔོན་དང་། དམན་པ་དང་། བཀྲེན་པ་དང་། སྡུག་ཕོངས་པ་ལས་བསྒྲུབས་པའི་དགེ་བའི
326b3 རྩ་བ་དང་། དམ་པའི་ཆོས་རྣམ་པར་འབྱེད་པའི་དགེ་བའི་རྩ་བ་དང་རྗེས་སུ་ཡི་རང་བ་དང་། མཐོལ་བ་དང་། བཤགས་པ་དང་ལྡན་པ་དང་། ཕྱག་འཚལ་བ་དང་མཆོད་པ་དང་ལྡན་པ་དང་། བྱིས་པ་ནས་བཟུང་ནས་ད་ལྟར་རམ། སྐྱེ་བ་ཐོག་མ་དང་ཐ
326b4 མ་མ་མཆིས་པའི་འཁོར་བ་ན་འཁོར་བའི་སྐྱེ་བ་གཞན་དག་ཏུ་བསགས་པ་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་མཐའི་བར་གང་ལགས་པ་དེ་དག་སེམས་ཅན་ཐམས་ཅད་དང་ཐུན་མོང་དུ་བགྱིས་ནས་མཆོག་དང་། གཙོ་བོ་དང་།
326b5 གྱ་ནོམ་པ་དང་། རབ་དང་། ཕུལ་དང་། བླ་ན་མ་མཆིས་པ་དང་། གོང་ན་མ་མཆིས་པ་དང་། གོང་མའི་ཡང་གོང་མ་དང་། མཉམ་བ་མ་མཆིས་པ་དང་། མི་མཉམ་བ་དང་མཉམ་བ་དང་། དམིགས་པ་མ་མཆིས་པ་དང་། རྣམ་པར
326b6 རྟོག་པ་མ་མཆིས་པ་དང་། མཚན་མ་མ་མཆིས་པ་དང་། སྤྲོས་པ་མ་མཆིས་པ་དང་། ཡི་གེ་མ་མཆིས་པ་དང་། ཉོན་མོངས་པ་མ་མཆིས་པ་དང་། ཆགས་པ་མ་མཆིས་པ་དང་། ནམ་མཁའ་ལྟར་མཉམ་བ་དང་། ལུས་དང་སེམས
326b7 གྲོལ་བ་དང་། རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་ཀྱི་ཡོངས་སུ་བསྔོ་བས་ཡོངས་སུ་བསྔོ་བར་བགྱིའོ། །ཇི་ལྟར་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་དང་།
326b8 བྱང་ཆུབ་སེམས་དཔའ་དེ་རྣམས་ཀྱིས་གཉིས་སུ་མེད་པའི་ཆོས་ཉིད་མངོན་དུ་མཛད་ནས་ཡོངས་སུ་བསྔོས་པ་དང་། ཡོངས་སུ་བསྔོ་བ་དང་། ཡོངས་སུ་བསྔོ་བར་འགྱུར་བ་དེ་ལྟར་བདག་གིས་ཀྱང་ཡོངས་སུ་བསྔོ་བར་བགྱིའོ། །
iiif viewer powered by OpenSeadragon
