| e-texts navigator |
| Wylie |
326a1 དང་སྨོན་པ་མེད་པ་དང་། སྐྱེ་བ་མེད་པ་དང་། འགག་པ་མེད་པའི་ཆོས་ཉིད་མངོན་དུ་མཛད་ཅིང་། དེ་ལས་གཞན་པ་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཀྱང་མངོན་དུ་མཛད་ནས་བདེ་བར་བཞུགས་པ་ཚེགས་ཆུང་ངུས་བཞུགས་སུ
326a2 གསོལ། དེ་བཞིན་གཤེགས་པ་ལྷུན་པོའི་རྩེ་མོའི་འོད་ཀྱི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ཤི་ཁེ། ཤི་ཁ་བནྡྷེ་སྭཱ་ཧཱ། དེའི་འོག་ཏུ་བདག་ཚོགས་ཤིན་དུ་བསགས། གནག་པ་ཡོངས་སུ་རྫོགས། བསམ་བ་ཡོངས་སུ་རྫོགས། སངས་རྒྱས་ཀྱི
326a3 བྱ་བ་ཡོངས་སུ་རྫོགས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཅིག་། མངོན་པར་རྫོགས་པར་སངས་རྒྱས་ནས་ཆོས་ཀྱི་འཁོར་ལོ་རབ་ཏུ་བསྐོར་བར་བགྱི་བ་དེ་བཞིན་ཉིད་ཀྱི་འཁོར་ལོ་དང་།
326a4 ཡང་དག་པའི་མཐའི་འཁོར་ལོ་དང་། ཇི་ལྟ་བ་བཞིན་གྱི་འཁོར་ལོ་དང་། སྐྱེ་བ་མེད་པ་དང་། འགག་པ་མེད་པའི་འཁོར་ལོ་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་འཁོར་ལོ་དང་། ངེས་པར་འབྱུང་བའི་འཁོར་ལོ་དང་། ངེས་པར་འབྱེད
326a5 པའི་འཁོར་ལོ་དང་། ཕུང་པོ་དང་ཁམས་དང་། སྐྱེ་མཆེད་མི་དམིགས་པའི་འཁོར་ལོ་དང་། ནམ་མཁའ་ལྟ་བུའི་འཁོར་ལོ་དང་། ཆོས་ཀྱི་དབྱིངས་དབྱེར་མེད་པའི་འཁོར་ལོ་དང་། བག་ཆགས་དང་མཚམས་སྦྱོར་བའི་ཉོན་མོངས་པ་ཐམས་ཅད་སྤང་བའི
326a6 འཁོར་ལོ་དང་། ང་དང་། བདག་དང་། རྟག་པ་དང་། ཆད་པ་དང་། བདག་དང་བདག་གིར་འཛིན་པ་ནས་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། ཡང་དག་པར་རྫོགས་པའི་སངས་རྒྱས་སུ་མངོན་བར་ཞེན་པའི་བར་མི་དམིགས་པའི
326a7 འཁོར་ལོ་དང་། མདོར་ན་གང་ན་འཁོར་ལོ་མེད་པ། བསྐོར་བ་མེད་པ་དེ་ལྟ་བུའི་ཆོས་ཀྱི་འཁོར་ལོ་རབ་ཏུ་སྐོར་བར་གྱུར་ཅིག་།རབ་ཏུ་བསྐོར་ནས་སེམས་ཅན་རྣམས་ཡོངས་སུ་སྨིན་པར་བགྱིད་པར་གྱུར་ཅིག་།ཡོངས་སུ་སྨིན་བར་བགྱིས་ནས་སེམས
326a8 ཅན་ལ་སྨན་པའི་སླད་དུ་སེམས་ཅན་གྱི་ཁམས་དང་། ལས་ཀྱི་ཁམས་དང་། ཉོན་མོངས་པའི་ཁམས་དང་། ནམ་མཁའི་ཁམས་ཅི་ཙམ་པ་དེ་ཙམ་དུ་གནས་པར་གྱུར་ཅིག་།འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །
iiif viewer powered by OpenSeadragon
