| e-texts navigator |
| Wylie |
325b1 ཞིང་གཅིག་ཏུ་འགྱུར་ཞིང་ཆུ་ཞེང་དཔག་ཏུ་མེད་པ་དང་། ཡོན་ཏན་གྱི་རྒྱན་དཔག་ཏུ་མེད་པའི་མིང་དང་། སངས་རྒྱས་ཐམས་ཅད་ཀྱི་ཞིང་ཁྱད་པར་དུ་འཕགས་པ་མངོན་པར་མཐོ་བའི་རྒྱན་བཀོད་པར་མཐོང་བ་དང་། རེག་པ་དང་ཐོས་པ་དང་།
325b2 དྲན་པས་ལྷན་ཅིག་མངོན་བར་རྫོགས་པར་བྱང་ཆུབ་པར་གྱུར་ཅིག་།སངས་རྒྱས་ཀྱི་ཞིང་དེར་སེམས་ཅན་གང་དག་སངས་རྒྱས་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཀྱིས་ཡོངས་སུ་བཏང་བ། མར་མི་འཛིན་པ། ཕར་མི་འཛིན་པ།
325b3 དགེ་སྦྱོང་དུ་མི་འཛིན་པ། བྲམ་ཟེར་མི་འཛིན་པ། རིགས་ཀྱི་རྒན་རབས་ཀྱི་རྗེས་མི་སྙགས་པ། ངང་ཚུལ་ངན་པ། སྡིག་པའི་ཆོས་ཡང་དག་པར་སྤྱོད་པ། རྒྱུད་བསྲེགས་པ་བསམ་པ་བསྲེགས་པ། ས་བོན་བསྲེགས་པ། དགེ་བའི་རྩ་བ་ཆད་པ།
325b4 ངན་སོང་ལ་མངོན་བར་ཕྱོགས་པ། མཚམས་མེད་པ་ལྔ་དང་ལྡན་བ། བྱང་ཆུབ་སེམས་དཔའ་གཏུམ་པོ་དམ་པའི་ཆོས་སྤོང་བ་དེ་རྣམས་སངས་རྒྱས་ཀྱི་ཞིང་དེར་འདས་པ་དང་པོར་འབྱུང་བར་འགྱུར་ཞིང་། བདག་གིས་དེ་དག་ཐམས
325b5 ཅད་ཞི་བའི་ལམ་བླ་ན་མེད་པའི་སངས་རྒྱས་ཉིད་ལ་འགོད་པར་གྱུར་ཅིག་། དེ་ནས་ཇི་ཙམ་དུ་ཁམས་གསུམ་དུ་སྐྱེས་པའི་སེམས་ཅན་དེ་རྣམས་ཞིང་དེར་འདུས་པ་གཉིས་པ་ལས་འབྱུང་བར་འགྱུར་ཞིང་བདག་གིས་དེ་དག་ཐམས
325b6 ཅད་བག་ཆགས་དང་མཚམས་སྦྱོར་བའི་ཉོན་མོངས་པ་ཐམས་ཅད་སྤངས་པ་ཐམས་ཅད་མཁྱེན་པའི་ཡེ་ཤེས་ལ་འགོད་པར་གྱུར་ཅིག་། དེ་བཞིན་གཤེགས་པ་དུང་གི་འོད་ཀྱི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ཤ~ཾ་ཁེ་ཤ~ཾ་ཁེ། ཤང
325b7 ཁ་པཎྜ་རེ་སྭཱ་ཧཱ། ཕྱོགས་བཅུའི་འཇིག་རྟེན་གྱི་ཁམས་སུ་འདུས་པའི་ཡང་དག་པར་རྫོགས་པའི་སངས་རྒྱས་དང་། བྱང་ཆུབ་སེམས་དཔའ་དེ་རྣམས་ཀྱི་སངས་རྒྱས་ཀྱི་མཛད་པ་དང་། བྱང་ཆུབ་སེམས་དཔའི་མཛད་པ་གང་ལགས་པ
325b8 དེ་དག་ཐམས་ཅད་བདག་གཅིག་པུ་གཉིས་སུ་མ་མཆིས་པས་རིམ་གྱིས་སངས་རྒྱས་ཀྱི་ཆོས་རྣམས་ལ་འཕེལ་བར་བགྱི་བར་སྤྲོས། སངས་རྒྱས་བཅོམ་ལྡན་འདས་དང་བྱང་ཆུབ་སེམས་དཔའ་དེ་དག་སྟོང་པ་ཉིད་དང་། མཚན་མ་མེད་པ
iiif viewer powered by OpenSeadragon
