| e-texts navigator |
| Wylie |
31a1 པར་གནས་པར་བྱའོ། །དེ་ནས་ཐོག་མ་སྒྲུབ་པའི་ཉིན་མོ་སྔ་དྲོའི་ཚེ་ཡོངས་སུ་ལྟུང་བས་བསྣུན་པ་ལ་ལན་སྟོང་ཕྲག་གཅིག་བསྔགས་ཏེ་དེ་ནས་ཕྱེམ་རེད་སྒྲུབ་པ་ལ་འཇུག་པར་བྱ་སྟེ། ཨ་ཤྭད་ཐའི་ལོ་མ་བཞི
31a2 གཡས་བསྐོར་དུ་བསྐོར་བ་ལ་བཞག་སྟེ་གསུམ་གྱིས་དགབ་བོ། ། ཤྭད་ཐའི་ལོ་མ་རྣམས་འདི་ལྟ་བུའི་གནས་ནས་བླང་བར་བྱ་སྟེ། ལྗོན་ཤིང་གཞན་གྱི་གྲིབ་མས་མ་ཕོག་པ་དང་། ལྷའི་ཁང་པས་མ་ཕོག་པ་དང་དུར
31a3 ཁྲོད་དུ་སྐྱེས་པ་རྣམས་ཀྱི་ཨ་ཤྭད་ཐའི་ལོ་མ་ཡོངས་སུ་གཟུང་བར་མི་བྱའོ། །དེ་དག་ལས་གཞན་གནས་བསྔགས་པའི་ཨ་ཤྭད་ཐའི་ཤིང་གི་ལོ་མ་རྩེ་མོ་དཀར་པོ་རྣམས་ཀྱི་སྟེང་དུ་གྲུབ་པའི་རྫས་ཆ་གསུམ་དུ་བྱས་ཏེ།
31a4 བླ་མ་དང་བདག་ཉིད་དང་ལྷན་ཅིག་པ་རྣམས་ཀྱིའོ། །རྡོ་རྗེ་དང་འཁོར་ལོ་དང་རལ་གྲི་རྣམས་སུ་བློས་བརྟགས་ནས་དེ་དག་ཐུན་ཚོད་ལྔར་ཡོངས་སུ་བསྐམས་ཏེ། དེ་ནས་བ་གླང་གི་ལྕི་བའི་ཚོགས་ཀྱི་དབུས་སུ་བཅུག་ལ
31a5 ཞག་ཉི་ཤུ་རྩ་གཅིག་ཏུ་བཞག་གོ། །དེ་ནས་བཏོན་ཏེ་བའི་རྣམ་ལྔས་བཀྲུས་ལ་དེ་ཉིད་དུ་ཞག་བདུན་ལྷག་པར་གནས་པར་བྱས་ཏེ་ཡོངས་སུ་ལྟུང་བས་བསྣུན་པ་ལ་སྟོང་ཕྲག་བརྒྱད་ཡོངས་སུ་བཟླས་ལ་དེ་ནས་སྒྲུབ་པ་ལ
31a6 འཇུག་གོ། །མིག་སྨན་དེ་དང་རུ་རྟ་དང་། རྒྱ་སྤོས་དང་། ལོ་དྲ་རྣམས་བསྲེས་ལ་བཅོམ་ལྡན་འདས་སྤྱན་མའི་སྙིང་པོ་སྟོང་ཕྲག་བརྒྱད་མངོན་བར་བསྔགས་ཏེ། སྒྲུབ་པའི་དུས་སུ་མིག་ལ་བྱུགས་པས་གཉིད་མི་འབྱུང་ངོ་། །
31a7 གཞན་ཡང་སྨན་དུ་གྱུར་པ་ནི་ཨ་པ་མཱརྒ་དཀར་པོའི་རྩ་བ་དང་། ཤུ་དག་སྐྱ་བོ་དང་། རུ་རྟ་དང་རྒྱ་སྤོས་དང་གི་ཝང་དང་གུར་གུམ་དང་ཙན་དན་དཀར་པོ་དང་ཐོག་མར་རིང་བསྲེལ་ཅན་གྱི་མཆོད་རྟེན་གྱི་མདུན་དུ་ཞག་གསུམ
31a8 དུ་སྨྱུང་བར་བྱས་ཏེ། རྡོ་རྗེ་གོ་ཆའི་སྔགས་སྟོང་ཕྲག་བརྒྱད་མངོན་པར་བསྔགས་སོ། །དེ་ནས་སྒྲུབ་པའི་དུས་སུ་བ་གླང་གི་གཅིན་དང་བཏགས་ཏེ་ལུས་ལ་ཡོངས་སུ་བསྐུས་ནས་སྒྲུབ་པ་ལ་འཇུག་གོ། །ལྷ་དང་ཀླུ་དང་།
iiif viewer powered by OpenSeadragon
