| e-texts navigator |
| Wylie |
307b1 དཔལ་ཆེན་པོ་དང་། སྟོབས་མཆོག་དང་། སྒྲོན་མ་སྟེ། དེ་དག་ལ་སོགས་བ་སྔོན་བྱུང་བ་དང་། ཕྱིས་འབྱུང་བའི་རྒྱལ་བ་གང་དག་ཡོན་ཏན་གྱི་ཀླུང་དཔག་ཏུ་མེད་པར་གྱུར་པ། འཁོར་བའི་ཆུ་བོའི་འདམ་རྫབ་ལས་ཡང་དག་པར་རྒལ་བ།
307b2 གཏོང་བ་དང་ལྡན་ཞིང་ཚུལ་ཁྲིམས་རྣམ་པར་དག་ལ་བཟོད་པ་ཆེན་པོའི་མཆོག་དང་ལྡན་པ། བརྩོན་འགྲུས་སྦྱངས་ཤིང་སྙིང་པོ་གཡོ་བ་མི་མངའ་བའི་བསམ་གཏན་ཆེན་པོ་དང་ལྡན་པ། མཁྱེན་རབ་རྣོ་བ་ཐོགས་པ་མེད་པ་དང་ལྡན
307b3 པ། སེམས་ཅན་ལ་ཐུགས་རྗེ་དང་ཚོགས་དང་། རྫོགས་པའི་བྱང་ཆུབ་ཀྱི་ཐུགས་སྐྱེ་བ་རབ་ཏུ་འབྱུང་བ། འཇིག་རྟེན་ཐམས་ཅད་ལ་ཐུགས་བརྩེ་བ། དོན་ལ་མངོན་པར་བརྩོན་པ། སེམས་ཅན་གྱི་སྙིང་པོ། སྐྱེ་དགུ་ལ་བྱམས་བ། གཡོ་མི
307b4 མངའ་བ། དགའ་བ་མི་མངའ་བ། ཆགས་པ་མི་མངའ་བ། བྱམས་པའི་ཐུགས་ཀྱི་བདག་ཉིད་ཅན། ལྷའི་ཡང་ལྷ་དང་། མིའི་མཆོག་གིས་རྗེད་པ། ལྷའི་ཡང་ལྷ་སྟེ། རྒྱལ་བ་དེ་རྣམས་ལ་བདག་གི་ལུས་དང་ངག་དང་། སེམས
307b5 གུས་པ་རྣམ་པ་དུ་མས་ཕྱག་འཚལ་ལོ། །རྒྱལ་བ་དེ་རྣམས་ཀྱིས་བདག་སྡིག་པ་ལས་རྣམ་པ་ཐམས་ཅད་ཏུ་བསྐྱབ་ཏུ་གསོལ། སྡུག་བསྔལ་དུ་མས་གདུངས་པའི་སེམས་ཅན་ཐམས་ཅད་ཀྱང་རབ་ཏུ་བརྩོན་པས་དྲང་དུ་གསོལ།
307b6 ཐུགས་རྗེ་ཆེན་པོ་དང་ལྡན་པས་བདག་ཀྱང་ངན་འགྲོ་དག་ལས་དྲང་ཞིང་དེ་བཞིན་དུ་རྫོགས་པའི་བྱང་ཆུབ་ཏུ་མྱུར་དུ་གཞག་ཏུ་གསོལ། དྲང་སྲོང་ཆེན་པོ་རྣམས་ཀྱི་མཚན་བརྗོད་པའི། །དགེ་བ་བདག་གིས་བསྒྲུབས་པ་གང་ལགས་པ། །
307b7 དེ་ཡིས་བདག་ནི་ཚེ་རབས་ཐམས་ཅད་ཏུ། །ཐུབ་དབང་དེ་དང་ལྷན་ཅིག་འགྲོགས་པར་ཤོག་།ཆོས་དང་ཟང་ཟིང་མཆོད་པས་བདེ་བར་གཤེགས། །དེ་ལ་ཉོན་མོངས་མེད་པར་བདག་གིས་མཆོད། །མཆོད་པ་བགྱིས་ཤིང་ལམ་གཉིས་ལ
307b8 བརྟེན་ནས། །འགྲོ་བ་རྫོགས་པའི་སངས་རྒྱས་ཉིད་གྱུར་ཅིག་།དེ་བཞིན་གཤེགས་པ་དེ་དག་གི་མཚན་ཐོས་པ་དང་། མོས་པ་དང་། འཛིན་པ་དང་། འཆང་བ་དང་། ཡོངས་སུ་བསྒྲགས་པས་སྒྲིབ་པ་ཐམས་ཅད་ཟད་པར་འགྱུར། ངན་འགྲོའི
iiif viewer powered by OpenSeadragon
