| e-texts navigator |
| Wylie |
306b1 ཕྱིན་ཅི་མ་ལོག་ཡིད་ཀྱིས་སུ། །སངས་རྒྱས་ཚེ་དཔག་མེད་མཐོང་ནས། །འདི་ནས་བདེ་བ་ཅན་དུ་མཆི། །བདུད་ཀྱི་སྤྱོད་ཡུལ་མངོན་གྱུར་ཚེ། །དྲང་སྲོང་ཆེན་པོ་ཚེ་དཔག་མེད། །རྟག་ཏུ་སྟོན་པ་མཛད་གྱུར་ཅིང་། །ས་བཅུ་ཐོབ་ནས་དེ་དག་གི། །
306b2 རྣམ་པར་དག་པའི་རིམ་པ་ཡིས། །བྱང་ཆུབ་དམ་པ་ཐོབ་པར་ཤོག་།སངས་རྒྱས་ཀུན་དུ་བཟང་པོ་ཉིད་ཐོབ་ནས། །བག་ཆགས་བཅས་པ་ཉེས་བསགས་རྩ་ནས་བཏོན། །ཡེ་ཤེས་སྒྲིབ་མེད་སྙིང་རྗེར་ལྡན་ནས་སུ། །འགྲོ་བ་རྣམས
306b3 ལ་སྨན་དང་བདེ་བ་བགྱི། །ཕྱོགས་བཅུ་མཐའ་ཡས་བ་ན་ཤེས་བྱའི་དོན་མ་ལུས་པར་ཁྱབ་པའི་བློ་མངའ་བ་ཕྱོགས་བཅུའི་སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་རྒྱ་མཚོ་སྙེད་ལ་ཕྱག་འཚལ་ལོ། །སེམས་ཀྱི
306b4 རྙོག་པ་ཡིད་གཉིས་བསལ་ནས་དང་པོར་ནི། །ཤཱཀྱའི་རྒྱལ་པོ་ཐུབ་ལ་སྤྱི་བོས་ཕྱག་འཚལ་ལོ། །བདེ་བ་ཅན་ན་བཞུགས་པའི་རྒྱལ་བ་འོད་དཔག་མེད། །བླ་མ་ལ་ཡང་དགའ་དང་གུས་པས་གདུང་བར་བགྱི། །གང་ཞིག་ཕྱོགས་ཀུན་དག་ན་ད་ལྟར
306b5 བྱུང་བ་ཡི། །འགྲོ་ལ་བྱམས་པའི་སངས་རྒྱས་ངེས་པར་བཞུགས་རྣམས་དང་། །འདས་དང་ཕྱིས་འབྱུང་བའི་རྒྱལ་བ་ཐམས་ཅད་ལ། །བདག་ནི་དགའ་བའི་ཡིད་ཀྱིས་ཡང་དག་མཆོད་པ་བགྱི། །འདི་ལྟ་སྟེ། ཡང་དག་པར་རྫོགས་པའི་སངས
306b6 རྒྱས་ཉི་ཟླ་སྒྲོན་མ་དང་། སྐུ་མཆོག་གསེར་འོད་དང་། བདེན་པའི་དབྱངས་དང་། ལྷུན་པོ་བཟང་པོ་དང་། ལྷུན་པོ་ཆེན་པོ་དང་། དབང་པོའི་འབྱུང་གནས་དང་། པད་མའི་དབྱངས་དང་ཕྱག་བཟང་དང་། འོད་ཀྱི་ཏོག་དང་མཆོག་གི་འབྱུང་གནས་དང་།
306b7 རིན་ཆེན་ཟླ་འོད་དང་། དཔའ་བོའི་སྡེ་དང་། ཀུན་ནས་སྣང་བ་དང་། རྣམ་དག་ཞལ་དང་། རིན་ཆེན་ཏོག་དང་། མདོག་བཟང་འབྱུང་གནས་དང་། ས་ལའི་རྒྱལ་པོ་དང་། རྣམ་དག་འོད་དང་། བདེ་མཛད་རྒྱལ་པོ་དང་། ཀུན་ནས་སྣང་བ་དང་། ལྷུན་པོ་བཟང་པོ
306b8 གསལ་བ་དང་། འོད་ཀྱི་དཀྱིལ་འཁོར་དང་། དཀོན་མཆོག་བརྩེགས་དང་། ཀུན་ནས་འོད་དང་དཔལ་བརྩེགས་དང་། བཀོད་པ་ཆེན་པོ་དང་། སྦྱངས་གསལ་བཻ་དཱུརྱ་དང་། དབང་པོའི་རྒྱལ་མཚན་དང་། ཐོབ་པའི་སྡེ་དང་། རབ་ཏུ་ལྷན་ནེ་དང་། འོད་མཛེས་དང་།
iiif viewer powered by OpenSeadragon
