| e-texts navigator |
| Wylie |
305b1 གི་འཇིག་རྟེན་གྱི་ཁམས་ཀྱི་ཚད་ཙམ་ལ་དྲི་ཞིམ་པོའི་འབྲུ་མར་གྱིས་ཡོངས་སུ་བཀང་ཞིང་སྙིང་པོའི་རས་རི་རབ་བརྒྱ་ཙམ་རབ་ཏུ་འབར་བ་རྣམས་སངས་རྒྱས་བཅོམ་ལྡན་འདས་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ལ་འབུལ་ལོ། །དེ་དག་ཐམས་ཅད
305b2 ལ་གསོལ་བ་ནི་བྱང་ཆུབ་ཀྱི་སྙིང་པོར་གཤེགས་པ་དང་། བདུད་འདུལ་བ་དང་། མངོན་པར་བྱང་ཆུབ་པ་དང་། ཆོས་ཀྱི་འཁོར་ལོ་བསྐོར་བ་དང་། ཡོངས་སུ་མྱ་ངན་ལས་འདའ་བར་བཞེད་པ་དེ་དག་རྣམས་ལ་སེམས་ཅན་རྣམས་ཀྱི་དོན་དུ་བསྐལ་པ་མང་པོར་བཞུགས་པར
305b3 གསོལ་ལོ། །ཅི་ལྟར་དེ་བཞིན་གཤེགས་པ་རྣམས་ཀྱིས་མི་དམིགས་པར་བཞུགས་ཏེ་བསྔོས་པ་ལྟར་བདག་གི་བསོད་ནམས་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། །དེ་བཞིན་གཤེགས་པ་ཐམས་ཅད་དང་།
305b4 བྱང་ཆུབ་སེམས་དཔའ་ཐམས་ཅད་དང་། སེམས་ཅན་ཐམས་ཅད་ཀྱི་བསོད་ནམས་ལ་རྗེས་སུ་ཡི་རང་ངོ་། །སྡིག་པ་ཐམས་ཅད་ཀྱང་སོ་སོར་བཤགས་སོ། །ོཾ་སྨ་ར་སྨ་ར། བི་མཱ་ན་སྐ་ར་མ་ཧཱ་ཛ་བ་ཧཱུ~ཾ།། །།དེའི་འོག་ཏུ་ཅི་ལྟར་འདོད་པ་བཞིན་ལྷ་རྫས་ཀྱི
305b5 མཆོད་པ་ཆེན་པོའི་སྤྲིན་རྣམས་དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་འབྱུང་བར་འགྱུར་རོ། །རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་སངས་རྒྱས་དམིགས་བ་ཡིད་ལ་བྱེད་བས་ཡོངས་སུ་བསྔོ་བ་ཆེན་པོའི་འཁོར་ལོ་འདི་ཉིན
305b6 པར་རམ། མཚན་མོ་འདོན་ན། དེའི་སྡིག་པ་རྣམས་ཡོངས་སུ་ཟད་པར་འགྱུར་ཞིང་ཉོན་མོངས་པ་ཐམས་ཅད་ཀྱང་བསྲབས་པར་འགྱུར་རོ། །གོང་དུ་སྨོས་པའི་ཡོན་ཏན་རྣམས་ཀྱང་འཐོབ་པར་འགྱུར་རོ། །ལན་ཅིག་བཟླས་བརྗོད་པར་བྱས་ན་ཚངས་བ་བརྒྱའི
305b7 བསོད་ནམས་འཐོབ་པར་འགྱུར་རོ། །རྨི་ལམ་ན་ཡང་རྟག་ཏུ་དེ་བཞིན་གཤེགས་པ་རྣམས་ཆོས་སྟོན་བ་མཐོང་བར་འགྱུར་རོ། །རིག་སྔགས་རྣམས་ཀྱང་ཡང་དག་པར་གྲུབ་པར་འགྱུར་རོ། །རྡོ་རྗེ་འཆང་གིས་ཡོངས་སུ་བཟུང་བར་ཡང་འགྱུར་རོ། །ཇི་ལྟར་འདོད་པའི
305b8 སངས་རྒྱས་ཀྱི་ཞིང་རྣམས་སུ་ཡང་སྐྱེ་བར་འགྱུར་རོ། །འཕགས་པ་དགོངས་པའི་རྒྱུད་ཀྱི་ཕྲེང་བ་ཆེན་པོ་བྱང་ཆུབ་སེམས་དཔའི་རྣམ་བར་ངེས་པ་ཆེན་པོ་བསྟན་པ་ལས་ནོར་བུ་ཆེན་པོ་རིན་པོ་ཆེ་ལ་མཁས་པ་བསྟན་པ་ཡོངས་སུ་བསྔོ་བ་ཆེན་པོའི་རྒྱལ་པོ་རྫོགས་སྷོ། །
iiif viewer powered by OpenSeadragon
