| e-texts navigator |
| Wylie |
305a1 བྲག་རྣམས་དང་། རིན་པོ་ཆེ་སྣ་ཚོགས་ཀྱི་ས་གཞི་བརྟན་པ་རྣམས་དང་། རིན་པོ་ཆེ་སྣ་ཚོགས་ཀྱི་གཞལ་མེད་ཁང་རྣམས་དང་། རིན་པོ་ཆེ་སྣ་ཚོགས་ཀྱི་ཕུང་བོ་རྣམས་དང་། རིན་པོ་ཆེ་སྣ་ཚོགས་ཀྱི་ཐེམ་སྐས་རྣམས་དང་། ནོར་བུ་རིན་པོ་ཆེ་སྣ་ཚོགས་ཀྱི་ཀ་བ་རྣམས
305a2 དང་། རིན་པོ་ཆེ་སྣ་ཚོགས་ཀྱི་ཁང་པའི་ཚར་རྣམས་དང་། ནོར་བུ་བཻ་དཱུརྱ་སྣ་ཚོགས་ཀྱི་སྒྲོན་མ་རྣམས་དང་། གང་དག་ལྷ་ཡུལ་གྱི་གཞལ་མེད་ཁང་ན་བལྟ་ན་སྡུག་པ་རྣམས་དང་། གང་དག་ལྷ་ཡུལ་གྱི་ལྷའི་གྲོང་ཁྱེར་གྱི་གཞལ་མེད་ཁང་ཡོངས་སུ་བཟུང་བ་མ་མཆིས་པ་རྣཾས
305a3 དང་། གང་དག་ལྷ་ཡུལ་གྱི་མེ་ཏོག་བལྟ་ན་སྡུག་པ་རྣམས་དང་། གང་དག་ལྷ་ཡུལ་གྱི་གླུ་དབྱངས་ཀྱི་ཆ་སྤྱད་རྣམས་དང་། གཞལ་མེད་ཁང་སྟོང་བ་རྣམས་ཀྱི་ཆར་རླུང་གིས་བསྐྱོད་པ་ན་སྒྲ་སྙན་པ་འབྱིན་པ་རྣམས་དང་། རོལ་མོའི་ཆ་སྤྱད་ཀྱི་རྣམ་པ་མ་དཀྲོལ་བར་རང
305a4 སྒྲ་སྙན་པར་འབྱིན་བ་རྣམས་དང་། གང་དག་ལྷ་ཡུལ་གྱི་བྱའི་ཚོགས་གཞལ་མེད་ཁང་སྟོང་པ་རྣམས་ན་གནས་ཤིང་སྐད་སྙན་པ་འབྱིན་བ་རྣམས་དང་། གང་དག་རིན་པོ་ཆེའི་སྤྲིན་སྒྲ་དབྱངས་ཆེན་པོ་སྙན་པར་འབྱིན་བ་རྣམས་དང་། གང་དག་ལྷའི་ནོར་བུ
305a5 རྣམས་དང་། གང་དག་གླུ་དབྱངས་རྣམས་དང་། གང་དག་དྲི་གདའ་བའི་མེ་ཏོག་གི་ལྗོན་ཤིང་རྣམས་དང་། ཕྲེང་བའི་ལྗོན་ཤིང་རྣམས་དང་། སྤོས་ཀྱི་ལྗོན་ཤིང་རྣམས་དང་། རྒྱལ་མཚན་གྱི་ལྗོན་ཤིང་རྣམས་དང་། བ་དན་གྱི་ལྗོན་ཤིང་རྣམས་དང་། རིན་པོ་ཆེའི་ལྗོན་ཤིང
305a6 ཡོངས་སུ་ལོངས་མ་སྤྱད་པ་དེ་དག་ཐམས་ཅད་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་འབུལ་ལོ། །གང་དག་སངས་རྒྱས་ཀྱི་སྤྱན་གྱིས་གཟིགས་པའི་འཇིག་རྟེན་གྱི་ཁམས་ཐམས་ཅད་ན་མཆོད་པ་ཆེན་པོའི་སྤྲིན་མེ་ཏོག་གི་སྤྲིན་རྣམས་དང་།
305a7 དྲིའི་སྤྲིན་རྣམས་དང་། ཕྲེང་བའི་སྤྲིན་རྣམས་དང་། བདུག་པའི་སྤྲིན་རྣམས་དང་། ལྷབ་ལྷུབ་ཀྱི་སྤྲིན་རྣམས་དང་། བྱུག་པའི་སྤྲིན་རྣམས་དང་། རིན་པོ་ཆེའི་གདུགས་ཀྱི་སྤྲིན་རྣམས་དང་། རིན་པོ་ཆེའི་རྒྱལ་མཚན་གྱི་སྤྲིན་རྣམས་དང་། རིན་པོ་ཆེའི་བ་དན་གྱི་སྤྲིན
305a8 རྣམས་དང་། རིན་པོ་ཆེའི་གོས་ཀྱི་སྤྲིན་རྣམས་དང་། རིན་པོ་ཆེའི་ལྗོན་ཤིང་གི་སྤྲིན་རྣམས་དང་། རིན་པོ་ཆེས་བཀང་བའི་སྣོད་ཀྱི་སྤྲིན་རྣམས་དང་། རིན་པོ་ཆེ་ནོར་བུ་ཆེན་པོ་སྤུངས་པའི་སྤྲིན་རྣམས་དང་། རིན་པོ་ཆེ་རྣམ་པ་སྣ་ཚོགས་ཀྱི་སྤྲིན་རྣམས་དང་། མར་མེའི་སྣོད་སྟོང
iiif viewer powered by OpenSeadragon
