| e-texts navigator |
| Wylie |
29a1 པར་བགྱི། ཇི་ལྟར་རིག་པ་བསྒྲུབ་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཕྱག་ན་རྡོ་རྗེ་གསང་བ་པའི་བདག་པོས་རྡོ་རྗེ་ཁྲོ་བོ་ལ་འདི་སྐད་ཅེས་བཀའ་སྩལ་ཏོ། །རྡོ་རྗེ་ཁྲོ་བོ་ཁྱོད་ཀྱིས་སེམས
29a2 ཅན་ཐམས་ཅད་ལ་ཕན་པའི་ཕྱིར་རིག་པ་འཛིན་པ་འགྲུབ་པའི་རྒྱུ་དྲིས་པ་ལེགས་སོ་ལེགས་སོ། །རིག་པ་འཛིན་པས་ཇི་ལྟར་རིག་པ་བསྒྲུབ་པ་རྡོ་རྗེ་ཁྲོ་བོ་ཉོན་ཅིག་།དེ་ལ་རེ་ཤིག་དང་པོར་རིག་པ་འཛིན་པས་བསླབ་པའི
29a3 གནས་ལྔ་ཡོངས་སུ་བཟུང་ལ་བྱང་ཆུབ་ཀྱི་སེམས་བསྐྱེད་དེ། བྱམས་པ་ཆེན་པོ་དང་སྙིང་རྗེ་ཆེན་པོ་དང་དགའ་བ་ཆེན་པོ་དང་བཏང་སྙོམས་ཆེན་པོ་ལ་གནས་པ་དེའི་རིག་པ་འཛིན་པའི་འདུལ་བ་ངས་བཤད་པར་བྱའོ། །དང་པོ
29a4 རེ་ཤིག་བཟླས་པའི་ཕྲེང་བ་ཡོངས་སུ་བཟུང་སྟེ། ནོར་བུ་དང་། བུ་ཡིས་འཚོ་བ་དང་། དྲག་པོའི་རི་ལུ་དང་། ཙན་དན་དམར་པོ་དང་། རྡོ་རྗེའི་མིག་རྣམས་ལས་དྲག་པོའི་མིག་ཁྱད་པར་དུ་འཕགས་པས་དེ་བརྒྱུ་བའི་སྔགས་སུ
29a5 གྱུར་པ་ནི། ན་མོ་བཛྲ་པཱ་ཎ་ཡེ་ཨོཾ་ཀཾ་རི་ཀི་རི་རཽ་ཏྲི་ཎི་སྭཱ་ཧཱ། སྔགས་འདིས་ཕྲེང་བ་བརྒྱུ་བར་བྱའོ། །དེ་ནས་སློབ་དཔོན་ལས་གནང་བ་ནོད་དེ། སློབ་དཔོན་ལ་ཕུལ་དུ་བྱུང་བའི་ཡོན་ཕུལ་ལ་སྔགས་བཟླ་བར་བྱའོ། །
29a6 དེ་ལྟ་བུའི་བྱ་བ་དང་ལྡན་པས་སྔགས་བསྒྲུབས་པས་ངེས་པར་འགྲུབ་པར་འགྱུར་རོ། །བགེགས་རྣམས་ཀྱིས་བར་དུ་གཅོད་པར་མི་འགྱུར་རོ། །དཀྱིལ་འཁོར་དུ་མ་ཞུགས་ན་ཚིག་ཙམ་ཡང་སྦྱིན་པར་མི་བྱ་ན། སྔགས
29a7 འགྲུབ་པ་ལྟ་ཅི་སྨོས། དེ་ལྟ་བུའི་ཡོན་ཏན་དང་ལྡན་པ་ལ་སྔགས་འགྲུབ་པ་གསང་བ་བཤད་པར་བྱའོ། །རིག་པ་འཛིན་པས་ཞི་བ་དང་རྒྱས་པ་དང་། མངོན་སྤྱོད་དང་། དབང་དུ་བྱ་བ་དང་། གསོད་པ་དང་། བསྐྲད་པ་རྣམས
29a8 བསྒྲུབ་པའི་དོན་དུ་གནས་ཡོངས་སུ་གཟུང་བར་བྱའོ། །དེ་ལ་རེ་ཤིག་གནས་སུ་གྱུར་པ་ནི་རིའི་རྩེ་མོ་དང་། ཤིང་གཅིག་པ་དང་། དུར་ཁྲོད་དང་རིང་བསྲེལ་ཅན་གྱི་མཆོད་རྟེན་རྣམས་སུ་བུམ་པ་རྩ་བ་ནག་པོ་མེད་པར་ནོར་བུ་དང་། འབྲུ་དང་།
iiif viewer powered by OpenSeadragon
