| e-texts navigator |
| Wylie |
28b1 བཤད། །དཔལ་གྱི་སྒོ་ནི་གང་ཚེ་མཐོང་། །བཟང་ཡང་མཚན་ཉིད་ཉམས་པ་དང་། །སྲ་བའི་མཚམས་དང་སྦས་པ་དང་། །རི་མོ་ཡིས་ནི་ཡོངས་བྲེས་པ། །དེ་ལ་ས་གའི་ཆོ་ག་ཡིས། །ལག་པ་སྟེང་དུ་བྱས་ནས་སུ། །
28b2 རྡོ་ལ་བརྒྱད་བརྒྱ་བཟླས་ནས་ཀྱང་། །མཚམས་ལ་དྲག་ཏུ་རྡེག་པར་བྱ། །བསྣུན་པ་ཙམ་གྱིས་འཁྲུལ་འཁོར་དེ། །གདོན་མི་ཟ་བར་མཐོང་བར་འགྱུར། །བྱ་རོག་མཆུ་དང་དབྱུག་གུ་དང་། །ཐོ་བ་འཆིང་བའང་དེ
28b3 བཞིན་ཏེ། །རུ་སྦལ་ཕྱག་རྒྱའི་ཆོ་ག་ཡིས། །གཡས་ལས་གཞན་པས་རེག་པར་བྱ། །ཕུར་བུ་བཅིང་བར་བྱས་ནས་སུ། །བྱ་རོག་མཆུ་ལ་གཟེར་བར་བྱ། །གཡོན་བརྐྱང་པ་འམ་མཉམ་པ་ཡིས། །གཡས
28b4 པ་ཡིས་ནི་དེ་བསྐོར་རོ། །འཁྲུལ་འཁོར་གྱི་ནི་མཚམས་རྙེད་འགྱུར། །དེ་ནི་མྱུར་བས་གདོན་པར་བྱ། །དེ་ནས་པུས་མོ་གཡས་བསྐུམས་ཏེ། །རྐང་པ་གཡོན་པ་བརྐྱང་བར་བྱ། །ཐོ་བས་ཕུར་བུ་ལ་བསྣུན་པས། །
28b5 མཚམས་ཀྱི་འཁྲུལ་འཁོར་བསྐྱོད་པར་འགྱུར། །རྡོ་རྗེ་ཁྲོ་བོ་དེ་མ་ཐག་།གསང་སྔགས་བཟླས་པས་གདོན་པར་བྱ། །དེར་ནི་དུ་བ་འབྱུང་བ་ན། །རླུང་གི་འཁྲུལ་འཁོར་གྱིས་བྱས་ཡིན། །གེ་སར་རྒྱ་སྤོས
28b6 རུ་རྟ་དང་། །པུ་ནར་ན་བ་ཁྱབ་འཇུག་གནོན། །དེ་དག་རྣམས་ལས་བདུག་པ་བྱ། །རླུང་གི་འཁྲུལ་འཁོར་བཟློག་པར་འགྱུར། །འདི་ནི་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་ཏོ། །འཕགས་པ་རྡོ་རྗེ
28b7 ས་འོག་གི་རྒྱུད་ལས་འཁྲུལ་འཁོར་འཇོམས་པ་རྒྱལ་བ་ཞེས་བྱ་བའི་ལེའུ་སྟེ་ཉི་ཤུ་གཉིས་པའོ། ། །། དེ་ནས་རྡོ་རྗེ་ཁྲོ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས
28b8 ཉིད་ཀྱིས་རྣམ་པར་རྒྱལ་བ་རྡོ་རྗེའི་རྒྱུད་ཆེན་པོ་བཀའ་སྩལ་ལགས་ན། བདག་ཀྱང་རིག་པ་འཛིན་པ་རྣམས་ལ་སྨན་པའི་སླད་དུ་བཤད་པས་བཅོམ་ལྡན་འདས་ལ་ཞུའོ། །བཅོམ་ལྡན་འདས་རིག་པ་འཛིན་པ་ཇི་ལྟར་གནས
iiif viewer powered by OpenSeadragon
