| e-texts navigator |
| Wylie |
28a1 ལྡིང་བཞད་དང་གཙུག་ཕུད་ཅན། །འཁྲུལ་འཁོར་འདི་དག་རབ་གྲགས་པ། །ས་ཆེན་པོ་ལ་བསྡིགས་པ་ཡིས། །ཐེ་ཙོམ་མེད་པར་བསྣུན་པར་བྱ། །རལ་གྲི་མུ་སཎ་ཌི་སྒོ་གླེགས། །འཁོར་ལོ་སྦྲུལ
28a2 དང་དབྱུག་གུ་དང་། །སྐྱེས་བུ་གཞུ་ཡིས་ལག་པ་དང་། །སྤུ་གྲི་ཞགས་པ་འཛིན་པ་ལ། །མདའ་ཆེན་བློ་གྲོས་ལྡན་པས་བསྣུན། །རླུང་གི་འཁྲུལ་འཁོར་མེའི་འཁྲུལ་འཁོར། །བཀྲེས་དང་གཉིད་དང་འདར་བ་དང་། །
28a3 མགོ་ནད་དང་ནི་མིག་ནད་ལ། །འཁོར་ལོའི་གུར་གྱིས་བསྣུན་པར་བྱ། །བཞི་པའི་འདོ་ལི་ཆུ་བོའི་རྒྱུན། །དུག་གི་རླུང་དང་མུན་ནག་དང་། །ཆུ་སྲིན་རུ་སྦལ་བྱི་བ་དང་། །སྦལ་པ་སྡིག་པ་དེ་བཞིན་དུ། །ཀ་ཀ་རུ་ཡིས
28a4 གཅོད་པ་ལ། །རྫ་རྔ་བརྡུང་བའི་སྐྱེས་བུ་ཡིས། །རྡོ་རྗེ་བསྡིགས་པས་བསྣུན་པར་བྱ། །གར་གྱི་སྦྱོར་བའི་དེ་ཉིད་ཀྱིས། །གཞན་ཡང་འཁྲུལ་འཁོར་དུ་མ་ནི། །རླུང་དང་མེ་རུ་རབ་གྲགས་པ། །ས་དང་ཆུ་ཡི་ཟུག
28a5 རྔུ་དང་། །ནམ་མཁའ་དུག་དང་ལྷན་ཅིག་པ། །ཐམས་ཅད་རྐང་འོག་རྡོ་རྗེ་ཡིས། །གར་གྱི་སྦྱོར་བས་བསྣུན་པར་བྱ། །རྡོ་རྗེ་བསྡིགས་པའི་སྦྱོར་བ་ཡིས། །རྡོ་རྗེ་ཁུ་ཚུར་གྱིས་ནི་བསྣུན། །བསྣུན་པས་འཁྲུལ
28a6 འཁོར་ཐམས་ཅད་ནི། །གདོན་མི་ཟ་བར་ལྟུང་བར་འགྱུར། །ཉི་མ་དང་ནི་རྡོར་འཛིན་ཡང་། །དཔལ་ལྡན་གྱིས་བསྣུན་གཡོ་འགྱུར་ན། །ཕལ་པའི་འཁྲུལ་འཁོར་སྨོས་ཅི་དགོས། །ལྷ་མིན་བུ་མོ་རྙེད་དཀའ་མིན། །
28a7 རལ་གྲི་འཁོར་ལོ་དབྱུག་གུ་སོགས། །འདོ་ལི་ཨ་ཛ་ག་ར་དང་། །གསང་བའི་མཚམས་ཀྱི་སྒོ་གླེགས་དང་། །བུང་བའི་ཕྲེང་བ་དེ་བཞིན་དུ། །དྲག་པོའི་སྒྲ་དང་གད་རྒྱངས་ཆེ། །ཚར་གཅོད་པ་རུ་གང་གྱུར་པ། །
28a8 ཕྱི་རོལ་དུ་ནི་ཆོ་ག་དེས། །ཇི་ལྟར་འཇོམས་པ་དེ་བཞིན་བསྣུན། །ཁྲོས་པས་མཆེ་བས་མཆུ་མནན་ཏེ། །ས་འོག་བཟླས་པས་བསྣུན་པར་བྱ། །ཁྲོན་པར་འཇུག་པའི་འཁྲུལ་འཁོར་ནི། །དེ་ནི་འོག་གི་འཁྲུལ་འཁོར
iiif viewer powered by OpenSeadragon
