| e-texts navigator |
| Wylie |
27b1 བྲིས་སྐུ་བཞག་ལ་སྟོང་ཕྲག་བཅུ་བཟླའོ། གང་དེའི་ཉེ་བར་གནས་པ་རྣམས་དེར་འོང་ངོ་། །ཐམས་ཅད་ལ་བཀའ་བསྒོ་བར་བྱའོ། །དངུལ་ཆུ་དང་བཅུད་ལེན་དང་མིག་སྨན་དང་གྲུབ་པའི་རྫས་ལ་སོགས་པ་སྟེར་རོ། །སྒོ
27b2 འབྱེད་པར་འགྱུར་རོ། །སྤྱིན་ཐམས་ཅད་ཀྱིས་གོས་པར་མི་འགྱུར་རོ། །སྒྲ་མེད་པར་བྱེད་དོ། །ཆུ་རྒྱུན་སྐེམས་པར་འགྱུར་རོ། །འཁྲུལ་འཁོར་ཐམས་ཅད་ལྟུང་བར་འགྱུར་རོ། །སྡིག་པ་ཐམས་ཅད་བྲལ་བར
27b3 འགྱུར་རོ། །མར་དང་འབྲས་ཡོས་ཀྱི་སྦྱིན་སྲེག་གིས་ཞི་བར་བྱེད་དོ། །མར་དང་འོ་མའི་སྦྱིན་སྲེག་གིས་སྟོབས་འཕེལ་བར་བྱེད་དོ། །མར་དང་ཏན་ཏུ་ལེའི་སྦྱིན་སྲེག་གིས་ནད་ཆེན་པོ་ཞི་བར་བྱེད་དོ། །དུག་དང
27b4 ཁྲག་གི་སྦྱིན་སྲེག་གིས་ལོག་པར་འདྲེན་པ་རྣམས་གསོད་པར་བྱེད་དོ། །ནིམ་པའི་ལོ་མའི་སྦྱིན་སྲེག་གིས་སྐྲོད་པར་བྱེད་དོ། །བྱི་བའི་སྤུ་དང་རང་གི་ཁྲག་བསྲེས་པའི་སྦྱིན་སྲེག་གིས་ལྷ་མ་ཡིན་ཆེན་པོའི་བུ་མོ
27b5 འགུགས་པར་བྱེད་དོ། །སྲེ་མོའི་སྤུའི་སྦྱིན་སྲེག་གིས་ཀླུ་རྣམས་འགུགས་པར་བྱེད་དོ། །འདིའི་ཆོ་གས་རྟོག་པ་གཞན་དུ་བཤད་པ་ཐམས་ཅད་ཀྱང་འགྲུབ་པར་འགྱུར་རོ། །འདི་ནི་བཅོམ་ལྡན་འདས་རྡོ་རྗེ་འཛིན་པས
27b6 བཀའ་སྩལ་ཏོ། །འཕགས་པ་རྡོ་རྗེ་ས་འོག་གི་རྒྱུད་ལས་ཐམས་ཅད་སྒྲུབ་པར་བྱེད་པའི་ལེའུ་སྟེ་ཉི་ཤུ་གཅིག་པའོ།། །། དེ་ནས་འཁྲུལ་འཁོར་འཇོམས་པར་བྱེད་པ་རྒྱལ་བའི་རིམ་པར་ཕྱེ
27b7 བར་གྱུར་པ་ནི་སེང་གེ་དང་སྟག་དང་། གླང་པོའི་དབང་པོ་དང་རྟ་དང་ཁྱུ་མཆོག་དང་ལུག་དང་བསེ་རུ་དང་དོམ་དང་། སྤྲེའུ་དང་ཕག་དང་མ་ཧེ་དང་རི་དགས་སྟེ་འཁྲུལ་འཁོར་བཅུ་གཅིག་སྤྲུལ་པ་ལེགས་པར་སྦྱངས་པ།
27b8 ས་འོག་གི་སྒོ་གཏན་གྱི་འཁྲུལ་འཁོར་བསྡམས་པ་ལ་ཁུ་ཚུར་འཕྱར་བས་བསྣུན་པར་བྱའོ། །རྡོ་རྗེས་བསྣུན་པ་ལྟར་འཇིག་པར་འགྱུར་རོ། །འུག་པ་བྱ་རོག་བྱ་རྒོད་དང་། །ཁྲ་དང་ལོ་མ་བརྒྱ་པ་དང་། །མཁའ
iiif viewer powered by OpenSeadragon
