| e-texts navigator |
| Wylie |
26a1 ལས་གཞན་ཡང་བཤད་པར་བྱ་སྟེ། ཡུངས་ཀར་སྐྱ་བོ་དང་དུག་དང་ཁྲག་བསྲེས་པས་སྟོང་ཕྲག་བརྒྱད་བཟུང་ལ་རེ་རེ་ལ་ཡོངས་སུ་བཟླས་ཏེ་རྡོ་རྗེ་ལ་བསྣུན་པས་དེ་ནས་འོངས་ཏེ། ལག་ནས
26a2 བཟུང་ནས་འཇུག་པར་བྱེད་དོ། །སྐྱེས་བུ་དཔའ་བོས་ལས་སུ་གྱུར་པ་གཞན་ཡང་དུག་དང་ཁྲག་བསྲེས་པས་སྟོང་ཕྲག་བརྒྱད་སྲེག་བླུགས་བྱས་པས་དེ་ནས་འོང་བར་འགྱུར་རོ། །རྡོ་རྗེ་བཟུང་ལ་འཇུག་པར
26a3 བྱའོ་ཞེས་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་ཏོ། །དེ་ནས་ལས་གཞན་ཡང་བཤད་པར་བྱ་སྟེ། ལོ་མ་ལ་སོགས་པ་ཟ་ཞིང་དུས་གསུམ་དུ་ཁྲུས་བྱས་ལ་མི་སྨྲ་བའི་བརྟུལ་ཞུགས་ཀྱིས་འབུམ
26a4 ཕྲག་གསུམ་བཟླས་པར་བྱའོ། །དེ་ནས་རྡོ་རྗེས་བསྣུན་པའི་ཤིང་ལ་མཐེ་བོང་ཙམ་གྱི་རྡོ་རྗེ་ཆ་ཤས་བཅུ་དྲུག་པ་རྩེ་མོ་གསུམ་པ་བྱས་ཏེ་ཙན་དན་དམར་པོའི་ཁྲི་ལ་རྡོ་རྗེ་དེ་བཞག་པར་བྱའོ། །མེ་ཏོག་དམར་པོ
26a5 དང་དྲི་ལ་སོགས་པ་རྣམས་ཀྱིས་མཆོད་དེ། གཏོར་མ་བྱིན་ལ་ཉིན་མཚན་དུ་གསོ་སྦྱོང་དང་ལྡན་པས་ཀ་ར་བཱི་རའི་མེ་ཏོག་གིས་རྡོ་རྗེ་ལ་བརྒྱད་བརྒྱར་བསྣུན་པར་བྱའོ། །དེ་ནས་རྣམ་པ་གསུམ་འགྲུབ་པར་འགྱུར
26a6 ཏེ། རྡོ་རྗེ་ལ་ཙི་ཊི་ཙི་ཊི་འབྱུང་བ་དང་། བུ་གར་དུ་བའི་སྡོང་བུ་འབྱུང་བ་དང་གཞོན་ནུ་མ་རྣམས་འོང་བར་འགྱུར་རོ། །གང་གི་ཚེ་ཞུགས་ཤིག་ཅེས་སྨྲ་ན། དེ་ནས་འཇུག་པའི་དུས་སུ་ཉིན་མཚན་དུ་གསོ་སྦྱོང་ལ་གནས
26a7 པས་ལྟས་བརྟག་པར་བྱ་སྟེ། གང་གི་ཚེ་རྡོ་རྗེ་ལ་ཙི་ཊི་ཙི་ཊི་ཞེས་སྒྲོགས་ན་འཁྲུལ་འཁོར་རྣམས་འབྱེད་པ་ཡིན་ནོ། །གང་གི་ཚེ་དུ་བ་འབྱུང་བར་མཐོང་ན་དེ་ནས་འཁྲུལ་འཁོར་ཐམས་ཅད་འཇིག་པ་ཡིན་ནོ། །དེ་ནས
26a8 རང་གི་ཁང་པ་བཞིན་དུ་འཇུག་པར་བྱའོ། །གང་འདོད་པའི་རྫས་དེས་སྟེར་བར་འགྱུར་རོ། །གལ་ཏེ་མི་འདོད་ན་བུ་གའི་སྒོ་དེ་ཉིད་དུ་ཨརྒའི་ཡམ་ཤིང་ངམ། སེང་ལྡེང་གི་ཡམ་ཤིང་ལ་མེ་རབ་ཏུ་སྦར་ཏེ་ཡུངས་ཀར་སྐྱ་བོ
iiif viewer powered by OpenSeadragon
