| e-texts navigator |
| Wylie |
25b1 སོལ་བ་ལ་ཚ་བའི་མར་ཁུ་དང་བསྲེས་ཏེ། སྭཱ་ཧཱའི་ཡི་གེ་དང་ལྡན་པས་སྟོང་ཕྲག་བརྒྱད་སྲེག་བླུགས་བྱའོ། །དེ་ཉིད་དུ་འགྲུབ་པར་འགྱུར་རོ། །དུག་དང་ཁྲག་དང་ཡུངས་ཀར་སྐྱ་བོ་བསྲེས་ཏེ། སྟོང་ཕྲག
25b2 བརྒྱད་སྲེག་བླུགས་བྱས་པས་བུ་གའི་སྒོ་འབྱེ་བར་འགྱུར་རོ། །དེ་ནས་བུ་གའི་སྒོར་བ་གླང་གི་ལྕི་བས་དཀྱིལ་འཁོར་ཉེ་བར་བྱུགས་ལ་སྟེང་དུ་དྲིས་བྱུགས་ཏེ། དེ་ནས་རྡོ་རྗེས་དེ་ས་དེའི་སྟེང་དུ་རྡོ་རྗེ་བྲི་བར་བྱའོ། །
25b3 དེ་ནས་རྡོ་རྗེ་དེ་ལག་པ་གཡས་པར་བཟུང་ལ་ཡུངས་ཀར་ལ་ཅུང་ཟད་ཅིག་བསྔགས་ཏེ་སྟོང་ཕྲག་བརྒྱད་སྲེག་བླུགས་བྱའོ། །ཅི་བདེ་བར་བཟུང་ནས་འོང་བར་འགྱུར་རོ། །དེ་བཟུང་བར་བྱའོ། །གལ་ཏེ་མི་འདོད་ན་དེ་རྣམས
25b4 དང་ལྷན་ཅིག་ཏུ་འཇུག་པར་བྱའོ། །ཡང་ན་གཏེར་འདོན་པར་འདོད་པས་ལྕགས་ལས་བྱས་པའི་ཕུར་བུ་བཞི་ལ་ལན་ཉི་ཤུ་རྩ་གཅིག་བཟླས་ཏེ། ཕྱོགས་བཞིར་བཏབ་ལ་གསང་སྔགས་བཟླས་པར་བྱའོ། །
25b5 དེ་ནས་དེར་གཏེར་འབྱུང་བར་འགྱུར་རོ། །འདི་ནི་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་ཏོ། །ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཨོཾ་བཛྲེ
25b6 བཛྲི་ཎི། བཛྲོཏྟ་རེ། བཛྲ་བི་ཛ་ཡེ། བཛྲཱ་པ་ར་ཛི་ཏི། བཛྲ་པཱ་ཏཱ་ལི་ཎི། ཧཱུ~ཾ་ཕཊ་ཧཱུ~ཾ་ཕཊ་སྭཱ་ཧཱ། !་།རྡོ་རྗེས་བསྣུན་པའི་ཤིང་ལ་སོར་བརྒྱད་པའི་རྡོ་རྗེ་རྩེ་གཅིག་པ་བྱས་ཏེ། ཙན་དན་དམར་པོ་ལས
25b7 བྱས་པའི་རྡོ་རྗེའི་རྣམ་པ་སོར་བཅུ་དྲུག་པའི་སྟན་བྱས་ལ་དེའི་སྟེང་དུ་རྡོ་རྗེ་བཞག་ལ་གསོ་སྦྱོང་དང་ལྡན་པས་ཐམས་ཅད་ལ་ཙན་དན་གྱི་རང་བཞིན་དུ་བྱས་ཏེ། དཔལ་གྱི་སྒོར་བཞག་པར་བྱའོ། །ལོ་མ་དང་ནས
25b8 ཟན་དང་སློང་བ་ཟ་ཞིང་འབུམ་ཕྲག་གསུམ་བཟླ་བར་བྱའོ། །དེ་ནས་འཁྲུལ་འཁོར་ཐམས་ཅད་ལྟུང་བར་འགྱུར་རོ། །དེ་རྣམས་རང་ཉིད་འོངས་ནས་འཇུག་པར་བྱེད་དོ། །གལ་ཏེ་དེ་རྣམས་མ་འོངས་ན
iiif viewer powered by OpenSeadragon
