| e-texts navigator |
| Wylie |
20b1 བཤང་དང་ལྗན་ལྗིན་དྲི་མནམ་ཞིང་། །ཁ་ཅིག་ན་ནི་སྦྲུལ་གྱི་དྲི། །ལྤགས་པ་དང་ནི་བྱ་ཡིས་ཁྱབ། །དེ་ནི་ངེས་པར་ལྕེ་སྤྱང་གནས། །ཡང་ན་རྡོ་རྗེ་ས་འོག་ལས་བསྟན་པའི་ཇི་ལྟ་བུས་རྣམ་པའི་སྒོ་མཁས་པས་ཕྱི་རོལ་ཏུ
20b2 བརྟགས་ནས་འཇུག་པར་བྱའོ། །ཡོ་བྱད་ཐམས་ཅད་དང་ལྡན་པས། །ཁྲོ་བོའི་དམ་པ་ལེགས་པར་བཟླས། །དབང་བསྐུར་བས་ནི་དབང་བསྐུར་ལ། །བློ་དང་ལྡན་པས་བསྲུང་བར་བྱ། །འདི་ཡི་ཚུལ་གྱིས་དཔའ་བོ་ཡིས། །
20b3 ས་འོག་མཐོ་རིས་དཔལ་གྱི་སྒོ། །དེར་ནི་སོམ་ཉི་མེད་པར་འཇུག་།དེ་ཡིས་འདོད་འབྲས་ཐོབ་པར་འགྱུར། །དཔའ་བོ་དེ་ཡིས་ཆེར་སྤྲོ་བས། །གཏོང་དང་བརྩེ་ལྡན་གཙང་བ་དང་། །དྲེགས་མེད་མངོན་པའི་ང་རྒྱལ་བྲལ། །
20b4 འཇིགས་བྲལ་ཁྱད་པར་འཕགས་པའི་ཡིད། །མེ་འོད་དང་ནི་ལྟས་ཆེན་པོ། །མཐོང་ནས་ཟུག་རྔུ་མེད་པའི་སེམས། །རྡོ་རྗེ་ལྟ་བུར་བརྟན་པ་ཡིས། །བསྒྲུབ་པར་དཀའ་ཡང་བསྒྲུབ་པར་བྱ། །འཕགས་པ་རྡོ་རྗེ་ས
20b5 འོག་གི་རྒྱུད་ལས་འཁྲུལ་འཁོར་བརྟག་པའི་ལེའུ་སྟེ་བཅུ་བཞི་པའོ། ། |་།། དེ་ནས་གཞན་ཡང་དཔལ་གྱི་སྒོར་འཇུག་པའི་རིམ་པར་ཕྱེ་བར་གྱུར་པ་ནི་འཁྲུལ་འཁོར་གྱི་ནི་དྲུང་འགྲོ་བ། །
20b6 ཤིན་ཏུ་མྱུར་དང་བུལ་མིན་པར། །རྐང་པ་འཇོག་ཅིང་འབད་པ་ཡིས། །ཀུན་ནས་འཁྲུལ་འཁོར་བལྟ་བར་བྱ། །གང་ཚེ་འཁྲུལ་འཁོར་གཡོ་བ་དང་། །འགུལ་བ་དང་ནི་ལྡེག་པ་འམ། །ཡང་ན་མཚོན་ཆ
20b7 ཐོགས་པ་སྟེ། །མདའ་དང་ཤག་ཏི་དབྱུག་གུ་དང་། །རལ་གྲི་འཁོར་ལོ་མཚོན་ཆ་ཡི། །འཁྲུལ་འཁོར་གྱིས་ནི་གང་མཐོང་ཞིང་། །གྲི་གུག་སྤུ་གྲིའི་སོ་དག་དང་། །དེ་བཞིན་ལུག་ལས་སོགས་འགྲོ་བ། །དེ་ལྟ
20b8 འི་རྣམ་པ་མཐོང་ན་ནི། །ཕྱག་རྒྱ་ལེགས་པར་བཅིང་བར་བྱ། །ཡུངས་ཀར་སྐྱ་བོ་ཉིད་དམ་ནི། །ཐལ་བ་ལ་ཡང་ཁྲོས་པ་ཡིས། །ཁྲོ་བོ་ལན་བདུན་བཟླས་ནས་སུ། །འཁྲུལ་འཁོར་ལ་ནི་མཁས་པས་བསྣུན། །
iiif viewer powered by OpenSeadragon
