| e-texts navigator |
| Wylie |
192b1 བྱ་སྟེ། བདག་བསྲུང་བ་བྱས་ན་གང་དུ་གདོན་གྱི་ཕྱིར་ཡང་ལས་ཐམས་ཅད་བྱའོ། །འཐབ་མོ་དང་། རྩོད་པ་དང་འགྱེད་པའམ་རྒྱལ་པོའི་ཕོ་བྲང་འཁོར་དུ་སྣ་མའི་མེ་ཏོག་གི་འབྲུ་མར་གྱི་ནང་དུ་ཨ་ཏི་མུག་ཏ་ཀ་སྨིག
192b2 མའི་ཡམ་བསྲེག་ཤིང་ལ་འགྲོ་ལྡིང་བའི་རིག་སྔགས་ཀྱིས་བཏབ་སྟེ་ལན་བཅུ་བཞིར་སྦྱིན་སྲེག་བྱའོ། །འབྱུང་པོ་དབང་དུ་བྱ་བར་འདོད་པས་རའི་འོ་མ་དང་། རའི་མར་དང་། ཤིང་ཨ་པ་མརྒའི་ཡམ་བསྲེག་ཤིང
192b3 དག་ལ་འགྲོ་ལྡིང་བའི་རིག་སྔགས་ཀྱིས་བཏབ་སྟེ་ལན་ལྔར་སྦྱིན་སྲེག་བྱའོ། །འགྲོ་བ་ཐམས་ཅད་ཀྱི་ཆེད་དུ་སྦྱིན་སྲེག་བྱ་བར་འདོད་པས་འབྲས་ཐུག་པོ་ཆེ་དང་བའི་འོ་མ་དང་། རུ་རྟ་དང་། རྒྱམ་ཚ་དང་། ཤིང་ཀ་ར་བི
192b4 ར་དཀར་པོའི་ཡམ་བསྲེག་ཤིང་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ་སྦྱིན་སྲེག་བྱས་ན་སེམས་ཅན་ཐམས་ཅད་ཀྱི་ཆེད་དུ་སྦྱིན་སྲེག་བྱས་པར་འགྱུར་རོ། །རྙེད་པར་བྱ་བའི་དོན་དུ་རུ་རྟ་དང་འབྲུ་མར་ལས
192b5 འགྲོ་ལྡིང་བའི་རིག་སྔགས་ཀྱིས་ལན་བདུན་བཟླས་བརྗོད་བྱས་ཏེ་གདོང་བསྐུས་ནས་སྨྲས་ན་གང་བསླངས་པ་དེ་ཐོབ་པར་འགྱུར་རོ། །ཐམས་ཅད་དུ་ཡང་དེ་བཞིན་གཤེགས་པ་འམ་དེ་བཞིན་གཤེགས་པའི
192b6 མཆོད་རྟེན་ལ་སྤོས་དང་། ཕྲེང་བ་དང་བྱུག་པ་དང་མེ་ཏོག་དང་བདུག་པ་དང་ཕྱེ་མ་དང་། བྱུག་པ་རྣམས་ཀྱིས་མཆོད་ཅིང་ཅི་ནུས་ཀྱིས་ལྷ་བཤོས་དག་ཀྱང་དབུལ་བར་བྱ་སྟེ། བསྲུང་བ་དང་བཅས་ཆོ་ག་དང་བཅས་པས
192b7 མི་མཇེད་ཀྱི་སེམས་ཅན་ཐམས་ཅད་བསྲུངས་པར་གྱུར་ཅིག་སྭཱ་ཧཱ། འདི་ནི་དངོས་གྲུབ་པོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། གཞོན་ནུ་སྒྲ་གཅན
192b8 ཟིན་དང་། ཐམས་ཅད་དང་ལྡན་པའི་འཁོར་དེ་དང་ལྷ་དང་མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།
iiif viewer powered by OpenSeadragon
