| e-texts navigator |
| Wylie |
192a1 འཚམ་པར་མ་བྱེད་ཅིག་། འཚེ་བར་མ་བྱེད་ཅིག་།གང་ཡང་རྡེག་པར་མ་བྱེད་ཅིག་།སྭཱ་ཧཱ། མེ་ཁ་ལའི་རིག་སྔགས་ཀྱི་ཆོ་ག་བཤད་པར་བྱའོ། །སངས་རྒྱས་ལ་མེ་ཏོག་དང་། བདུག་པ་དང་། སྤོས་དང་།
192a2 ལྷ་བཤོས་དག་ཕུལ་ནས་ཕྱིས་བསྲུང་བར་བྱའོ། །གཙང་མས་གོས་གཙང་མ་བགོས་ཏེ་བ་ལང་གི་ལྕི་བས་དཀྱིལ་འཁོར་བྱུགས་ནས་མེ་ཏོག་དག་བཀྲམ་སྟེ་ཅི་འབྱོར་པའི་གཏོར་མ་འམ་ཕྱེའམ་པད་མ་དང་།
192a3 བཟའ་བ་དང་བཏུང་བ་དང་མེ་ཏོག་བསྲེས་པས་བུམ་པ་བཀང་བ་འམ་སྣོད་བཀང་བའི་དབུས་སུ་འདུག་ནས་སྤོས་ཀྱིས་རྒྱུན་མི་འཆད་པར་བདུག་པར་བྱའོ། །རྩཝ་ཀུ་ཤས་ཐམས་ཅད་ལ་བྱབ་པར་བྱའོ། །
192a4 བདག་བསྲུང་བ་དང་། གཞན་བསྲུང་བར་བྱ་བའི་ནི་སྐུད་པས་སོ། །སྤྲིན་བཅིང་བ་ནི་མེ་ཏོག་སྣ་མའི་ཤིང་དང་སྣ་མའི་མར་གྱིས་སྦྱིན་སྲེག་བྱའོ། །རླུང་དང་ཆར་པ་བཟློག་པ་ནི་རྩཝ་མུཉྫའི་ལྷས་མ་ལ་ལན་གསུམ
192a5 བཟླས་བརྗོད་བྱས་ཏེ་རྩ་བའི་རིག་སྔགས་ཀྱིས་ལན་བདུན་བཏབ་ནས་མདུད་པ་བདུན་དོར་བར་བྱའོ། །ལམ་གྲུབ་པ་དང་། བདེ་བར་བྱ་ན་ཆོས་གོས་ཀྱི་གྲཝར་ལན་བདུན་གསུམ་བཟླས་བརྗོད་བྱས་ཏེ་མདུད་པ
192a6 གསུམ་བོར་བར་བྱའོ། །ཟས་དཀར་གསུམ་ཟོས་ལ་ཉིན་ཞག་གསུམ་སྨྱུང་བར་བྱས་ནས་པད་མ་དང་ཡུངས་ཀར་དཀར་པོ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། གྲོང་ངམ་གྲོང་ཁྱེར་མཚམས་བཅད
192a7 པར་བྱའོ། །རིག་སྔགས་ཐམས་ཅད་གཅོད་པར་འདོད་པས་སྣ་ཚོགས་པའི་མཚོན་ཆ་ལ་ལན་བདུན་བཟླས་བརྗོད་བྱས་ཏེ་ཆུ་ལ་བཅད་པར་བྱའོ། །སྣོད་སར་པར་ཆུ་བླུགས་ནས་ལན་བདུན་བཟླས་བརྗོད་བྱས
192a8 ཏེ་ཁྲུས་བྱས་ན་ལོག་འདྲེན་ཐམས་ཅད་བཅིང་བ་བྱས་པར་འགྱུར་རོ། །མེ་ཏོག་དཀར་པོ་དག་ལ་བཟླས་བརྗོད་བྱས་ཏེ་བསྣུན་ན་དུག་མེད་པར་འགྱུར་རོ། །ནད་ཐམས་ཅད་ལ་ཤིང་ཀ་ར་བི་རའི་ལྕུག་མས་བྱབ་པར
iiif viewer powered by OpenSeadragon
