| e-texts navigator |
| Wylie |
191b1 པས་བྱས་པའི་རིག་སྔགས་གཅོད་པར་བྱེད་པའོ། །མེ་ཁ་ལའི་རིག་སྔགས་འདི་ནི་གཅོད་པའོ། །ཕྱིར་གཅོད་པའོ། །ཕྱིས་གཅོད་པའོ། །ཀུན་དགའ་བོ་གང་གིས་མེ་ཁ་ལའི་རིག་སྔགས་འདིས་བསྲུང་བ་དང་།
191b2 ཡོངས་སུ་བསྐྱབ་པ་དང་། ཡོངས་སུ་བཟུང་བ་དང་། ཡོངས་སུ་བསྐྱང་བ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་པ་སྤང་བ་དང་མཚོན་ཆ་སྤང་བ་དང་། དུག་གཞིལ་བ་དང་མི་མཛའ་བ་བཟློག་པ་དང་། དཔག
191b3 ཚད་དམ་དཔག་ཚད་གཉིས་སམ། དཔག་ཚད་བཅུ་གཉིས་ཀྱི་བར་དུ་མཚམས་གཅད་པར་བྱས་ནས། གང་མེ་ཁ་ལའི་རིག་སྔགས་ལས་འདའ་བར་བྱེད་པ་ནི། ལྷ་དང་བཅས་པ་དང་བདུད་དང་བཅས་པ་དང་།
191b4 ཚངས་པ་དང་བཅས་པ་དང་དགེ་སྦྱོང་དང་བཅས་པའི་སྐྱེ་དགུའི་འཇིག་རྟེན་དང་། ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ན་ངས་མ་མཐོང་སྟེ་དེ་ནི་གནས་མེད་དོ། །ཀུན་དགའ་བོ་སངས་རྒྱས་ཐམས
191b5 ཅད་ཀྱི་བདེན་པ་དང་། ཆོས་ཀྱི་བདེན་པ་དང་དགེ་འདུན་གྱི་བདེན་པ་དང་བདེན་པར་སྨྲ་བ་ཐམས་ཅད་ཀྱི་བདེན་པ་དང་། དྲང་སྲོང་ཐམས་ཅད་ཀྱི་བདེན་པ་འདི་ལས་སེམས་ཅན་གྱི་ཚོགས་འགལ་བར་མ་བྱེད་ཅིག་།
191b6 ཀུན་དགའ་བོ་དུས་ལས་འདས་བར་མི་བྱ་བ་ལྔ་ནི་འདི་ཡིན་ཏེ་སངས་རྒྱས་ཀྱི་བདེན་པ་ལས་འདའ་བར་མི་བྱ་བ་དང་། ཆོས་ཀྱི་བདེན་པ་ལས་འདའ་བར་མི་བྱ་བ་དང་། དགེ་འདུན་གྱི་བདེན་པ་ལས་འདའ་བར
191b7 མི་བྱ་བ་དང་། བདེན་པར་སྨྲ་བ་རྣམས་ཀྱི་བདེན་པ་ལས་འདའ་བར་མི་བྱ་བ་དང་། དྲང་སྲོང་གི་བདེན་པ་ལས་འདའ་བར་མི་བྱ་བ་སྟེ་འབྱུང་པོ་ཐམས་ཅད་དང་ནད་ཐམས་ཅད་དང་མི་ཐམས་ཅད་དང་མི་མ་ཡིན
191b8 ཐམས་ཅད་ཀྱིས་འདའ་བར་བྱ་བ་མ་ཡིན་པའོ། །ནད་ཐམས་ཅད་དང་འབྱུང་པོ་ཐམས་ཅད་དང་སྡང་བ་ཐམས་ཅད་དང་། མི་མཛའ་བ་ཐམས་ཅད་ལས་བདེ་ལེགས་སུ་གྱུར་ཅིག་།གང་ཡང་རྣམ་པར་འཐོ
iiif viewer powered by OpenSeadragon
