| e-texts navigator |
| Wylie |
191a1 བྲམ་ཟེའམ། སྤྱོད་པའམ། ཀུན་ཏུ་རྒྱུའམ། གཅེར་བུ་པའམ། འཚོ་བའམ། མི་ཐོད་ཅན་ནམ། ལུས་སྐྱའམ། མིའམ་མི་མ་ཡིན་པས་འདའ་བར་བྱ་བ་མ་ཡིན་པའོ། །ཀུན་དགའ་བོ་མེ་ཁ་ལའི་རིག
191a2 སྔགས་འདི་ནི་གཤེད་བྱེད་དང་། བྱད་སྟེམ་དང་རོ་ལངས་ཐམས་ཅད་འཇིག་པར་བྱེད་པའོ། །གདོན་ཐམས་ཅད་བཟློག་པའོ། །བཀྲ་མི་ཤིས་པ་ཐམས་ཅད་འཇིག་པར་བྱེད་པའོ། །ཀུན་དགའ་བོ་མེ་ཁ་ལའི
191a3 རིག་སྔགས་འདི་ནི་དགེ་སྦྱོང་གིས་བྱས་པ་གཅོད་པར་བྱེད་པའོ། །བྲམ་ཟེས་བྱས་པ་དང་སྤྱོད་པ་དང་ཀུན་ཏུ་རྒྱུ་དང་འཚོ་བ་པས་བྱས་པའི་རིག་སྔགས་གཅོད་པར་བྱེད་པའོ། །དབང་ཕྱུག་ཆེན་པོས་བྱས་པའི
191a4 རིག་སྔགས་གཅོད་པར་བྱེད་པའོ། །ཚངས་པས་བྱས་པ་དང་། བརྒྱ་བྱིན་གྱིས་བྱས་པ་དང་། ལྷའི་རྒྱལ་པོས་བྱས་པ་དང་། རྒྱལ་པོ་ཆེན་པོས་བྱས་པ་དང་། ཁྱབ་འཇུག་གིས་བྱས་པ་དང་འདོད་པའི་དབང་ཕྱུག
191a5 གིས་བྱས་པའི་རིག་སྔགས་གཅོད་པར་བྱེད་པའོ། །རྒྱལ་པོ་ཆེན་པོས་བྱས་པ་དང་། གནོད་སྦྱིན་གྱི་སྡེ་དཔོན་གྱིས་བྱས་པ་དང་ཟླ་བ་དང་ཉི་མ་དང་། རྒྱུ་སྐར་དང་གཟས་བྱས་པའི་རིག་སྔགས་གཅོད་པར་བྱེད
191a6 པའོ། །ལྷ་དང་ཀླུ་དང་གནོད་སྦྱིན་དང་སྲིན་པོ་དང་དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་མི་འམ་ཅི་དང་། ལྟོ་འཕྱེ་ཆེན་པོས་བྱས་པའི་རིག་སྔགས་གཅོད་པར་བྱེད་པའོ། །རྫུ་འཕྲུལ་དང་ལྡན་པས
191a7 བྱས་པའི་རིག་སྔགས་གཅོད་པར་བྱེད་པའོ། །ལྷ་ཁང་པས་བྱས་པའི་རིག་སྔགས་གཅོད་པར་བྱེད་པའོ། །དུར་ཁྲོད་པས་བྱས་པའི་རིག་སྔགས་གཅོད་པར་བྱེད་པའོ། །ཤིང་དྲུང་པས་བྱས་པ་དང་།
191a8 ལྷའི་རྒྱལ་པོས་བྱས་པ་དང་། རི་དྲུང་བས་བྱས་པ་དང་། རི་རྩེ་བས་བྱས་པ་དང་། ས་པས་བྱས་པ་དང་ནམ་མཁའ་པས་བྱས་པ་དང་། གནས་ཐམས་ཅད་པས་བྱས་པ་དང་མིས་བྱས་པ་དང་། མི་མ་ཡིན
iiif viewer powered by OpenSeadragon
