| e-texts navigator |
| Wylie |
188a1 མནྟྲ་ས་རེ། པ་རི་ཁ་ས་མེ། ཨ་བརྟེ་ས་མནྟ་བརྟེ་གྷ་ནེ། མེ་ཁ་ལེ། ཀུན་དགའ་བོ་མེ་ཁ་ལ་ཞེས་བྱ་བ་སྟོབས་མོ་ཆེ་རྫུ་འཕྲུལ་དང་ལྡན་མ་བརྩོན་འགྲུས་ཆེ་མ་འདི་ནི། རིག་སྔགས་འཆང་རྣམས་དང་།
188a2 འབྱུང་པོ་རྣམས་དང་རོ་ལངས་རྣམས་ལས། གང་དུ་ཡང་བཀག་པ་མེད་དེ་ཀུན་དུ་ཐོགས་པ་མེད་པར་འགྲོའོ། །ཀུན་དགའ་བོ་མེ་ཁ་ལ་ཞེས་བྱ་བའི་རིག་སྔགས་འདི་ནི་སེམས་ཅན་རྣམས་ལ་ཕན་པའི་ཕྱིར་དང་།
188a3 བདེ་བའི་ཕྱིར་དང་། བསྲུང་ཞིང་སྦ་བའི་བར་དུ་བྱ་བའི་ཕྱིར་འདས་པའི་སངས་རྒྱས་བཅོམ་ལྡན་འདས་རྣམས་ཀྱིས་གསུངས་སོ། །དྲང་སྲོང་ཆེན་པོ་གཞན་དག་གིས་ཀྱང་སྨྲས་ཏེ། ཀུན་དགའ་བོ་མེ་ཁ་ལའི་རིག་སྔགས
188a4 ནི་སེམས་ཅན་རྣམས་ལ་ཕན་པར་བྱེད་པའོ། །གང་སུ་དག་སྡིག་པའི་ལས་དང་ལྡན་པ་གཟི་བྱིན་འཕྲོག་པ་ས་ལ་གནས་པ་དེ་དག་ཐམས་ཅད་མེ་ཁ་ལའི་རིག་སྔགས་ཐོས་ནས་ཤིན་ཏུ་སྐྲག་སྟེ་ཕྱོགས་དང་ཕྱོགས
188a5 མཚམས་སུ་འགྲོའི། ཀུན་དགའ་བོ་མེ་ཁ་ལའི་རིག་སྔགས་ལེགས་པར་བཟུང་བ་བྱས་པ་ལ་ཀུན་ནས་དཔག་ཚད་བཅུ་གཉིས་སུ་བསྲུང་བ་གྱིས་ཤིག་།ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་།
188a6 ཞི་བ་དང་བདེ་ལེགས་སུ་འགྱུར་བར་གྱིས་ཤིག་།སངས་རྒྱས་ལ་ཕྱག་འཚལ་ལོ། །ཆད་པ་སྤང་བར་གྱིས་ཤིག་།མཚོན་ཆ་སྤང་བ་དང་། དུག་གཞིལ་བར་གྱིས་ཤིག་།མི་མཛའ་བ་བཟློག་པར་གྱིས་ཤིག་།
188a7 མཚམས་བཅད་པར་གྱིས་ཤིག་།སྐུད་པས་བཅིང་བར་གྱིས་ཤིག་།སྡང་བ་ཐམས་ཅད་བཟློག་པར་གྱིས་ཤིག་།མིའམ་མི་མ་ཡིན་པ་སྡིག་པ་བྱེད་པ་རྣམས་འཚེར་མ་གཞུག་ཅིག་།སངས་རྒྱས་ལ་ཕྱག
188a8 འཚལ་ལོ། །གསང་སྔགས་ཀྱི་གཞི་རྣམས་གྲུབ་པར་གྱུར་ཅིག་སྭཱ་ཧཱ། དེ་ལ་ཆོ་ག་ནི་དེ་བཞིན་གཤེགས་པ་ལ་ཕྱག་འཚལ་ཏེ་མེ་ཏོག་དང་། བདུག་པ་དག་གསོལ་ནས་སྐུད་པས་བཅིང་བར་བྱའོ། །
iiif viewer powered by OpenSeadragon
