| e-texts navigator |
| Wylie |
187a1 ཀུན་དགའ་ར་བ་ན་བཞུགས་ཏེ། དེའི་ཚེ་གཞོན་ནུ་སྒྲ་གཅན་ཟིན་མལ་ན་ཉལ་བ་ལས། སྲིན་པོ་ཞིག་གིས་སྡངས་པར་བྱས་པར་གྱུར་ཏོ། །དེ་ནས་གཞོན་ནུ་སྒྲ་གཅན་ཟིན་དེ་ཉིད
187a2 ཀྱི་མཚན་མོ་འདས་ནས་གཞོན་ནུ་མང་པོ་རྣམས་ཀྱིས་མདུན་དུ་བདར་ཅིང་ཡོངས་སུ་བསྐོར་ཏེ། སེར་སྐྱའི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས།
187a3 བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། སྤྱན་སྔར་འདུག་ནས་ངུས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ
187a4 བོ་གཞོན་ནུ་སྒྲ་གཅན་ཟིན་བསྲུང་བའི་ཕྱིར་མེ་ཁ་ལ་ཞེས་བྱ་བའི་རིག་སྔགས་བཤད་ཀྱིས་ཁྱོད་ཀྱིས་ཟུང་ཤིག་། ལྷའི་ཚོགས་དང་། ཀླུའི་ཚོགས་དང་། གནོད་སྦྱིན་གྱི་ཚོགས་དང་། སྲིན
187a5 པོའི་ཚོགས་དང་། ལྷ་མ་ཡིན་གྱི་ཚོགས་དང་། ནམ་མཁའ་ལྡིང་གི་ཚོགས་དང་། མི་འམ་ཅིའི་ཚོགས་དང་། ལྟོ་འཕྱེ་ཆེན་པོའི་ཚོགས་དང་། ཤ་ཟའི་ཚོགས་དང་། ཡི་དགས་ཀྱི
187a6 ཚོགས་དང་། གྲུལ་བུམ་གྱི་ཚོགས་དང་། སྲུལ་པོའི་ཚོགས་དང་། གཟའི་ཚོགས་དང་། རྒྱུ་སྐར་གྱི་ཚོགས་དང་། གནོད་སྦྱིན་གྱི་སྡེ་དཔོན་ཉི་ཤུ་རྩ་བརྒྱད་དང་།
187a7 རྒྱལ་པོ་ཆེན་པོ་བཞི་དང་། དྲང་སྲོང་འདོད་ཆགས་དང་བྲལ་བ་རྣམས་དང་། གངས་ལ་གནས་པ་དང་། ཕྱོགས་བཅུ་ན་འབྱུང་པོ་གང་དག་འཁོད་པ་དང་། སྲིན་མོའི་ཚོགས
187a8 དང་། བཱ་ལི་དང་། ཀཱ་ཊ་ལི་དི་དང་། བོ་ད་རི་དང་། གྲོང་རྣ་དང་། ཡིད་བཟང་དང་། འཕྲོག་མ་ཆེན་མོ་དང་། མ་མོའི་ཚོགས་རྣམས་ང་ལ་ཉོན་ཅིག་།
iiif viewer powered by OpenSeadragon
