| e-texts navigator |
| Wylie |
184b1 སྨྲའོ། །སྒྲུབ་པོས་སྨྲས་པ། ཉི་མ་རེ་རེ་གཡོག་རེ་རེ་བྱིན་ཅིག་།དེ་ལྟར་བྱའོ་ཞེས་ཟེར་ནས་མི་སྣང་བར་འགྱུར་རོ། །དེ་ནས་མངག་གཞུག་པ་ལ་སོགས་པ་རབ་ཏུ་སྦྱིན་ཏོ། །གཞན་ཡང་དེ་བཞིན་གཤེགས་པས་ལས་ཀྱི་ཚོགས་བྱ་བ་གསུངས
184b2 པ། རིའི་རྩེ་མོར་འཛེགས་ཏེ་ཁྲུ་གང་ཙམ་གྱི་ནོར་བུ་བཟང་པོ་བཞག་ནས་འོ་མ་དང་འོ་ཐུག་ཟ་ཞིང་དུས་གསུམ་དུ་ཁྲུས་བྱེད་ཅིང་འབུམ་ཕྲག་གསུམ་དུ་བཟླས་ནས། དེ་ནས་དཀར་པོའི་ཕྱོགས་ཀྱི་ཉ་ལ་ཐུག་པའི་མཚན་མོ་གསུམ་དུ་སྨྱུང
184b3 བར་གནས་ནས། ནོར་བུ་བཟང་པོ་ལ་རྒྱ་ཆེ་བའི་མཆོད་པ་བྱས་པ་དང་། གཏོར་མའི་ཆོ་ག་རྒྱ་ཆེ་བ་བྱས་ནས་ཀུ་ཤའི་ཆུན་པོ་དག་བྱེད་ནས། ཅི་སྲིད་སྒྲ་གྲག་པ་དེ་སྲིད་དུ་བཟླས་པ་བྱའོ། །དེ་ནས་དེ་མ་ཐག་ཏུ་གནོད་སྦྱིན་ཐམས་ཅད་ཉེ་བར
184b4 འོངས་ནས། དེ་རྣམས་ལ་མེ་ཏོག་དམར་པོ་དང་། དྲི་དམར་པོ་དང་། ཨརྒ་སྦྱིན་པར་བྱའོ། །དུ་རུ་སྐའི་བདུག་པ་ཡང་བདུག་པར་བྱའོ། །དེ་ནས་གནོད་སྦྱིན་དེས་ལེགས་སོ་ཞེས་བྱ་བ་བྱིན་ནས་སྨྲས་པ། ངས་ཁྱོད་ལ་ཅི་བྱེད་ཅེས་ཟེར་བ་དང་། དེ
184b5 ནས་དེ་ལ་སྨྲས་པ་དང་། ཉིན་རེ་བཞིན་མངག་གཞུག་རབ་ཏུ་བྱིན་ཅིག་།དེ་ལྟར་བྱའོ་ཞེས་ཟེར་ནས་མི་སྣང་བར་འགྱུར་རོ། །དེ་ལ་སོགས་པ་བསམ་གཏན་ཙམ་གྱིས་གནས་པ་ལ་མ་མཐོང་བར་འཁོར་གྱིས་བསྐོར་ནས་གནས་སོ། །གང
184b6 དང་གང་འདོད་པ་དེ་དང་དེར་ཁང་པ་བརྩེགས་པ་དང་། ལྷའི་བཞོན་པ་སྤྲུལ་ཏེ་སྟོང་ཕྲག་གཅིག་དང་བཅས་པ་ལ་རབ་ཏུ་འདོད་པ་ལ་རབ་ཏུ་འདོད་པའི་ཟས་རྣམས་སྟེར་བར་འགྱུར་རོ། །ཉིན་རེ་བཞིན་དུ་གནོད་སྦྱིན་མོར་སྤྲུལ་ཞིང་འོངས་ནས
184b7 ཐོ་རངས་ཀྱི་དུས་སུ་འགྲོ་བར་འགྱུར་རོ། །དེ་ཉིད་ཀྱི་ཚེ་ལོ་སྟོང་དུ་འགྱུར་རོ། །རྒྱ་མཚོའི་འགྲམ་དུ་ནོར་བུ་བཟང་པོའི་གཟུགས་བརྙན་བཞག་སྟེ། བསོད་སྙོམས་ཟ་ཞིང་འབུམ་ཕྲག་གསུམ་བཟླས་ནས་དཀར་པོ་ཕྱོགས་ཀྱི་ཚེས་ལྔ་ལ་ཐུག
184b8 པར་ནུབ་གསུམ་དུ་སྨྱུང་བར་གནས་པས་རྒྱ་མཚོ་ཆེན་པོ་དང་ཉེ་བར་ཕྱིན་ནས། ཇི་སྲིད་རྒྱ་མཚོ་ཆེན་པོ་རང་འོང་བ་དེ་སྲིད་ཀྱི་བར་དུ་བཟླས་པར་བྱའོ། །མདུན་དུ་རྒྱ་མཚོ་ཆེན་པོ་རང་འོངས་པ་དེ་ལ་དྲི་དང་མེ་ཏོག་གི་མཆོད་པ་ཕུལ་ལ། ཨ་ཀ་རུའི
iiif viewer powered by OpenSeadragon
