| e-texts navigator |
| Wylie |
183a1 ཤིང་ལ། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། སོ་མ་སོ་བིད་ཀྲི་ཎི་ཡ་མི་རི་ཏི་མ་ནི་རི་ཏི་སྭཱ་ཧཱ། སྔགས་འདིས་སྦྱིན་སྲེག་སྟོང་བྱས་ན་དོང་རྩེ་བརྒྱ་རྙེད་པར་འགྱུར་རོ། །གནོད་གནས་ཀྱི
183a2 སྙིང་པོས་མཆོག་རྙེད་པར་འགྱུར་རོ། །འདི་ཉིད་ཀྱིས་གནས་པས་པུས་མོ་ནུབ་ཙམ་དུ་ཆུར་ཞུགས་ནས་འབུམ་ཕྲག་དྲུག་བཟླས་ན་ནོར་རྙེད་པར་འགྱུར་རོ། །ནིམ་པའི་ཤིང་གི་རང་བཞིན་ལ་ཆུ་ཞེང་དུ་སོར་བཞི་མཉམ་པའི་ནོར་བུ
183a3 བཟང་པོ་བྱས་ལ་གསོ་སྦྱོང་དང་ལྡན་པའི་རི་མོ་མཁན་གྱིས་བྲིས་ལ་ཉེ་བར་མཆོད་པ་དང་། གཏོར་མ་བྱིན་ནས་དུ་བ་མེད་པའི་མེ་ལ་དུས་གསུམ་དུ་དེའི་མདུན་དུ་རྒྱ་སྐྱེགས་ཀྱི་སྲེག་ལུགས་སྟོང་ཕྲག་བརྒྱད་དུ་སྦྱིན་སྲེག་བྱས་ན
183a4 ཕྱུག་པོ་རྣམས་དབང་དུ་འགྱུར་རོ། །ལེགས་པར་ཡན་ལག་སྟེར་བ་དང་། །རྨད་གྱུར་ཆེན་པོའི་བརྩོན་འགྲུས་དང་། །ལྟོས་པ་མེད་པའི་སྙིང་རྗེ་དང་། །ཡང་དག་ཅི་བཞིན་སྟོན་པ་དང་། །རྫུ་འཕྲུལ་གྱིས་འགྲོ་གཙོ་བོ་དང་། །ཐམས
183a5 ཅད་དུ་ནི་སྐྱོན་མེད་པ། །སྡུག་བསྔལ་བ་ནི་ཉོན་མོངས་ཉམས། །ཛམ་བྷ་ལ་ཡི་སྒོམ་པ་པོ། །དེ་ནས་ཡང་གནོད་སྦྱིན་གྱི་དབང་པོའི་སྙིང་པོ་རྒྱས་པར་བཤད་པ་ནི་མཆོག་གི་དངོས་གྲུབ་དང་། བསྐུལ་བའི་ཡི་གེ་དང་ཡང་དག་པར་ལྡན་པ
183a6 འདི། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། ས་མ་ཡ་མ་ནུ་རྨས། མ་ཎི་བྷ་དྲཱ་ཡ། བྷ་ག་བཱ་ཏ། ཛཱ་ཙིད་ཏ་ད་ཏྭཾ། དྷ་མ་དྷ་མ། དྷུ་རུ་དྷུ་རུ། མ་རི་ཙ་མ་ཧཱ་ཡཀྵ་སེ་ནཱ་པ་ཏ་ཡེ། ཏུ་ལུ་ཏུ་ལུ་མ་ཎི་བྷ་དྲ། ཏུ་རུ་ཏུ་རུ་མ་ཎི་བྷ
183a7 དྲ། ཏུ་ཊི་ཏུ་ཊི་མ་ཎི་བྷ་དྲ། ཏི་ཊི་ཏི་ཊི་མ་ཎི་བྷ་དྲ་སྭཱ་ཧཱ། ཚེས་གྲངས་མེད་ཅིང་རྒྱུ་སྐར་མེད། །སྨྱུང་བའི་ཆོ་ག་ཡོད་མ་ཡིན། །རྒ་འམ་ནིམ་པའི་ཤིང་གཞན་མ་རྣམས་ལ་ནོར་བུ་བཟང་པོའི་གཟུགས་བྱས་ཏེ། དེའི་མདུན་དུ་འདུག་ལ་ཉི་མ
183a8 ཕྱེད་ཀྱི་དུས་སུ་དྲི་དང་མེ་ཏོག་ལ་སོགས་པའི་མཆོད་པ་བྱས་ནས་ཡུངས་ཀར་དཀར་པོ་ཚ་བའི་མར་ནག་དང་བཏགས་པའི་རི་ལུ་བྱས་ལ་ནོར་བུ་བཟང་པོའི་ལྟོར་བཅུག་ནས་རིག་པ་སྟོང་ཕྲག་བརྒྱད་བཟླས་ན་དོང་ཙེ་བརྒྱ་རྙེད་པར་འགྱུར་རོ། །དེ་ཉིད
iiif viewer powered by OpenSeadragon
