| e-texts navigator |
| Wylie |
173a1 བྷི་ཙུ་ཝརྡའི་རྩ་བར་བཞུགས་སོ། །དེ་ནས་གནོད་སྦྱིན་གྱི་དབང་པོ་གནོད་གནས་རབ་ཏུ་དགའ་བ་དང་། ལྷ་མ་ཡིན་གྱི་དབང་པོ་དང་། ཀླུའི་རྒྱལ་པོ་མི་ཞུམ་པ་དང་། གྲུལ་བུམ་གྱི་རྒྱལ་པོ་མངོན་ཤེས་ལྔ་པ་དང་། དྲི་ཟའི་རྒྱལ་པོ་ཟུར་ཕུད
173a2 ལྔ་པ་དང་། སྲིན་པོའི་རྒྱལ་པོ་ཀཱི་ལི་ཀཱི་ལ་དང་། ནམ་མཁའ་ལྡིང་གི་རྒྱལ་པོ་གཤོག་པ་ཅན་དང་། མི་འམ་ཅིའི་རྒྱལ་པོ་ལྗོན་པ་དང་། ཟུར་ཕུད་ལྔ་པ་དང་། སྲུལ་པོ་དང་། ལྷའི་བུ་སྤྲིན་གྱི་ཤུགས་ཅན་དང་། ཟླ་བ་དང་ཟླ་བ་ལ་མངོན་པར་གུས
173a3 པ་དང་། ལྷའི་བུ་རྒྱལ་བས་བྱིན་རྣམས་ནུབ་མོ་འདས་ནས་ཐོ་རངས་གསལ་བའི་དུས་སུ། བཅོམ་ལྡན་འདས་ག་ལ་བ་དེར་ཉེ་བར་ལྷགས་ཏེ། བཅོམ་ལྡན་འདས་ཀྱི་ཞབས་ལ་ཕྱག་བྱས་ནས། བསྐོར་བ་ལན་གསུམ་བྱས་ཏེ། ཕྱོགས་གཅིག
173a4 ཏུ་འདུག་གོ། །དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱི་འོད་ཀྱི་ཁ་དོག་ཤིན་དུ་གསལ་ཞིང་རྒྱ་ཆེ་བ་དཔག་བསམ་གྱི་ཤིང་གི་རྩ་བ་ཐམས་ཅད་གསལ་ཞིང་རྒྱས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ
173a5 སེམས་དཔའ་ཆེན་པོ་དེ་རྣམས་ལ་བཀའ་སྩལ་པ། རྒྱ་མཚོ་ཆེན་པོ་གྲོང་ཁྱེར་དུ་ངོ་མཚར་ཞིང་རྨད་དུ་གྱུར་པའི་ཆོས་བརྒྱད་ལ་བཟོད་པ་དང་། ཇི་ལྟར་རྟོགས་པ་ལ་ཁྱེད་རྣམས་བར་ཆད་དང་དོན་མེད་པར་མ་གྱུར་ཏཾ། འདི་སྐད་དུ་གསུངས་པས་གནོད་སྦྱིན་གྱི་དབང་པོ
173a6 གནོད་གནས་རང་གི་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེར་ཐལ་མོ་སྦྱར་ནས་ཕྱག་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཙུན་པ
173a7 བཅོམ་ལྡན་འདས་རྒྱ་མཚོ་ཆེན་པོའི་གྲོང་ཁྱེར་དུ་བཟོད་པ་དང་། ཇི་ལྟར་རྟོགས་པར་བྱེད་པ་ལ་མངོན་པར་དགའ་བར་བྱེད་དོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྒྱ་མཚོ་ཆེན་པོའི་གྲོང་ཁྱེར་དུ་ཇི་ལྟར་གནོད་སྦྱིན་གྱི་སྡེ་དཔོན་ཁྱེད་རྣམས་ངོ་མཚར
173a8 ཞིང་རྨད་དུ་བྱུང་བའི་ཆོས་བརྒྱད་ལ་མངོན་བར་དགའ་བར་བྱེད་པ་དེ་ལྟར་རིགས་ཀྱི་བུ་ཆོས་འདི་རྣམས་འདོད་པ་དང་། དད་པས་མངོན་བར་དགའ་བ་ངོ་མཚར་ཞིང་རྨད་དུ་བྱུང་བའི་ཆོས་བརྒྱད་ལ་གནས་པ་དེ་ནི་ཚངས་པར་སྤྱོད
iiif viewer powered by OpenSeadragon
