| e-texts navigator |
| Wylie |
172a1 བ་དེ་དག་ཞི་བའི་ཕྱིར་རང་གི་སྲོག་གི་སྙིང་པོ་དང་རིག་སྔགས་ཁྱོད་ཀྱིས་སྟོན་ཅིག་། ངས་ཀྱང་བྱིན་གྱིས་བརླབ་པར་བྱའོ། །དེ་ནས་གནོད་འཛིན་དཔལ་གྱིས་གསོལ་པ། གསང་བའི་བདག་པོ་བཅོམ་ལྡན་འདས། །
172a2 སེམས་ཅན་སྡུག་བསྔལ་ཞི་བའི་ཕྱིར། །རིག་སྔགས་བདག་གིས་བསྟན་པར་བགྱི། །སྡུག་བསྔལ་སྤོང་ཞིང་བདེ་བ་ཐོབ། །ཚོགས་ཆེན་གཉིས་ནི་རྫོགས་འདོད་པས། །རང་ལུས་བསྲུང་ཕྱིར་རིག་སྔགས་འདི། །བཟླས
172a3 ཤིང་ཡོངས་སུ་གཟུང་བར་བྱ། །ན་མོ་ཨཱརྱ་ཛ~ཾ་བྷ་ལ། མ་ཧཱ་ཛཾ་བྷ་ལ། ཏདྱ་ཐཱ། ར་ར་ར་ར། ཀུ་ནུ་ཀུ་ནུ། ཁུ་ནུ་ཁུ་ནུ། གུ་ནུ་གུ་ནུ། ས་པ་ས་པ། ཀ་ར་ཀ་ར། མ་ཧཱ་བི་ར་ར་མ། མ་ཧཱ་ཀ་ར་དོ། མ་ར་ཤ་།ཧ་ར་ཤ་།ཏུ་མ་སརྦ་སྭཱ་ཧཱ། ནན་ཙ
172a4 སྭཱ་ཧཱ། བཅོམ་ལྡན་འདས་གསང་བའི་བདག་པོ་སྔགས་འདི་འདོན་པས་སྐུད་པ་སྔོན་པོ་ལ་ལན་བདུན་དུ་སྔགས་ཀྱིས་བཏབ་སྟེ། ལན་རེ་མདུད་པ་རེ་བོར་ནས་དཔུང་པ་ལ་བཅིངས་ན་གནོད་པ་མེད་ཅིང་དགོས་པ་འགྲུབ་པར་འགྱུར
172a5 ལགས་སོ། །གུ་གུལ་ཙན་དན་དུ་རུ་སྐ། །ཀ་ཏ་ར་དང་སྦྱར་བའི་སྨན། །དེ་ཡིས་མཆོད་པ་དབུལ་བར་བྱའོ། །ན་མ་ཨཱརྱ་ཛཾ་བྷ་ལ། ན་མོ་དན་ཏཱ་ཡ། དན་ཏི་ཤྭ་རཱ་ཡ། ཨཱ་ཀར་ཥ་ཡ། ཨ་ཀར་མི་ཏ། དན་ཏི་ཤ་དྷཱ་ཡ། པ་ར་མ་ཀརྡུ་ནི་ཡ།
172a6 སརྦ་སཏྭ་ཧི་ཏ་ཛི་ན་ཏ། མ་མ་དན་ཏ། ན་མ་པ་རི་ཡེ་ཤ་།ས་མ་ཡ་མ་ཧཱ་ཨཱ་ཀར་ཤ་སྭཱ་ཧཱ། རིག་སྔགས་འདི་ལན་བདུན་ཚང་བར་བཟླས་ཏེ། དེའི་འོག་ཏུ་གསང་བའི་སྙིང་པོ་གདོན་པར་བགྱིའོ། །དེ་ཡང་སྔར་འཕགས་པ་དཀོན་མཆོག
172a7 གསུམ་དང་། གསང་བ་པའི་བདག་པོ་ལག་ན་རྡོ་རྗེ་ལ་མཆོད་ནས། དེའི་འོག་ཏུ་བདག་གི་མིང་ནས་བརྗོད་པར་བགྱིད་ན་ནོར་རྫས་དང་། ཅི་འདོད་པ་དག་འགྲུབ་པར་བགྱིད་ཅིང་བདེ་བ་སྩོལ་བར་བགྱིད་དོ། །དེ་ནས་བདག་གིས་གསང་སྔགས
172a8 ཡིད་བཞིན་གྱི་ནོར་བུ་འདོན་ཅིང་ཡི་དམ་དུ་བགྱིད་ན། དེའི་དགོས་པ་ཅི་སྨོས་པ་ཐམས་ཅད་སྒྲུབ་པར་བགྱིད་ལགས་སོ། །དེ་ནས་གནོད་སྦྱིན་གྱི་རྒྱལ་པོ་གནོད་འཛིན་དཔལ་གྱིས་ཉིད་ཀྱི་སྙིང་པོ་ཡིད་བཞིན་གྱི་ནོར་བུ་ལྟ་བུ་དཔལ་ཕྱག་ན་རྡོ་རྗེ
iiif viewer powered by OpenSeadragon
