| e-texts navigator |
| Wylie |
171a1 དང་ལྡན་བར་འགྱུར། གང་དང་གང་དུ་འདོད་པ་དེར་འགྲོ་ཞིང་ནམ་མཁར་སྦྱོར། ཚེ་ལོ་སྟོང་ཐུབ་བར་འགྱུར་རོ། །དེ་ནས་མངོན་བར་སྤྱོད་པར་འདོད་ན། བྱེད་པ་བསླབ་བ་ནི་གོས་ཆེན་པོ་ཞིག་བགོས།
171a2 སྟག་གི་ལྤགས་པས་སྨད་གཡོགས་བྱས་ཏེ། དུར་ཁྲོད་དབུས་ན་ཅི་འབྱོར་པའི་ཁྲག་གིས་སྦྱིན་སྲེག་ཞག་བཅུ་གཉིས་ཀྱི་བར་དུ་བསྲེགས་ན། ཞག་བཅུ་གཉིས་ན་བུད་མེད་སེང་གེ་ཞོན་བ་ཏྲི་ཤཱུ་ལ་དང་། དགྲ
171a3 སྟ་དང་། ཨུ་པ་ར་ལག་པ་ན་དྲིལ་བུ་ཐོགས་པ་མདུན་དུ་འོངས་ནས། དེ་སྨྲ་བ་རིག་འཛིན་ང་བཀྲེས་སོ་ཞེས་སྨྲ་བ། གཏོར་མ་འདིར་གར་མཁན་མཆོག་གི་བཀའ་སྟེ། ད་ཅི་ལྟར་བདེ་བར་སྤྱོད་ཅིག་ཅེས
171a4 ནས། དེ་ནས་ཡོན་ཆུ་སྤྱིན་པར་བྱའོ། །དེས་སྨྲས་པ་ཅི་སློང་ཞེས་པ་དང་། རིག་འཛིན་གྱིས་སྨྲ་བར་བྱ་སྟེ། ངའི་ལས་ཐམས་ཅད་བྱོས་ཤིག་ཞེས་པ་དང་། དེས་སྨྲས་བ། རིག་པ་འཛིན་དེ་དེ་བཞིན་ནོ་ཞེས་ནས
171a5 གང་དགོས་པར་འགྱུར་བ་དེ་ཐམས་ཅད་དང་། གཏེར་ཐམས་ཅད་སྟོན་ནོ། ཧན་ཙ་ན་སྒྲུབ་པར་འདོད་ན་ལྡོང་རོས་དམར་པོ་མི་མགོ་གའུ་འི་ནང་དུ་ཁྲག་དང་བསྲེས་ཏེ་བཅུག་ནས། སྔགས་བརྒྱ་རྩ་བརྒྱད་བསྔགས
171a6 ཤིང་། ཀ་ར་བི་རའི་ལྕུག་མས་དཀྲུག་ཅིང་། དེ་ནས་མི་མགོ་འབར་བར་འགྱུར་ཏེ། དེས་ཐིག་ལེར་བྱས་ན། ནམ་མཁའ་ལ་འགྲོ་ཞིང་། རིག་འཛིན་དང་ཐབས་གཅིག་རོལ་བར་འགྱུར་རོ། །སྙིང་གར་ཐིག་ལེ
171a7 བྱས་ན། མི་སྣང་བར་འགྱུར་ཞིང་གང་འདོད་པ་དེར་ཞུགས་པར་འགྱུར་རོ། །མིག་ལ་བསྐུས་ན་གཏེར་ཐམས་ཅད་མཐོང་བར་འགྱུར་རོ། །ལྷ་མ་ཡིན་གྱི་སྒོ་ཐམས་ཅད་སྒྲིབ་པ་མེད་པར་མཐོང་བར་འགྱུར་རོ། །ཀླུའི
171a8 གནས་ཐམས་ཅད་ཀྱང་མཐོང་ཞིང་ཀུན་དུ་འཇུག་པ་དང་ཀུན་དུ་འགྲོ་བ་དང་ཐམས་ཅད་རོལ་ཅིང་དགའ་བ་མྱོང་བར་འགྱུར་རོ། །ཟོས་ན་བསྐལ་པ་སྟོང་ཕྲག་སྟོང་དུ་ཚེ་རིང་། རིག་འཛིན་གྱི་འཁོར་ལོ་འཁྱིལ་ཅིང་འཁྱིལ
iiif viewer powered by OpenSeadragon
