| e-texts navigator |
| Wylie |
170b1 འོན་ཏེ་བྲིས་པ་ལ་བལ་བོ་སེའུ་འི་ལྕུག་མ་ལན་ཅིག་བཟླས་ཏེ་གུ་གུལ་གྱིས་བདུགས་ན་ལུས་ཐམས་ཅད་བཅིང་བར་འགྱུར་རོ། །མིའི་ཐོད་པ་གཟུང་སྟེ། ཀ་ར་བི་རའི་ལྕུག་མས་དགྲ་བོའི་མིང་གཟུང་ཞིང་གཞུས་ན། དགྲ་ཐམས
170b2 ཅད་ཀྱི་མིང་རྡོལ་ཞིང་ལུས་ཀྱི་ཡན་ལག་དང་ཉིང་ལག་ཐམས་ཅད་ཀྱང་ཞིག་པར་འགྱུར་ཏེ། ཐམས་ཅད་གུ་གུལ་གྱིས་བདུག་པ་དང་། ལན་གཅིག་བཟླས་སོ། །ལས་ཐམས་ཅད་ལ་ལན་ཅིག་བཟླས་པ་ཙམ་གྱིས་དངོས་གྲུབ་འགྲུབ
170b3 བར་འགྱུར་རོ། གཅིག་ཏུ་དཔའ་བ་གར་མཁན་མཆོག་གི་ཆོ་ག་གཉིས་པ་རྫོགས་སྷོ།། །།ན་མོ་བཻ་ཤ་ར་མ་ན་སཱུ་ཏྲ་ཡ། ཡར་ན་དྷ་ཀུ་པ་ར་ཡ་དི་བྷྱ། བྱི་ན་མ། ཚ་རི་ཐཾ་ཡ། ཧེ་མ་མ་ལ། ཀུ་ན་ཏ་ལ། ཤ་རཱི་ར་ཡ། ཀྵ་རཀྵ། ས་མི་ན
170b4 ཏི་ཏ་ཡ། ཏྭོཾ་བྷ་ག་བཾ། མ་བཱ་ར་དཻ། བྱ་མྱཻ། ཏདྱ་ཐཱ། བ་ནི་བ་ནི། ཀུ་ཏ་ཀུ་ཏ། ཀུད་ཏ་ཀུད་ཏ། ཀུ་ཀུ། ཀུ་ཀུ། པ་ཙ་པ་ར། ཕུ་ར་པུ་ར། ཀུ་པ་ར་ཀུ་པ། མ་ར་ཀུ་བ་ར། དི་བྱི་མཾ། ཀུན་ད་ལི། རུ་ཏི་རུ་ཏི་སྭཱ་ཧཱ། དེ་ནས་གནོད་སྦྱིན་མོ་སྒྲུབ
170b5 པར་འདོད་ན། ཝ་ཏེའི་ཤིང་ལས་སྤང་ལེབ་བྱས་ལ། གནོད་སྦྱིན་མོ་བྲི་བར་བྱ། ཁ་དོག་སྔོ་བསངས་ལ། གདོང་ཁྲོ་གཉེར་ཅན། མཆེ་བ་འཁྱིལ་པ། སྟོད་གཡོགས་མེད་པ། རྒྱན་ཐམས་ཅད་ཀྱིས་བརྒྱན་པ། ལག
170b6 པ་གཡོན་པ་ན་མིའི་ཐོད་པ་ཁྲག་གིས་གང་བ། ལག་པ་གཡས་པས་མཆོག་སྦྱིན་པ་སྟེ། དེའི་མདུན་དུ་རིག་པ་བཟླས་ཤིང་། ཟས་དཀར་པོ་བཟའ་བར་བྱ། བརྒྱ་སྟོང་རྫོགས་པ་དང་། གནོད་སྦྱིན་མོ་མདུན་དུ་འོངས་བར
170b7 འགྱུར་ཏེ། དེའི་གཏོར་མ་དཀར་པོ་ཡོན་ཆུ་སྦྱིན་བར་བྱའོ། །སྨྲ་བ་ཅི་བགྱི་བཀའ་སྩོལ་ཅིག་ཅེས་བགྱིས་པ་དང་། རིག་འཛིན་གྱིས་སྨྲ་བར་བྱ་བ་ངའི་ཆུང་མ་གྱིས་ཤིག་ཅེས་སྨྲས་བ་དང་དེ་བཞིན་ནོ་ཞེས་ནས་མི
170b8 སྣང་བར་འགྱུར་རོ། །དེ་ནས་རྒྱན་ཐམས་ཅད་ཀྱིས་བརྒྱན་པའི་བུད་མེད་ཅིག་འོངས་ནས་དེ་དང་ལྷན་ཅིག་ཏུ་འདོད་བའི་ཡོན་ཏན་དང་རོལ་ཅིང་དགའ་བ་ཡོངས་སུ་སྤྱོད་དོ། །རིག་འཛིན་དེ་གནོད་སྦྱིན་ཆེན་པོ་སྟོབས་སྟོབས
iiif viewer powered by OpenSeadragon
