| e-texts navigator |
| Wylie |
14a1 གྲཝ་བཞི་པའི་ཤར་གྱི་སྒོར་གནས་གཅིག་ཏུ་ལྷ་མ་ཡིན་གྱི་དབང་པོ་ཆེན་པོ་སྟོབས་ཅན་དང་། བགྲོད་དཀའ་ཆེན་པོ་བྲི་བར་བྱའོ། །དེའི་ལྷོར་རྣམ་པར་སྣང་བྱེད་དང་ཧ་རི་ཏའི་པི་གི་ལ་ཞེས་བྱ་བ་བྲི་བར་བྱའོ། །དེའི་ནུབ་ཀྱི་སྒོར
14a2 སྣང་བའི་ཕྲེང་བ་ཅན་དང་རྔ་བོ་ཆེ་སྟེ། ལྷ་མ་ཡིན་གྱི་དབང་པོ་དེ་དག་བྲི་བར་བྱའོ། །དེ་ནས་མཆོད་པ་ཤ་མེད་པའི་ལྷ་བཤོས་བཞི་བྱ་སྟེ། གཅིག་ནི་སངས་རྒྱས་བཅོམ་ལྡན་འདས་ལའོ། །གཉིས་པ་ནི་དྲི་མ་མེད་པའི་བློ་གྲོས་ལའོ། །
14a3 གསུམ་པ་ནི་རྡོ་རྗེ་འཛིན་པ་ལའོ། །བཞི་པ་ནི་ཁྲོ་བོའི་རྒྱལ་པོ་ལའོ། །ལྔ་པ་ནི་ལྷ་ཆེན་པོ་ལའོ། །དེ་ནས་ཇི་ལྟར་འབྱོར་བས་ལྷ་མ་ཡིན་གྱི་དབང་པོ་རྣམས་ཀྱི་གཏོར་མ་དང་། འབྱུང་པོ་ཐམས་ཅད་པའི་གཏོར་མ་སྦྱིན་པར་བྱའོ། །དེ་ནས
14a4 དྲི་ཐམས་ཅད་དང་མེ་ཏོག་དང་ཕྱེ་མ་ལ་སོགས་པའི་ལྷ་བཤོས་སྦྱིན་ནོ། །དེ་ནས་ལྷ་རྣམས་འཆིང་བར་བྱེད་པའི་སྔགས་ནི། ཨུ0f00་བཛྲ་གརྦྷེ་བཛྲ་གརྦྷེ་ཕཊ་ཧཱ་དྷི་ཀི་རི་ཎི་སྭཱ་ཧཱ། དེ་ནས་མཚམས་བཞི་རུ་ལག་པ་ཕྱག
14a5 རྒྱས་བྱིན་གྱིས་བརླབས་པས་ལོག་འདྲེན་བཅིང་བར་བྱའོ། །དེའི་སྔགས་ནི་ན་མཿས་མན་ཏ་བཛྲཱ་ཎཱ~ཾ། ཨུ0f00་བཛྲ་པཱ་ལ་ཡེ་སྭཱ་ཧཱ་ཞེས་ལན་གསུམ་དུ་བརྗོད་དོ། །རྡོ་རྗེ་ལྕགས་སྒྲོག་གིས་བཅིང་བ་དང་དགུག་པར
14a6 བྱའོ། །སངས་རྒྱས་དང་བྱང་ཆུབ་སེམས་དཔའ་རྣམས་དང་ལྷ་ཐམས་ཅད་མེ་ཏོག་གིས་དགུག་པར་བྱའོ། །ན་མ་སྟྲཻ་ཡ་དྷཱི་ཀཱ་ནཱ~ཾ་སརྦ་ཏ་ཐཱ་ག་ཏཱ་ནཱ~ཾ་ཨ་ན་ལ་བྷཱ་ཀཱ་ནཱི་ན་མཿསྭཱ་ཧཱ། དེ་ནས་སྐྱེས་བུ་དཔའ་བོས་སྔགས
14a7 འདིས་བསྲུང་བར་བྱ་སྟེ། ཨུ0f00་དཱུརྦཱ་རེ་ཛྭ་ལ་ཛྭ་ལ་ན་མོ་བཛྲ་སཱ་ག་ར་ཡེ་སྭཱ་ཧཱ། འདིས་བསྲུངས་ནས་རས་དཀར་པོ་ཕྲ་བ་དྲི་ཞིམ་པོས་གདོང་གཡོགས་ཏེ་འཁྲུལ་འཁོར་གྱི་བླ་མ་བཟླས་ལ་སྐྱེས་བུ་དཔའ་བོས་ཆོས
14a8 ཀྱི་གྲུ་ལྟ་བུའི་ཤིང་ལྷམ་བསྐོན་ཏེ། ལག་པ་གཡས་པ་རུ་སྦལ་གྱི་ཕྱག་རྒྱའམ། ལྷ་མ་ཡིན་གྱི་ཕྱག་རྒྱ་བཅིངས་ལ། རྩ་བ་ནག་པོ་མེད་པའི་བུམ་པ་ལོ་མ་བཟང་པོ་དང་ལྡན་པའི་ཆུས་ཤར་གྱི་སྒོར་འཁྲུལ་འཁོར
iiif viewer powered by OpenSeadragon
