| e-texts navigator |
| Wylie |
13b1 སྒོར་འཁྲུལ་འཁོར་སུམ་བཅུ་ལྷག་པའི་སྟོང་བཞག་པར་བྱའོ། །དེ་ལ་འཁྲུལ་འཁོར་ཆེན་པོ་བརྒྱད་རྣམ་པ་དང་བཅས་པ་བཞག་པར་བྱ་སྟེ། དེ་ལ་སྲད་བུ་དང་གྲི་གུག་དང་བུད་མེད་དང་། གཞིའི་འཁྲུལ་འཁོར་དང་འཕང
13b2 འཛིན་པའི་ལག་པ་དང་། འོག་ཏུ་ལྟ་བའི་ཚུལ་དང་། གཞིའི་འཁྲུལ་འཁོར་ལ་ལྟ་བ་བྲི་བར་བྱའོ། །དེ་ནས་སེང་གེ་དང་ལུག་དང་། ཆུ་སྲིན་དང་། གླང་པོ་ཆེ་དང་ལྟོ་འཕྱེའི་རྣམ་པ་དང་། དཀྱིལ་འཁོར་གྱི་རྣམ་པ་དང་མ་བྱས
13b3 པའི་གདོང་དང་། དཔལ་གྱི་སྒོ་འདི་བརྒྱད་རྣམ་པ་དང་བཅས་པ་བྲི་བར་བྱའོ། །གདོང་གི་འཁྲུལ་འཁོར་མཆུ་བཙུམས་པ་བྲི་བར་བྱའོ། །ལུག་གི་སྤྱི་བོར་ཕུར་བུའི་འཁྲུལ་འཁོར་བྲི་བར་བྱའོ། །མདའ་དང་བཅས་པའི
13b4 གཞུ་དང་། ཆུ་རྒྱུན་གྱི་ལྟེ་བར་ཕུར་བུ་གཞག་པར་བྱའོ། །སྦྱིན་དང་འདོ་ལི་གྲུ་བཞི་པ་དང་། བསྐོར་བའི་འཁྲུལ་འཁོར་བྲིའོ། །གཉིད་དང་། འོད་འཕྲོ་བའི་རྣམ་པ་བྲི་བར་བྱའོ། །དེ་ཡང་གོ་རིམ་བཞིན་དུ་རྣམ་པ་དང
13b5 བཅས་པའི་འཁྲུལ་འཁོར་ལ་ཕུར་བུས་བསྣུན་པ་བྲི་བར་བྱའོ། །དེ་ནས་བྱང་གི་སྒོར་བུ་ག་རྣམ་པ་དང་བཅས་པ་བྲི་བར་བྱ་སྟེ། སེང་གེ་དང་། ལུག་དང་ཆུ་སྲིན་དང་། གླང་པོ་ཆེའི་གདོང་དང་། ལྟོས་འཕྱེའི་གདོང་དང་།
13b6 བ་གླང་གི་གདོང་དང་དཀྱིལ་འཁོར་དང་། མ་བྱས་པའི་གདོང་གི་རྣམ་པ་སྟེ། དཔལ་གྱི་སྒོ་བརྒྱད་ཕུར་བུས་བསྣུན་པའི་རྣམ་པ་དང་བཅས་པ་བྲི་བར་བྱའོ། །དེའི་དབུས་སུ་ཆུ་རྒྱུན་དབྱུག་གུ་དང་བཅས་པ་བྲི་བར་བྱའོ། །
13b7 གྲཝ་བཞིར་སྒོ་བྲལ་བཞི་བྲི་བར་བྱའོ། །མེར་མེའི་ཐབ་ཁུང་ངོ་། །བདེན་བྲལ་དུ་དུ་བའི་ཐབ་ཁུང་ངོ་། །རླུང་དུ་ཆུའི་ཐབ་ཁུང་ངོ་། །དབང་ལྡན་དུ་སྦྲུལ་བཞག་པར་བྱའོ། །དེ་ནས་རས་དཀར་པོ་ཕྲ་བ་དྲི་ཞིམ་པའི་གདུགས་བཞི
13b8 དང་། དབྱིགས་དང་བཅས་པའི་ནོར་བུས་བྱིན་གྱིས་བརླབས་ལ་ཤིན་ཏུ་དྲི་ཞིམ་པའི་ཆུ་གཙང་མས་ཡོངས་སུ་བཀང་བའི་བུམ་པ་རྩ་བ་ནག་པོ་མེད་ཅིང་དྲི་ཞིམ་པོས་ཡོངས་སུ་བྱུགས་པ་བཞག་གོ། །ཕྱིའི་དཀྱིལ་འཁོར་གྱི་ཕྱོགས
iiif viewer powered by OpenSeadragon
