| e-texts navigator |
| Wylie |
14a1 ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིཊྚེ་བཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ། ཀུ་སུ་མ། བ་རེ། ཨི་ལི་མི་ལི། ཙི་ཏི་ཛྭ་ལ་མ་པ་ན་ཡ་སྭཱ་ཧཱ། འདི་ཡི་ཆོ་ག་ནི་བསྒྲུབ་མི་དགོས་པར་ལས་ཐམས
14a2 ཅད་བྱེད་དེ། རིམས་ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། འབྱུང་པོ་དང་། མཁའ་འགྲོ་མ་དང་། འདྲེ་དང་ལུས་སྲུལ་པོ་དང་། བརྗེད་བྱེད་དང་། ལྦ་བ་དང་། འབྲས་ཀྱི་ཕྲེང་བ་དང་། བས་ལྔགས
14a3 ལ་སོགས་པ་དང་། དུག་དང་། ཕོལ་མིག་དང་། གཡན་པ་ལ་སོགས་པ་ལ་འཇིམ་པ་ལ་བསྔགས་ཏེ་བསྐུའོ། །ལན་བདུན་བཟླས་བརྗོད་བགྱིས་ན་ལས་ཀྱི་སྒྲིབ་པ་སྦྱོང་བར་བགྱིའོ། །བྱིས་པ་གདོན་གྱིས་ཟིན་པ་ལ་ནི་འབྲུ
14a4 མར་རོ། །རྣ་བ་བྲོ་འཚལ་བ་ལ་ནི་རུ་སྟ་དང་འབྲུ་མར་རོ། །རྣ་བ་བྲོ་འཚལ་བ་(ཞེས་སྣར་ཐང་པའི་དཔེ་ཡ་)ལ་བློ་ལ་བཏགས་ན་དེས་ཞི་བར་འགྱུར་རོ། །བྲོ་ནད་ཐམས་ཅད་ལ་ཡང་སྦྱར་བར་བགྱིས་ཏེ་བཀླགས་པས་འགྲུབ་བོ། །འཕགས་པ་སྤྱན་རས
14a5 གཟིགས་དབང་ཕྱུག་གི་ཞལ་བཅུ་གཅིག་པ་ཞེས་བྱ་བའི་གཟུངས་རྫོགས་སྷོ། ། །།རྒྱ་གར་གྱི་མཁན་པོ་ཤཱི་ལེན་ཏྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། རྫོགས་སྷོ། །
14a6 །། |་།། རྒྱ་གར་སྐད་དུ། ཨཱརྱ་མུ་ཁ་ད་ཤཻ་ཀ་བིདྱཱ་མནྟྲ་ཧྲྀ་ད་ཡ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ཞལ་བཅུ་གཅིག་པའི་རིག་སྔགས་ཀྱི་སྙིང་པོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས
14a7 དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་འོད་མའི་མྱུ་གུའི་དཀྱིལ་འཁོར་ན་དགེ་སློང་གི་དགེ་འདུན་ཆེན་པོ་སྟོང་ཉིས་བརྒྱ་ལྔ་བཅུ་དང
14a8 བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མེད་གྲངས་མེད་པ་དང་ཐབས་གཅིག་ཏུ་བཞུགས་ཏེ། བྱང་ཆུབ་སེམས་དཔའ་བྱམས་པ་ནི་གཙོ་བོར་གྱུར་ཏོ། །གཞན་ཡང་དེའི་ཚེ་བཅོམ་ལྡན་འདས་དགེ་སློང་དང་།
iiif viewer powered by OpenSeadragon
