| e-texts navigator |
| Wylie |
286b1 ས་མ~ཾ་ཏ་སྥ་ར་ཎ། བུད་དྷི། པྲ་ས་ར་པྲ་ས་ར། ས་མན་ཏ་བུད་དྷི། ཨ་བ་ལོ་ཀི་ཏེ། བྷ་ག་བཱན་པྲཛྙཱ་ཨ་བ་ལོ་ཀི་ཏེ་ཙཀྵུ་ཥ་མ་ཧཱ་པྲཛྙཱ་པ་ར་མཱ་ནི་མ་ཧཱ་པྲཛྙཱ། པད་མ་དྷཱ་རི་ཎི་བྷུ་ཛེ་ཧཱུ~ཾ་ཕཊ་སྭཱ་ཧཱ། གཟུངས་འདི་དྲན་པ
286b2 ཙམ་གྱི་མོད་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །ཐབས་དང་ཤེས་རབ་སྣ་ཚོགས་ཀྱི་དགེ་བའི་བློ་ཆེན་པོ་རབ་ཏུ་འཕེལ་བར་འགྱུར་རོ། །རྟག་ཏུ་རྒྱུན་མི་འཆད་པར་ཕ་རོལ་ཏུ
286b3 ཕྱིན་པ་བཅུའི་བློ་དང་ལྡན་པར་འགྱུར་རོ། །ཕྱོགས་བཅུའི་དེ་བཞིན་གཤེགས་པ་ཐམས་ཅད་དང་། འདས་པ་དང་། མ་འོངས་པ་ན་འབྱུང་བར་འགྱུར་བའི་དེ་བཞིན་གཤེགས་པ་ཐམས་ཅད་ཡིད་ལ
286b4 བྱེད་ཅིང་། སངས་རྒྱས་རྗེས་སུ་དྲན་པའི་ཤེས་རབ་ཀྱི་བློ་དང་རབ་ཏུ་ལྡན་པར་འགྱུར་རོ། །ལན་འགའ་ཡང་ཕ་རོལ་ཏུ་ཕྱིན་པ་དྲུག་དང་འབྲལ་བར་མི་འགྱུར་རོ། །སྦྱིན་པ་དང་། ཚུལ་ཁྲིམས་དང་།
286b5 བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལས་ཡོངས་སུ་ཉམས་པར་མི་འགྱུར་རོ། །བྱང་ཆུབ་ཏུ་མངོན་པར་རྫོགས་པར་སངས་རྒྱས་ཀྱི་བར་དུ་ནམ་ཡང
286b6 རྨོངས་པར་མི་འགྱུར་རོ། །ཆོས་ཐམས་ཅད་ཀྱི་དེ་བཞིན་ཉིད་ལ་ཡང་དག་པར་རྗེས་སུ་སོང་བ་ཞེས་བྱ་བའི་དེ་ཁོ་ན་ཉིད་དང་རབ་ཏུ་ལྡན་པར་འགྱུར་རོ། །བློ་གྲོས་དཔག་ཏུ་མེད་པ་དང་ལྡན་པ་ཕུན་སུམ་ཚོགས
286b7 པར་འགྱུར་རོ། །ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་རབ་ཏུ་དགོངས་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་རྗེས་སུ་སེམས་པར་འགྱུར་རོ། །འཕགས་པ་དོན་ཡོད་པའི་ཞགས་པའི་ཕ་རོལ
286b8 ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པའི་གཟུངས་ཆེན་པོ་རྫོགས་སྷོ། ། །།པཎ་ཌི་ཏ་མཉྫུ་ཤྲཱི་ཝརྨ་དང་། ལོ་ཙྪ་བ་བློ་ལྡན་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། ལོ་ཙྪ་བ་ཆོས་ཀྱི་ཤེས་རབ་ཀྱིས་ཀྱང་བསྒྱུར་ཏེ་གཏན་ལ་ཕབ་པའོ། །ཡང་ཞུས་ཤེ། །།
iiif viewer powered by OpenSeadragon
