| e-texts navigator |
| Wylie |
280a1 འགྱུར་རོ། །གཟའ་རབ་ཏུ་ཞི་བར་འགྱུར་རོ། །རླུང་དང་སྤྲིན་དང་ཐོག་ནི་ཆུས་རེངས་པར་བྱེད་དོ། །ཀ་ར་བི་རའི་ལྕུག་མས་ནི་ལས་ཐམས་ཅད་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་མཆོག་ཏུ
280a2 གྲུབ་པ་འདིས་མ་བསྒྲུབས་པར་ཡང་ལས་འདི་རྣམས་བྱེད་དོ། །དེ་ནས་སྒྲུབ་པར་འདོད་ན་ཐང་སྐུའི་ཆོ་ག་ནི་ཚོན་སྣ་མ་ལུས་པས་སངས་རྒྱས་ཀྱི་སྐུ་གཟུགས་མཉམ་པར་བྲི་བར་བྱ་སྟེ། འཕགས་པ་སྤྱན་རས་གཟིགས
280a3 དབང་ཕྱུག་རལ་པའི་ཅོད་པན་འཆང་བ་རི་དགས་ཀྱི་ལྤགས་པས་སྨད་དཀྲིས་བྱས་ཤིང་ཕྱུགས་བདག་གི་ཆ་ལུགས་འཆང་བ་རྒྱན་ཐམས་ཅད་ཀྱིས་བརྒྱན་པར་བྱའོ། །ལྷ་བཟོ་མཁན
280a4 གསོ་སྦྱོང་དང་ལྡན་པས་རི་མོ་བྲི་བར་བྱའོ། །དེ་ནས་སྒྲུབ་པ་པོས་སྐུ་གཟུགས་དེའི་མདུན་དུ་བ་ལང་གི་ལྕི་བས་དཀྱིལ་འཁོར་བྱས་ལ་མེ་ཏོག་དཀར་པོ་བཀྲམ་སྟེ། དྲི་ཞིམ་པོའི་ཆུས་བཀང་བའི་བུམ་པ་བརྒྱད
280a5 གཞག་པར་བྱའོ། །ཉེ་བར་སྤྱོད་པ་བརྒྱད་དང་ཉེ་བར་མཁོ་བ་དྲུག་བཅུ་རྩ་བཞི་དང་། ཁྲག་མེད་པའི་གཏོར་མ་ཤ་དང་བཅས་པ་བྱའོ། ། ག་རུའི་བདུག་སྤོས་བསྲེགས་ལ་རིག་པ་སྟོང་ཕྲག་བརྒྱད
280a6 བཟླས་པར་བྱའོ། །ཉིན་ཞག་གཅིག་ཏུ་སྨྱུང་བར་གནས་པ་འམ། དཀར་གསུམ་ཟ་ཞིང་དུས་གསུམ་དུ་ཁྲུས་བྱས་ནས་གོས་གཙང་མ་གྱོན་པར་གྱུར་པས་བཟླས་པ་བྱའོ། །དེ་ནས་སྐུ་གཟུགས
280a7 ཀྱི་མདུན་དུ་རང་ཉིད་བྲིས་པ་བལྟས་ཏེ་དེ་མཐོང་བས་དགའ་བར་འགྱུར་རོ། །ཇི་སྲིད་དུ་འཕགས་པ་སྤྱན་རས་གཟིགས་དབང་ཕྱུག་བྱོན་ཏེ། བསམ་པ་ཐམས་ཅད་ཡོངས་སུ་རྫོགས་པར
iiif viewer powered by OpenSeadragon
