| e-texts navigator |
| Wylie |
5a1 དང་ནི་སྲིན་པོ་དང་། །ཤ་ཟ་ལ་སོགས་ཕུང་བར་གྱུར། །ལྷ་རྣམས་ཀུན་ནི་ཕྱག་འཚལ་ཞིང་། །ཡན་ལག་ཀུན་ནས་སྤུ་ལངས་ནས། །གཤེན་རྗེ་གཤེད་པོ་ཁྲོ་བོ་ཡི། །ཁྲོ་བོ་སྙིང་པོ་དེ་བཟུང
5a2 ངོ་། །དེ་ནས་དམ་ཆོས་བསྲུངས་བའི་ཕྱིར། །ཁྲོ་བོ་རྣམ་པར་རྒྱལ་བ་ཡི། །རྟོག་པ་འདི་ནི་དེ་དག་ལ། །གཤེན་རྗེ་གཤེད་ཀྱིས་རྒྱས་པར་གསུངས། །དེ་ནས་ཁྲོ་བོ་རྣམ་རྒྱལ་གྱི། །རྟོག་པ་ཁྲོ་བོ་ཉིད་ཀྱིས
5a3 གསུངས། །སྙིང་རྗེ་བྱང་ཆུབ་སེམས་ལྡན་པའི། །ལྷ་རྣམས་ཀྱིས་ཐོས་དགའ་གྱུར་ནས། །དཀོན་མཆོག་གསུམ་ནི་བསྲུངས་བའི་ཕྱིར། །སོ་སོ་ཡི་ནི་རྟོག་པ་བཤད། །དེ་དག་གིས་ནི་རྩ་བའི
5a4 རྒྱུད། །ཁྲོ་བོ་ཉིད་ཀྱིས་རབ་གསུངས་པ། །ཁྲོ་བོ་རྣམ་རྒྱལ་ཞེས་བྱ་འདི། །འཇིག་རྟེན་འདས་དང་འཇིག་རྟེན་པས། །སྔོན་ནས་ཕྱག་བྱས་ཁྲོ་བོ་ཡི། །ཞལ་ནས་ཇི་བཞིན་ཐོས་ནས་ཀྱང་། །
5a5 ཁྲོ་བོ་ཉིད་ཀྱིས་གསུངས་པ་ཡི། །རྒྱུད་འདི་བྱང་ཆུབ་སེམས་རྣམས་ཀྱིས། །སྙིང་རྗེ་དེ་བཞིན་རྒྱས་པ་དང་། །རྣམ་པ་མང་པོར་བྱིན་གྱིས་བརླབས། །འཇམ་དཔལ་གྱི་རྩ་བའི་རྟོག་པ་ཁྲོ་བོ་རྣམ
5a6 པར་རྒྱལ་བ་ལས་རྒྱུད་འབྱུང་བ་ཞེས་བྱ་བའི་སྐབས་ཏེ་དང་པོའོ། ། །། དེ་ནས་ཁྲོ་བོ་རྣམ་པར་རྒྱལ། །འཇམ་དཔལ་ཁྲོ་བོས་བཤད་པ་ཡི། །རྟག་པ་རྨད་དུ་བྱུང་བའི་མཆོག་།མདོར་ནི་རབ་ཏུ་བཤད་པར་བྱ། །
5a7 དེ་ལ་འདིའི་དཀྱིལ་འཁོར་ནི། །དངོས་གྲུབ་ཐམས་ཅད་སྦྱིན་མཛད་པའི། །འཇིག་རྟེན་གསུམ་པོ་འཁྲུག་པར་མཛད། །ཡི་དག་མང་པོ་ཞེས་བྱའོ། །ཐམས་ཅད་དུ་ནི་དཀྱིལ་འཁོར་འདི། །གནས་ནི
5a8 གང་དུ་འགྲུབ་པར་འགྱུར། །སྔགས་པས་ཐོག་མ་ཉིད་དུ་ནི། །དེ་ཡི་གནས་ནི་བརྟག་པར་བྱ། །ཤིང་གཅིག་པ་འམ་དུར་ཁྲོད་དང་། །ཁྱིམ་སྟོང་དང་ནི་བཞི་མདོ་དང་། །མཆོད་རྟེན་དང་ནི་མུ
iiif viewer powered by OpenSeadragon
