| e-texts navigator |
| Wylie |
57a1 འཕགས་པ་གཙུག་གི་ནོར་བུ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །
57a2 ཕྱོགས་བཅུའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤེས་བྱ་མཐའ་ཡས་པ་མ་ལུས་པར་ཁྱབ་པ་མཆོག་ཏུ་རྨད་དུ་བྱུང་ཞིང་རྣཾ་པར་དག་པའི་ཐུགས་མངའ་བ་ལ་ཕྱག་འཚལ་ལོ། །
57a3 བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ། མི་འཇིགས་པ་སྦྱིན་པ། ཕོངས་པ་ཐཾད་ལས་ཡོངས་སུ་སྐྱོབ་པར་མཛད་པ། འཇིགས་པ་ཐཾད་ལས་རྣཾ
57a4 པར་ཐར་བར་མཛད་པ། ཡམས་ཀྱིས་ནད་དང་། གནོད་པ་ཐཾད་འཇིགས་པར་མཛད་པ། མི་མཐུན་པ་དང་། རྩོད་པ་དང་། འཐབ་པ་དང་། འགྱེད་པ་ཐཾད་རབ་ཏུ་ཞི་བར་མཛད་པ། སྡེག་པ་ཐཾད་འཇིག་པར་མཛད་པ། འབྱུང་པོ་དང་རོ་ལངས་དང
57a5 གཤིས་ངན་དུ་འཆི་བ་དང་། རྨི་ལམ་ངན་པ་དང་། བགེགས་ཀྱི་ལོག་འདྲེན་ཐཾད་འཇིགས་པར་མཛད་པ། ཕ་རོལ་གྱི་དམག་ཚོག་དང་། མུ་གི་དང་། མྱ་ངན་གྱི་འཇིགས་པ་ཐཾད་དུ་བཟློག་པར་མཛད་པ། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་།
57a6 དྲི་ཟ་དང་། ལྷ་མ་ཡིན་དང་། ནཾ་མཁའ་ལྡིང་དང་། མིའམ་ཅི་དང་། ལྟོ་ཕྱེ་ཆེན་པོ་ཐཾད་འདུན་པར་མཛད་པ། དུག་དང་། འབྲུམ་ཕྲན་དང་། ཐོར་བུ་དང་། གཤེད་བྱེད་དང་། བྱད་དང་། རོ་ལངས་དང་། བཀྲ་མི་ཤིས་པའི་འཇིགས་པ་ཐཾད་འཇིགས་པར་མཛད་པ་ལ
57a7 ཕྱག་འཚལ་ལོ། །གཤེད་བྱེད་ཐཾད་སེལ་བར་བྱེད། །སྡིག་པ་ཐཾད་འཕྲོག་པ་ཉིད། །ནོར་དང་འབྲུ་རྣམས་འཕེལ་མཛད་པ། །བདག་གི་བུ་དང་ཚ་བོ་དང་། །གཡོག་འཁོར་རྟག་ཏུ་མང་གྱུར་པ། །ཕྱིར་བཟློགས་པ་འདི་རྗོད་པར་བྱ། །ལྷ་དང་ལྷ་མིན་གཡུལ
57a8 བཀྱེ་སྟེ། བརྒྱ་བྱིན་ལྷ་མིན་རྣཾས་ལས་ཕམ། །དེ་ནས་རིང་པ་ཁོ་ནར་ནི། །འཇིག་རྟེན་དབང་གི་དྲུང་འོངས་ཏེ། །དེ་ནས་སྙིང་ནི་རབ་བསྐྲག་པས། །འདི་སྐད་ཀྱིས་ནི་ཚིག་གསོལ་ཏོ། །ལྷ་མིན་བདག་ཕམ་འཇིག་རྟེན་དབང་། །ཇི་ལྟར་བདག་གི་ནན་ཏན
iiif viewer powered by OpenSeadragon
