| e-texts navigator |
| Wylie |
54b1 ཁྲོ་བོ་བདུད་རྩི་འཁྱིལ་པའི་མཐར། །རབ་ཏུ་དྲག་པའི་ཤུགས་བཞག་གོ། རྣཾ་པར་སྐྲག་བྱེད་གསལ་བ་ཡི། །ཁྲོ་བོ་ཚམ་ངཾ་བསྙེན་པར་གནས། །གླང་པོ་མྱོས་པའི་ཤུགས་ཅན་དག་།མངོན་དུ་འོང་བར་གྱུར་ན་ཡང་། །དེ་མ་ཐག་ཏུ་བསྐྲག་པར་བྱེད། །
54b2 མྱོས་པའི་ཤུགས་ཀྱང་རབ་ཏུ་དོར། །སླད་དུ་ལོག་པར་ཕན་ཚུན་དུ། །སྐོར་ཞིང་མི་དགའ་བཞིན་དུ་འགྲོ། །གླང་པོའྀ་རྒྱལ་པོ་དེ་མྱོས་ཤིང་། །བདེ་བ་མ་ཐོབ་བབས་པར་འགྱུར། །བསྒྲུབ་པ་ཁྲོ་བོ་བསྒོཾ་པ་ཡྀ། །ཆོ་གའི་ཚུལ་ནི་དེ་བཞིན་ནོ། །ཧེ་ལའི་འཁོར
54b3 ལོ་ཞེས་བྱ་བའི། །བཞི་པའི་གནས་ལ་འདུག་ནས་ཀྱང་། །ཁྲོ་བོ་ཆེན་པོའྀ་ཚིག་གི་མཐར། །ནོན་ཅིག་ཅེས་པའི་ཚིག་གཉིས་བསྐུལ། །དེ་ནས་ཆོ་ག་སྔར་བཤད་པས། །བདུད་རྩི་འཁྱིལ་པ་བཞག་པར་བྱ། །བདུད་རྩི་འཁྱིལ་པ་དེའི་མཐར། །ཁྲོ་བོ་ཆེན་པོ
54b4 སྟོབས་ཆེན་བཞག་། ཀུན་ཏུ་སྡོམ་པ་མཛེས་པ་ཡི། །ཚམ་ངམ་གྱིས་ནི་མི་གཡོར་གནོན། །དཔུང་ངམ་ཡང་ན་གླང་པོ་འམ། །གྲུ་འམ་ཡང་ན་ཤིང་རྟ་འཾ། །རྟ་དང་རྔ་མོ་ལུག་ལ་སོགས། །ཁྲོ་བོ་བསྒོམ་པའི་ཚུལ་བཞིན་བྱས། །སྦྱོར་བ་དེ་ལ་གནས་ནས
54b5 ནི། །རབ་ཏུ་མནན་པ་བྱས་པར་འགྱུར། །དེ་ནས་ཧེ་ལ་ཞེས་བྱ་བའི། །འཁོར་ལོ་ལྔ་པ་ལ་གནས་ནས། །ཁྲོ་བོ་ཆེན་པོའྀ་ཚིག་གིས་མཐར། །དཀྲུགས་ཤིག་དཀྲུགས་ཤིག་ཚིག་གཉིས་གཞག་།ཁྲོ་བོ་བདུད་རྩི་འཁྱིལ་པ་ཡང་། །མཐའ་ཡི་ཚིག་གི་གནས
54b6 སུ་བཞག་། ཁྲོ་བོ་རྒྱ་ཆེན་ཞེས་བྱ་བ། །རབ་ཏུ་འབར་བར་གྱུར་པར་བྱ། །ཁྲོ་བོ་བདུད་རྩི་འཁྱིལ་པ་ཡང་། །རབ་ཏུ་འཁྲུག་པ་ཞེས་བྱ་བའི། །ཚཾ་ངཾ་མཆོག་གིས་མྱུར་དུ་ནི། །དགྲའི་དཔུང་རྣཾས་ཕན་ཚུན་དུ། །རབ་ཏུ་རྣམ་པར་དཀྲུགས་པར་བྱ། །དེ་ནས་ཧེ་ལའི་འཁོར་ལོ
54b7 ཡི། །རིམ་པ་དྲུག་ལ་གནས་ནས་ནི། །ཁྲོ་བོ་ཆེན་པོའི་མཚིག་གི་མཐར། །རྨོངས་པར་གྱུར་ཅེས་ཚིག་གཉིས་བསྐུལ། །ཁྲོ་བོ་བདུད་རྩི་འཁྱིལ་པ་ཡང་། །ཚིག་གིས་ཐ་མར་ཀུན་དུ་བཞག་།ཁྲོ་བོ་བཞན་གྱིས་མི་ཐུབ་པ། །ཆོ་ག་སྔ་མ་བཞིན་དུ་བསྐུལ། །རྨོངས
54b8 པར་བྱེད་པའི་ཚམ་ངཾ་གྱིས། །ཆོ་ག་བཞིན་དུ་རབ་བསྐུལ་ནས། །རི་མོ་དག་ལ་གནས་པ་བཞིན། །འགྲོ་བ་མྱུར་དུ་རྨོངས་པར་འགྱུར། །དེ་ནས་ཧེ་ལའི་འཁོར་ལོ་འདིར། །རིམ་བདུན་པ་ལ་གནས་ནས་སུ། །ཁྲོ་བོ་ཆེན་པོའི་ཚིག་གི་མཐར། །སྒྲོགྶ་ཤིག་སྒྲོགྶ་ཤིག
iiif viewer powered by OpenSeadragon
