| e-texts navigator |
| Wylie |
316b1 བདེ་ཆེན་ས། །དེ་ལྟར་དྲུག་ནི་སངས་རྒྱས་ཀྱི། །ས་ཆེན་བླ་མེད་མཐར་གནས་སོ། །ངོ་བོ་སྤྲོས་མེད་ཆོས་སེམས་པ། །གསང་སྔགས་བསྒྲུབ་པའི་རྒྱུ་གཅིག་གོ། སེམས་ཅན་སེམས་སྙོམས་བྱང་སེམས་འཛིན། །ངེས་པར
316b2 སྒྲུབ་པའི་རྒྱུ་གཉིས་སོ། །སེམས་ཅན་མི་གཏོང་ཚུལ་ཁྲིམས་བསྲུང་། །སྔགས་དོན་མི་སྤོང་ཉིད་དང་གསུམ། །རང་གིས་སྔགས་བསྒྲུབ་གཞན་གྱིས་སྔགས། །བར་མི་གཅོད་དང་འགྲོ་བ་ལ། །བྱམས་པ
316b3 བསྒྲུབ་དང་སྙིང་རྗེ་བསྒྲུབ། །གྲུབ་པར་བྱེད་པའི་རྒྱུ་བཞིའོ། །དབེན་པ་བསྟེན་དང་འདུ་འཛི་སྤོང་། །ཐོས་པ་བསམ་ཞིང་དེ་དོན་སྤྱོད། །ཕྱི་རོལ་སྔགས་སྤོང་ཞེ་སྡང་སྐྱུང་། །དེ་དག་སྔགས་སྒྲུབ་རྒྱུ་ལྔའོ། །
316b4 དད་པ་འདུན་པ་གསོལ་བ་དང་། །ཕྱི་ནང་སྔགས་ལ་མི་སྤྱོད་དང་། །སྤྲོས་མེད་སྟོན་པའི་གཞུང་འཇུག་དང་། །ཐེག་ཆེན་མདོ་གཞུང་འཛིན་པ་དང་། །སྔགས་གཞུང་ཚོལ་བ་མི་སྐྱོ་དང་། །བེད
316b5 སྤྱོད་བརྩོན་དང་དྲུག་པའོ། །བཟླས་དང་སྦྱིན་སྲེག་མཆོད་གཏོར་བརྩོན། །ཕྱི་རོལ་དཀའ་ཐུབ་གདུང་མེད་དང་། །སྣོད་བཅུད་འོག་མིན་གནས་ལྷ་དང་། །བུ་མོ་ཕ་རོལ་ཕྱིན་ཡུལ
316b6 ལྷ། །འགྲོ་བ་མི་བསླུ་ཆོས་མི་འབྱེད། །ཐེག་དམན་མི་ལེན་པ་དང་བདུན། །ཉན་ཐོས་རང་རྒྱལ་བློ་ལྡན་དང་། །རིག་འཛིན་རྫུ་འཕྲུལ་ཐེ་ཚོམ་མེད། །ལྷ་དང་བླ་མའི་བསྙེན
316b7 བཀུར་དང་། །དབང་བསྐུར་ལུང་ནོད་སྤྲོ་བ་དང་། །སེར་སྣ་མེད་དང་གཏོང་ལ་དགའ། །གསང་བ་དགའ་ཞིང་མི་གཡེངས་དང་། །གཟི་བརྗིད་དབང་ཆེའི་ལུས་ཐོབ་དང་། །གྲགས་ཀུན་བློ
316b8 ལྡན་བརྒྱད་པོར་བལྟ། །སྐུར་པ་མེད་ཅིང་བདེན་པར་སྨྲ། །བག་ཡོད་ཚུལ་འཆོས་སྤངས་པ་སྟེ། །བརྒྱད་པ་དེ་ཡང་བསྒྲུབ་པའི་རྒྱུ། །རྒྱུ་མེད་འབྲས་བུ་ག་ལ་སྲིད། །
iiif viewer powered by OpenSeadragon
