| e-texts navigator |
| Wylie |
316a1 འཇིག་རྟེན་དབང་ཕྱུག་མཐོང་། །ཡང་ཡང་ལྷར་སྐྱེ་མྱ་ངན་འདའ། །དེ་སྐད་གསུངས་ནས་བློ་ལྡན་རྣམས། །རང་རང་སྟན་ལ་མངོན་པར་འཁོད། །དེ་ཚེ་ཕྱོགས་བཅུ་རྣམ་པར་གཡོས། །བདུད་རིགས་ཐམས་ཅད་མོག་པོར་གྱུར། །
316a2 དེ་ནས་གཟུངས་ཀྱི་དབང་ཕྱུག་གིས། །བྱང་ཆུབ་སེམས་དཔའི་ཚོགས་རྣམས་ལ། །རྟོགས་པའི་ཡེ་ཤེས་ངོ་བོ་ཉིད། །ངའི་མཚན་ཉིད་འདི་གསུངས་སོ། །ཀུན་ཏུ་བཟང་པོའི་སྤྱོད་ཡུལ་ཅན། །དཀར་ལམ་བཅུ་པ་རྣམ་སྤྲོ་བ། །སེམས་ཅན
316a3 གང་དུ་འདོད་སྦྱོར་བའི། །རིགས་ནི་རིགས་ཆེན་ཐམས་ཅད་པའོ། །ལུས་ངག་ཡིད་བཅུ་སྤྱོད་བཅུ་ནི། །རྒྱུན་མི་ཆད་དུ་སྦྱོར་མོད་ཀྱང་། །རགས་པ་ཡི་ནི་གཟུགས་བརྙན་མཐུས། །སྔགས་སྦྱོར་གསང་སྔགས་འཛིན་པ་ཡི། །ལྷ་ལ
316a4 གོམས་པ་ལྷ་མཐོང་ངམ། །མངོན་ཤེས་དང་པོ་སེམས་གསལ་བས། །མཁའ་མཉམ་སེམས་ཀྱི་རྫུ་འཕྲུལ་ཆེ། །སེམས་སྣང་རིགས་པ་འཛིན་པའི་ས། །མཚན་མ་ཕྲ་བ་ལ་སོགས་པའི། །མངོན་ཤེས་འཇིག་རྟེན་གསལ
316a5 མཐོང་ས། །འཇིག་རྟེན་འདས་པའི་སྙིང་པོ་སྟེ། །བསྟན་པའི་ཡེ་ཤེས་ལས་བྱུང་བའོ། །དམ་ཚིག་སྡོམ་པ་མཁའ་མཉམ་སྤྱོད། །སེམས་དང་སེམས་དཔའ་དབྱེར་མེད་དང་། །ཞི་ལམ་སྒྲོ་སྐུར་ཆད་པ་དང་། །སྡུག་བསྔལ་ཀུན་འབྱུང་འགོག
316a6 དང་ལམ། །བཞི་བཞི་ལྷུན་གྱིས་གྲུབ་པ་དང་། །རྟེན་འབྲེལ་ཟབ་དོན་མངོན་གྱུར་པ། །འཇིག་རྟེན་འདས་པའི་རིགས་ཀུན་མཆོག་།མཚན་མེད་ཏིང་འཛིན་ལ་གནས་ནས། །རྩོལ་བཅས་གཞན་དོན་སྒྲུབ་པ་དང་། །རྩོལ་མེད་ཤུགས་ཀྱིས་བདེ
316a7 འབྱུང་དང་། །ངེས་ཚིག་ཆོས་དོན་སྤོས་པའི་མཐའ། །རྫུ་འཕྲུལ་དུ་མ་སྤྱོད་ཡུལ་ལ། །རིགས་ཆེན་ཡོངས་སུ་གྲུབ་པའི་ས། །མཁའ་སྤྱོད་ཕུན་སུམ་ཚོགས་ལྡན་ཅིང་། །སེམས་ཀྱི་སྣང་བ་དུ་མར་སྒྱུར། །དངོས་རྣམས་སྤྲོས་སྤང་བསྡུ་སྤྱོད་པ། །
316a8 རིག་འཛིན་ཕྱག་རྒྱ་ཆེན་པོ་ཡིས། །ཆོས་སྐུ་ཀུན་སྣང་ཀུན་དུ་འོད། །བདེ་སྐུར་སྣང་བ་པད་མའི་སྤྱན། །ཡི་གེ་འཁོར་ལོ་སྤྲུལ་ཚོགས་ཆེ། །མཚོན་བྱ་མཚན་ཉིད་རྡོ་རྗེ་འཛིན། །ཟག་མེད་ཡེ་ཤེས་བླ་མའི་ས། །འདུ་འབྲལ་མེད་པའི
iiif viewer powered by OpenSeadragon
