| e-texts navigator |
| Wylie |
312b1 གྲུབ་མ་ལུས་རྫོགས་པ་ཡི། །ཐུགས་རྗེའི་ཉི་མ་ལྷམ་མཛད་པའི། །མགོན་པོ་པད་མས་བཤད་དུ་གསོལ། །འགྲོ་རྣམས་མ་རིག་འདམ་ལ་ཞེན། །སྲིད་པའི་ཐག་པས་རྒྱ་གྲམ་བཅིངས། །འདོད་ཆགས
312b2 ཞེ་སྡང་མུན་པས་གཡོགས། །ང་རྒྱལ་ཕྲག་དོག་ཆུ་བོས་གཡེངས། །ངན་རྟོག་ལོག་ལམ་གཡང་སར་ལྟུང་། །བག་མེད་སེར་སྣའི་དུག་གིས་མྱོས། །སྡིག་པའི་གྲིབ་མས་རྣམ་པར་རྒྱལ། །བག
312b3 ཆགས་འཐུག་པོའི་རི་བོས་མནན། །མགོན་པོ་ཁྱོད་ནི་ཐུགས་རྗེས་ངལ་བ་མེད། །ཉེས་པའི་རྒྱ་མཚོ་བསལ་བའི་ཕྱིར། །ཤེས་རབ་ཐབས་འབྱུང་བཤད་དུ་གསོལ། །དེ་ནས་འཇིག་རྟེན་མགོན་པོ་རྗེ། །ཐུགས་རྗེ
312b4 ཐུགས་དཔལ་མངའ་བ་ཡི། །ཐུགས་དམ་རྫོགས་པའི་འབྲས་བུ་བཅས། །ཁྱད་པར་གསུང་འདི་བཀའ་སྩལ་ཏོ། །མཐའ་དག་གཟུགས་སྒྲ་ཐོས་པ་དང་། །རྫུ་འཕྲུལ་བསྒྱུར་དང་གཞན་སེམས་ཤེས། །
312b5 འདས་དང་མ་འོངས་དོན་ཤེས་དང་། །མཐའ་ཡས་ཤེས་དྲུག་ལས་སྤྱོད་པ། །དངོས་དང་རྟགས་དང་ཆ་མཐུན་གྱིས། །རྣམ་པ་བཅཝ་བརྒྱད་དག་ཏུ་འགྱུར། །ཕྲ་དང་ཡང་དང་མཆོད་པར་བྱ་བ་དང་། །བདག
312b6 པོར་གྱུར་དང་དབང་དུ་འགྱུར་བ་དང་། །གར་ཡང་ཕྱིན་ཡང་འདོད་དགུར་ལྡན་པ་དང་། །དགའ་མགུར་གནས་ཏེ་དབང་ཕྱུག་ཡོན་ཏན་ནོ། །རྣམ་པ་བརྒྱད་ཀྱིས་དཔེར་བྱ་ཡིས། །ལོངས་སྤྱོད་དབང་དང་ལུས
312b7 ལ་དབང་། །ཚེ་ལ་དབང་དང་རྐང་མགྱོགས་དང་། །ཆུ་ལ་མི་འབྱིང་མཁའ་ལ་འགྲོ། །ས་འོག་འགྲོ་དང་མི་སྣང་བ། །ཞི་རྒྱས་དབང་དང་མངོན་སྤྱོད་སོགས། །དངོས་པོ་གང་དང་གང་བསྒྲུབ་རྣམས། །རི་ལུས
312b8 ལས་ནི་འབྱུང་འགྱུར་གྱི། །གཞན་གྱི་མྱུར་དུ་འགྲུབ་མི་འགྱུར། །བྱང་ཆུབ་སེམས་དཔའི་རིལ་བུ་ནི། །མཚམས་མེད་ལ་སོགས་བྱེད་པས་ཀྱང་། །རྙེད་མ་ཐག་ཏུ་དངོས་གྲུབ་འགྱུར། །ཉེ་དང་དབང་ལྡན་ལྷ་ཡི
iiif viewer powered by OpenSeadragon
