| e-texts navigator |
| Wylie |
312a1 ལྡན་པར་ནི། །སྔགས་ཀྱིས་ཡིག་འབྲུའི་ལྷ་རྣམས་བཞུགས། །སྔགས་རྫོགས་ནས་ནི་སྔགས་སུ་དམིགས། །གང་གིས་ཕྱག་རྒྱ་འཆང་བྱེད་ལ། །བྱང་ཆུབ་སེམས་དཔའི་ཚོགས་རྣམས་དང་། །རིག་པའི་ལྷ་མོའི
312a2 ཚོགས་རྣམས་དང་། །འཇིག་རྟེན་འདྲེན་པའི་ཚོགས་བཅས་དང་། །སྤྱན་རས་གཟིགས་དབང་ཚོགས་ཆེན་དང་། །ཁྲོ་བོ་ཚོགས་བཅས་མ་ལུས་དང་། །འཇིག་རྟེན་སྐྱོང་བ་གྲགས་ལྡན་རྣམས། །ཅི་འདོད་ལས་རྣམས་མ་ལུས་པའི། །
312a3 གྲོགས་དང་དཔུང་དུ་བྱས་ནས་ནི། །ཚུལ་བཞིན་དུ་ནི་བསྒྲུབ་པ་ལ། །བརྩོན་འགྲུས་གང་དང་གང་གིས་ཀྱང་། །ཐེ་ཚོམ་དུ་ནི་མི་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ལས
312a4 ཕྱག་རྒྱ་ལ་བརྟེན་པའི་ལེའུ་སྟེ་བཅུ་གཅིག་པའོ། ། །། དེ་ནས་མཁའ་ལ་གཤེགས་པ་ཡི། །རིག་པ་འཛིན་པའི་དྲང་སྲོང་མཆོག་།མཚན་དཔེ་དུ་མ་རྒྱས་པ་ཆེ། །ཉི་མའི་གོང་བུ་ཞེས་བྱ་བ། །དྲང་སྲོང
312a5 རྗེ་དཔོན་ཚོགས་ཀྱི་མཆོག་། འགྲོ་དོན་རྫོགས་མཛད་ཐུགས་རྗེ་ཅན། །སྤྱན་རས་གཟིགས་དབང་མགོན་པོ་ལ། །སངས་རྒྱས་ཚིག་གིས་འདི་སྐད་གསོལ། །ོཾ་འོད་ཟེར་དུ་མ་ཐེར་ཟུག་གི་།
312a6 སྲིད་འདམ་སྟུག་པོ་སེལ་བྱེད་རྒྱལ། །ཡོན་ཏན་ཡེ་ཤེས་ཀྱིས་བརྒྱན་སྐུ། །མགོན་པོ་སྤྱན་རས་གཟིགས་ཕྱག་འཚལ། །གསུང་སྙན་ཡན་ལག་བརྗོད་བྲལ་ཆོས། །བག་ཆགས་རི་བོ་སྙིལ
312a7 མཛད་རྒྱལ། །སྐྱེ་འགག་བྲལ་སྟོན་སྡེ་སྣོད་གསུམ། །མགོན་པོ་སྤྱན་རས་གཟིགས་ཕྱག་འཚལ། །སྐྱེ་འགག་གནོད་བྲལ་མཉམ་བཞག་པ། །ཏིང་འཛིན་ཤེས་རབ་འཕེལ་མཛད་རྒྱལ། །ཡེ་ཤེས
312a8 གཟིགས་པ་མཐའ་ཡས་ཐུགས། །མགོན་པོ་སྤྱན་རས་གཟིགས་ཕྱག་འཚལ། །སྣ་ཚོགས་སྨན་དང་སྔགས་སྦྱར་ནས། །ལྷ་ཡི་གོང་བུའི་རི་ལུ་ནི། །འཇིག་རྟེན་འཇིག་རྟེན་འདས་པ་ཡི། །དངོས
iiif viewer powered by OpenSeadragon
