| e-texts navigator |
| Wylie |
311b1 དྷི། །པྲ་ཤ་མ་ནི་སྭཱ་ཧཱ། །ཞེས་པཾ་ཡིག་ལ་ནི་བསྐོར་བར་བྲི། །མུ་ཁྱུད་དང་པོ་སྤྱན་རས་གཟིགས། །གདོང་བཅུ་གཅིག་གི་སྔགས་བྲིའོ། །གཉིས་པར་ཆོས་ཀྱི་གཙུག་ཏོར་གྱི། །རྩ་བའི་ཕྲེང་སྔགས་བྲི་བར་བྱ། །རྒྱ་སྐྱེགས་དང་ནི་མཚལ་ཡིན་ཏེ། །
311b2 དེ་ལ་ཤིང་སྤྱིན་བྱུག་པར་བྱ། །མཆོད་དང་གསོལ་གདབ་སྔགས་དག་ནི། །བདུན་སྟོང་རེ་རེ་བརྗོད་བྱས་ནས། །སྒོ་གོང་ལ་གདགས་བྱུང་འཇུག་ཚེ། །འཇིག་རྟེན་མགོན་ལ་ཕྱག་འཚལ་ལོ། །རྟ་ཕྱུགས་ཡམས་ནད་མ་ལུས་ལ། །རིག་པའི་ལྷ་མོ
311b3 འི་ཚོགས་བཅས་པའི། །འཇིག་རྟེན་མགོན་གྱི་རིག་སྔགས་མཐུས། །མྱུར་དུ་སེལ་བར་མནན་པ་དང་། །བཟློག་དང་བཅིང་བར་མཛོད་ཅེས་བརྗོད། །ཕྱུགས་བདག་ཆེན་པོས་སྐྱོང་བ་ལྟར། །གླང་པོ་རྟ་བོང་མ་ཧེ་ཚོགས། །བརྟན་ཞིང་ནད
311b4 དང་གནོད་པ་མེད། །ཤིན་དུ་འཕེལ་ཞིང་རྒྱལ་བར་འགྱུར། །དེ་ནས་ཡང་དག་བཤད་བྱ་བ། །དམག་དཔུང་ཆེན་པོ་འཇིགས་པ་ལ། །ཁྱད་པར་དུ་ནི་སྐྱོབ་པ་ཡི། །ཕྱག་རྒྱ་སྦྱོར་བ་མཉན་པར་གྱིས། །ཡུང་བས་རས་སམ་ཤིང་ལ་ནི། །པད
311b5 དཀར་སྟེང་དུ་ཁ་ཊྭཱ~ཾ་དང་། །རལ་གྲི་འོད་མ་བྲི་བར་བྱ། །དེ་ལ་གདུག་གུ་གསུམ་གྱིས་བསྐོར། །དང་པོ་གདོང་བཅུ་གཅིག་པའི་སྔགས། །གཉིས་པ་སེང་གེ་སྒྲ་ཡི་སྔགས། །གསུམ་པར་ཧ་ཡ་ཆེན་པོའི་སྔགས། །དེ་རྒྱབ་མེ་ཡི་ར་བ་བྲི། །
311b6 འདི་ལ་གསོལ་བ་བཏབ་ནས་ནི། །གཡུལ་ངོར་ཁྱེར་ཏེ་ཞུགས་པ་གང་། །དགྲ་དཔུང་ཆེན་པོ་འབྲོས་འགྱུར་ཏེ། །རང་ཉིད་གཡུལ་ལས་རྒྱལ་བར་འགྱུར། །ལོངས་སྤྱོད་ཕྱིར་ནི་བྱང་བལྟས་བྲི། །དབང་བྱེད་པ་ནི་ནུབ་ཏུ་སྟེ། །
311b7 གཡུལ་བཟློག་པ་ནི་ལྷོར་བལྟས་བྲི། །ལྷག་མ་རྣམས་ལ་ཤར་བལྟས་བྲི། །དཀར་སེར་དམར་དང་སྔོ་བ་ཡི། །དབྱེ་བས་ཟས་དང་གོས་ཤེས་བྱ། །འཛུམ་དང་རྔམ་དང་དགོད་དང་ཁྲོ། །བཞིན
311b8 གྱི་རྣམ་པ་བཤད་པ་ཡི། །སྔགས་དང་སྔགས་ཀྱི་འོད་ཕྲེང་དང་། །ལྷ་ཡི་ཁ་དོག་དབྱེ་བ་དང་། །སྣོད་ལ་སོགས་པའི་དབྱེ་བ་དང་། །རྒྱན་ཡང་དེ་ལྟར་ཤེས་པར་བྱ། །ཀུན་ཀྱང་རིན་ཆེན་པད་མའི་གདན། །ཁ་དོག་སྣ་ཚོགས
iiif viewer powered by OpenSeadragon
